提摩太前書 第 3 章

1

(THR) Lâng nā him-bō͘ kàm-tok ê chit, i sī it-tio̍h hó ê kang, chit kù ōe sī chin-sı̍t.

(BCL) 「人若欣慕監督的職，伊是憶著好的工。」此句話是真實。

2

(THR) Só͘-í chòe kàm-tok ê eng-kai tio̍h bô thang hiâm, chòe chı̍t ê hū-jîn-lâng ê tiōng-hu, m̄ thang hò͘ⁿ chiú, tio̍h siú-kí, toan-chèng, hó khóan-thāi chhut-gōa lâng,

(BCL) 所以做監督的，應該著無通嫌，做一個婦仁人的丈夫，呣通好酒，著守己，端正，好款待出外人，教示；

3

(THR) gâu kà-sī, bô in-ūi chiú khí sū, bô phah lâng, tio̍h un-jiû, bô saⁿ-chiⁿ, bô tham châi;

(BCL) 無因為酒起事，無拍人，著溫柔，無相爭，無貪財；

4

(THR) gâu chéng-chôe ka-kī ê ke, ēng toan-chong hō͘ kiáⁿ-jî sūn-ho̍k.

(BCL) 整齊家己的家，用端莊互子兒順服。

5

(THR) In-ūi lâng nā bōe hiáu-tit chéng-chôe ka-kī ê ke, beh cháiⁿ-iūⁿ chiàu-kò͘ Siōng-tè ê kàu-hōe ah?

(BCL) 因為人若曉得整齊家己的家，欲怎樣照顧上帝的教會啊？

6

(THR) Tú-á jı̍p kàu ê m̄ thang hō͘ i chòe kàm-tok, kiaⁿ-liáu ka-kī phín-phóng, lâi hām-lo̍h tī Mô͘-kúi só͘ siū ê sím-phòaⁿ.

(BCL) 抵仔入教的呣通互伊做監督，驚了家己品嗙，來陷落佇魔鬼所受的審判。

7

(THR) Koh tī kàu-hōe gōa tio̍h ū hó miâ-siaⁿ, kiaⁿ-liáu tú-tio̍h lâng ê lóe-mē, hām-lo̍h Mô͘-kúi ê o̍ah-tauh.

(BCL) 閣佇教會外著有好名聲，驚了抵著人的詈罵，陷落魔鬼的活罩。

8

(THR) Án-ni chòe chip-sū ê iā tio̍h toan-chong, bô nn̄g iūⁿ ōe, bô ài lim chōe-chōe chiú, bô tham put-gī ê chîⁿ,

(BCL) 按呢做執事的，也著端莊，無二樣話，無愛飲多多酒，無貪不義的錢；

9

(THR) tio̍h chûn chheng-khì ê liông-sim, kò͘-siú sìn-tō ê ò-biāu.

(BCL) 著存清氣的良心，顧守信道的奧妙。

10

(THR) Chhin-chhiūⁿ chit hō lâng tio̍h tāi-seng chhì-giām i; nā bô thang hiâm, chiah thang hō͘ in chòe chip-sū.

(BCL) 親像此號人著代先試驗伊，若無通嫌，才通互做執事。

11

(THR) Án-ni hū-jîn-lâng iā tio̍h toan-chong, bô húi-pòng, bô hò͘ⁿ chiú, hōan sū tiong-sìn.

(BCL) 按呢婦仁人也著端莊，無誹謗，無好酒，凡事忠信。

12

(THR) Chip-sū tio̍h chòe chı̍t ê hū-jîn-lâng ê tiōng-hu, gâu chéng-chôe in ê kiáⁿ-jî kap ka-kī ê ke.

(BCL) 執事著做一個婦仁人的丈夫，整齊的子兒及家己的家。

13

(THR) In-ūi gâu chòe chip-sū ê, ka-kī tit-tio̍h hó ê tōe-ūi, koh tī Ki-tok Iâ-so͘ ê tō-lí ū tōa-tōa hó-táⁿ.

(BCL) 因為做執事的，家己得著好的地位，閣佇基督耶穌的道理有大大好膽。

14

(THR) Góa siá chiah ê hō͘ lí, sī ǹg-bāng pún-sin kín-kín kàu lí hia;

(BCL) 我寫諸個互你，是向望本身緊緊到你遐。

15

(THR) siat-sú nā iân-chhiân, iā sī hō͘ lí thang chai eng-kai tio̍h cháiⁿ-iūⁿ kiâⁿ tī Siōng-tè ê chhù, chiū-sī chin-o̍ah Siōng-tè ê kàu-hōe, chin-lí ê thiāu-chio̍h kap tōe-ki.

(BCL) 設使若延延，也是互你通知應該著怎樣行佇上帝的厝。就是真活上帝的教會，真理的柱石及地基。

16

(THR) Tōa ah, kèng-khiân ê ò-biāu, bô lâng m̄ lia̍h chòe tio̍h: chiū-sī I hián-hiān tī jio̍k-thé, chheng-chòe-gī tī sîn, chhut-hiān tī thiⁿ-sài, soan-thôan tī gōa-pang, hō͘ lâng sìn tī sè-kan, chiap-la̍p tī êng-kng.

(BCL) 大啊，敬虔的奧妙，無人呣掠做著！就是伊顯現佇肉體，稱做義佇神，出現佇天使，宣傳佇外邦，互人信佇世間，接納佇榮光。

Bible Color Mark

• 台語漢字羅馬本
• 巴克禮全羅