撒母耳記上 第 27 章

1

(THR) Tāi-pı̍t sim-lāi kóng, Beh ū chı̍t-jı̍t góa sí tī Sò-lô ê chhiú; m̄-ta̍t-tio̍h cháu-khì Hui-lī-sū ê tōe; Sò-lô tùi-tī góa chiū cho̍at-bāng, bô koh tī Í-sek-lia̍t ê kéng-lâi chhē góa; án-ni góa chiū thang thoat-lī i ê chhiú.

(BCL) 大衛心內講：「欲有一日我死佇掃羅的手，呣值著走去非利士的地。掃羅對佇我就絕望，無閣佇以色列的境內尋我；按呢我就通脫離伊的手。」

2

(THR) Tāi-pı̍t chiū khí-lâi, kap tè i ê la̍k-pah lâng, kè-khì kàu Ka-te̍k ông, Má-gô ê kiáⁿ A-kiat hia.

(BCL) 大衛就起來，及隨伊的六百人過去到迦特王──瑪俄的子亞吉遐。

3

(THR) Tāi-pı̍t kap i nn̄g ê bó͘, chiū-sī Iâ-su-lia̍t lâng, A-hi-lóan, kap bat chòe Ná-pat ê bó͘ ê Ka-bı̍t lâng A-pí-kai, kap tè Tāi-pı̍t ê lâng í-kı̍p ta̍k-lâng ê ke-kòan, lóng tiàm tī Ka-te̍k A-kiat hia.

(BCL) 大衛及伊二個某，就是耶斯列人亞希暖及曾做拿八的某的迦密人亞比該，及隨大衛的人，以及逐人的家眷，攏踮佇迦特亞吉遐。

4

(THR) Ū lâng kā Sò-lô kóng, Tāi-pı̍t cháu-khì Ka-te̍k. Sò-lô chiū bô koh chhē i.

(BCL) 有人給掃羅講：「大衛走去迦特。」掃羅就無閣尋伊。

5

(THR) Tāi-pı̍t tùi A-kiat kóng, Góa nā tī lí ê bīn-chêng tit-tio̍h un-tián, kiû lí ēng soaⁿ-tiûⁿ chı̍t ê siâⁿ hō͘ góa, góa chiū ū só͘-chāi thang khiā-khí; in-ūi lí ê lô͘-po̍k siáⁿ-sū tio̍h kap lí saⁿ-kap khiā-khí tī kiaⁿ-siâⁿ ah?

(BCL) 大衛對亞吉講：「我若佇你的面前得著恩典，求你用山場一個城互我，我就有所在通徛起。因為你的奴僕啥事著及你相及徛起佇京城啊？」

6

(THR) Tng hit-jı̍t A-kiat chiong Sé-kek-la̍h hō͘ i; in-ūi án-ni Sé-kek-la̍h sio̍k Iû-tāi ông, tı̍t-kàu kin-á-jı̍t.

(BCL) 當彼日亞吉將洗革拉互伊，因為按呢洗革拉屬猶大王，直到今仔日。

7

(THR) Tāi-pı̍t tiàm tī Hui-lī-sū lâng ê tōe, kiōng chı̍t-nî koh sì-ge̍h-jı̍t.

(BCL) 大衛踮佇非利士人的地共一年閣四月日。

8

(THR) Tāi-pı̍t kap tè i ê lâng chiūⁿ-khì, chhim-chhú Ki-su̍t lâng, Ki-sek lâng, A-má-le̍k lâng; in-ūi chí kúi cho̍k pêng-sò͘ khiā-khí tī hit só͘-chāi, tùi Su-jíⁿ khì kàu Ai-kı̍p.

(BCL) 大衛及隨伊的人上去，侵取基述人、基色人、亞瑪力人。因為此幾族平素徛起佇彼所在，對書珥去到埃及。

9

(THR) Tāi-pı̍t phah hit só͘-chāi, bô-lūn lâm-lú bô chı̍t-ê o̍ah; koh chhiúⁿ in ê iûⁿ, gû, lû, lo̍k-tô, kap i-ho̍k, tò-tńg lâi kìⁿ A-kiat.

(BCL) 大衛拍彼所在，無論男女無一個活，閣搶的羊、牛、驢、駱駝，及衣服，倒轉來見亞吉。

10

(THR) A-kiat kóng, Lín kin-á-jı̍t khì chhim-chhú sím-mı̍h tōe-hng ah? Tāi-pı̍t kóng, Phah Iû-tāi ê lâm-hng, Iâ-la̍h-bia̍t lâng ê lâm-hng, Ki-nî lâng ê lâm-hng.

(BCL) 亞吉講：「恁今仔日去侵取甚麼地方啊？」大衛講：「拍猶大的南方、耶拉篾人的南方、基尼人的南方。」

11

(THR) Tāi-pı̍t bô lâu chı̍t ê lâm-lú o̍ah, tòa-kàu Ka-te̍k, sī phah-sǹg kóng, Kiaⁿ-liáu in chiong góan ê sū pò lâng chai, kóng, Tāi-pı̍t án-ni kiâⁿ; koh i tiàm tī Hui-lī-sū lâng ê tōe ê sî, iā siông-siông chiàu chit-khóan lâi kiâⁿ.

(BCL) 大衛無留一個男女活，帶到迦特。是拍算講：「驚了將阮的事報人知，講大衛按呢行，閣伊踮佇非利士人的地的時，也常常照此款來行。」

12

(THR) A-kiat sìn Tāi-pı̍t, sim-lāi kóng, Tāi-pı̍t hō͘ i pún-cho̍k Í-sek-lia̍t lâng chin iàm-ò͘ⁿ, só͘-í i beh éng-óan chòe góa ê lô͘-po̍k.

(BCL) 亞吉信大衛，心內講：「大衛互伊本族以色列人真厭惡，所以伊欲永遠做我的奴僕。」

Bible Color Mark

• 台語漢字羅馬本
• 巴克禮全羅