約翰一書 第 1 章

1

(THR) Lūn-kàu o̍ah-miā ê Tō, tùi khí-thâu só͘ ū, góan só͘ thiaⁿ-kìⁿ, chhin-ba̍k só͘ khòaⁿ-kìⁿ, só͘ koan-khòaⁿ, iā góan ê chhiú bong-tio̍h ê;

(BCL) 論到活命的道，對起頭所有，阮所聽見、親目所看見，所觀看，也阮的手摸著的。（

2

(THR) (chit ê o̍ah-miā bat chhut-hiān, góan ū khòaⁿ-kìⁿ lâi chòe kan-chèng, iā pò lín chai hit ê éng-o̍ah ê o̍ah-miā, chiū-sī pún kap Pē tī-teh, iā chhut-hiān tī góan ê);

(BCL) 此個活命曾出現，阮有看見，來做干證，也報恁知彼個永活的活命，就是本及父佇，也出現佇阮的。）

3

(THR) góan chiong só͘ khòaⁿ-kìⁿ só͘ thiaⁿ-kìⁿ pò lín chai, beh hō͘ lín kap góan kau-pôe, koh góan só͘ kau-pôe, chiū-sī kap Pē í-kı̍p I ê Kiáⁿ Iâ-so͘ Ki-tok:

(BCL) 阮將所看見、所聽見報恁知，欲互恁及阮交陪。閣阮所交陪就是及父以及伊的子耶穌基督。

4

(THR) góan siá chiah-ê, sī beh hō͘ góan ê hoaⁿ-hí chhiong-móa.

(BCL) 阮寫諸個，是欲互阮的歡喜充滿。

5

(THR) Góan tùi I só͘ thiaⁿ ê ōe, lâi thôan hō͘ lín ê, chiū-sī kóng, Siōng-tè sī kng, tī I chôan-jiân bô àm.

(BCL) 阮對伊所聽的話、來傳互恁的，就是講，上帝是光，佇伊全然無暗。

6

(THR) Lán nā kóng, ū teh kap I kau-pôe, iā kiâⁿ tī o͘-àm, chiū-sī kóng pe̍h-chha̍t, bô kiâⁿ chin-sı̍t;

(BCL) 咱若講有及伊交陪，也行佇黑暗，就是講白賊，無行真實。

7

(THR) to̍k-to̍k lán nā kiâⁿ tī kng-bêng, chhin-chhiūⁿ I tiàm tī kng-bêng, chiū lán saⁿ-kap kau-pôe, iā I ê Kiáⁿ Iâ-so͘ ê huih sóe-tû lán lóng-chóng ê chōe.

(BCL) 獨獨咱若行佇光明，親像伊佇光明，就咱相及交陪，也伊的子耶穌的血洗除咱攏總的罪。

8

(THR) Lán nā kóng bô chōe, chiū-sī phiàn ka-kī, chin-lí iā bô tiàm tī lán.

(BCL) 咱若講無罪，就是騙家己，真理也無佇咱。

9

(THR) Lán nā jīn lán ê chōe, I sī chin-sı̍t kong-gī, beh sià-bián lán ê chōe, sóe-tû lán lóng-chóng ê put-gī.

(BCL) 咱若認咱的罪，伊是真實公義，欲赦免咱的罪，洗除咱攏總的不義。

10

(THR) Lán nā kóng bē bat hōan chōe, piān sī hō͘ I chòe kóng pe̍h-chha̍t ê, I ê tō-lí bô tiàm tī lán.

(BCL) 咱若講未曾犯罪，便是互伊做講白賊的，伊的道理無佇咱。

Bible Color Mark

• 台語漢字羅馬本
• 巴克禮全羅