歷代志下 第 13 章

1

(THR) Iâ-lô-phò-àm ông cha̍p-poeh--nî, A-pí-ngá chē-ūi chòe Iû-tāi ông.

(BCL) 耶羅波安王十八年，亞比雅坐位做猶大王，

2

(THR) Tī Iâ-lō͘-sat-léng chòe ông saⁿ-nî kú. I ê lāu-bú miâ kiò Bí-kai-a, sī Ki-pí-a lâng Ou-lia̍t ê cha-bó͘-kiáⁿ.

(BCL) 佇耶路撒冷做王三年久。伊的老母名叫米該亞，是基比亞人烏列的查某子。亞比雅及耶羅波安交戰。

3

(THR) A-pí-ngá kap Iâ-lô-phò-àm kau-chiàn. A-pí-ngá ēng chı̍t tīn kè-kéng ê peng sì-cha̍p-bān, lâi pâi-tīn, lóng sī hó-táⁿ ê chiàn-sū. Iâ-lô-phò-àm iā ēng kè-kéng ê tōa ióng-sū poeh-cha̍p bān, lâi tùi i pâi-tīn.

(BCL) 亞比雅用一陣過揀的兵四十萬來排陣，攏是好膽的戰士；耶羅波安也用過揀的大勇士八十萬，來對伊排陣。

4

(THR) A-pí-ngá khiā tī Í-hoat-liân soaⁿ-tōe ê Sé-má-liám soaⁿ, kóng, Iâ-lô-phò-àm kap Í-sek-lia̍t chèng-lâng ah, tio̍h thiaⁿ góa.

(BCL) 亞比雅徛佇以法蓮山地的洗瑪臉山，講：「耶羅波安及以色列眾人啊，著聽我！

5

(THR) Iâ-hô-hoa Í-sek-lia̍t ê Siōng-tè chiong Í-sek-lia̍t kok éng-óan hō͘ Tāi-pı̍t, chiū-sī siat-lı̍p iâm ê iok, siúⁿ-sù i kap i kiáⁿ-sun, lín kiám m̄-tio̍h chai mah?

(BCL) 耶和華──以色列的上帝將以色列國永遠互大衛，就是設立鹽的約，賞賜伊及伊子孫，恁豈呣著知嗎？

6

(THR) Chóng-sī Tāi-pı̍t ê kiáⁿ Só͘-lô-bûn ê jîn-sîn, Nî-pat ê kiáⁿ Iâ-lô-phò-àm, khí-lâi pōe-pōan i ê chú-lâng.

(BCL) 總是大衛的子所羅門的人臣、尼八的子耶羅波安起來背叛伊的主人。

7

(THR) Ū hiah-ê bô hē-lo̍h ê húi-lūi chū-chı̍p tè i, ka-kī kiông-béng, lâi kong-kek Só͘-lô-bûn ê kiáⁿ Lô-phò-àm; hit-sî Lô-phò-àm iáu siàu-liân nńg-chiáⁿ, bōe-ōe tí-tng in.

(BCL) 有許個無下落的匪類聚集隨伊，家己強猛來攻擊所羅門的子羅波安；彼時羅波安猶少年軟茈會抵當。

8

(THR) Taⁿ lín ū ì-sù beh tí-te̍k Tāi-pı̍t ê kiáⁿ-sun só͘ tī-lí Iâ-hô-hoa ê kok; lín ê lâng-gia̍h chin-chōe, koh ū kim-gû-á kap lín tī-teh, chiū-sī Iâ-lô-phò-àm só͘ kā lín chō chòe Siōng-tè ê.

(BCL) 「今恁有意思欲抵敵大衛的子孫所治理耶和華的國，恁的人額真多，閣有金牛仔及恁佇就是耶羅波安所給恁造做上帝的。

9

(THR) Lín kiám m̄-sī kóaⁿ-tio̍k Iâ-hô-hoa ê chè-si, chiū-sī A-lûn ê kiáⁿ-sun, kap Lī-bī lâng, chiàu gōa-kok lâng ê kui-lē ka-kī siat-lı̍p chè-si mah? sīm-chì bô-lūn sím-mı̍h lâng khan chı̍t chiah gû-káng-á, kap chhit-chiah mî-iûⁿ-káng, lâi hun-piat ka-kī, chiū thang chòe bô iáⁿ-chiah ê siōng-tè ê chè-si?

(BCL) 恁豈呣是趕逐耶和華的祭司就是亞倫的子孫及利未人，照外國人的規例家己設立祭司嗎？甚至無論甚麼人牽一隻牛仔及七隻綿羊來分別家己，就通做無影跡的上帝的祭司。

10

(THR) Lūn-kàu góan, Iâ-hô-hoa sī góan ê Siōng-tè, góan bô khì-sak I; góan ū chè-si ho̍k-sāi Iâ-hô-hoa, chiū-sī A-lûn ê kiáⁿ-sun; koh ū Lī-bī lâng ta̍k-ê chīn i ê chit.

(BCL) 論到阮，耶和華是阮的上帝，阮無棄拺伊。阮有祭司服事耶和華，就是亞倫的子孫，閣有利未人逐個盡伊的職，

11

(THR) Ta̍k chá-khí ta̍k ê-hng hiàn sio-chè sio phang-hiuⁿ hō͘ Iâ-hô-hoa; koh ū pâi-lia̍t ê piáⁿ tī sèng-kiat ê toh; iā ū kim teng-tâi, kap teng-chóaⁿ, ta̍k ê-hng thang tiám i; in-ūi góan siú Iâ-hô-hoa góan Siōng-tè ê bēng-lēng; to̍k-to̍k lín khì-sak I.

(BCL) 逐早起逐下昏獻燒祭燒芳香互耶和華，閣有排列的餅佇聖潔的桌；也有金燈台及燈盞，逐下昏通點伊，因為阮守耶和華──阮上帝的命令；獨獨恁棄拺伊。

12

(THR) Khòaⁿ ah, Siōng-tè kap góan tī-teh, chòe góan ê thâu, I ê chè-si iā kap góan tī-teh, the̍h hiáng-liāng ê hō-thâu tōa-siaⁿ pûn kong-kek lín. Í-sek-lia̍t lâng ah, m̄-thang kap Iâ-hô-hoa lín lia̍t-chó͘ ê Siōng-tè kau-chiàn; in-ūi lín bōe-ōe heng-thong.

(BCL) 看啊，上帝及阮佇做阮的頭，伊的祭司也及阮佇，提響亮的號頭大聲歕攻擊恁。以色列人啊，呣通及耶和華──恁列祖的上帝交戰，因為恁會亨通。」

13

(THR) Chóng-sī Iâ-lô-phò-àm bâi-ho̍k peng tī in ê āu-bīn. Tùi án-ni Í-sek-lia̍t lâng tī Iû-tāi ê thâu-chêng, bâi-ho̍k ê peng tī in ê āu-bīn.

(BCL) 總是耶羅波安埋伏兵佇的後面。對按呢，以色列人佇猶大的頭前，埋伏的兵佇的後面。

14

(THR) Iû-tāi lâng o̍at-thâu khòaⁿ, khòaⁿ chêng-āu lóng ū tùi-te̍k ê peng; chiū kiû-kiò Iâ-hô-hoa, chè-si iā pûn hō-thâu.

(BCL) 猶大人越頭看，看前後攏有對敵的兵，就求叫耶和華，祭司也歕號頭。

15

(THR) Iû-tāi lâng chiū âu-kiò; Iû-tāi lâng âu-kiò ê sî, Siōng-tè chiū phah-iâⁿ Iâ-lô-phò-àm kap Í-sek-lia̍t chèng-lâng, tī A-pí-ngá kap Iû-tāi lâng ê bīn-chêng.

(BCL) 猶大人就喉叫；猶大人喉叫的時，上帝就拍贏耶羅波安及以色列眾人佇亞比雅及猶大人的面前。

16

(THR) Í-sek-lia̍t lâng tī Iû-tāi lâng ê bīn-chêng tô-cháu; Siōng-tè kau in tī Iû-tāi lâng ê chhiú.

(BCL) 以色列人佇猶大人的面前逃走，上帝交佇猶大人的手。

17

(THR) A-pí-ngá kap i ê peh-sìⁿ tōa-tōa thâi-sí in; Í-sek-lia̍t lâng tó-teh lâi sí ê, ū gō͘-cha̍p-bān kè-kéng ê lâng.

(BCL) 亞比雅及伊的百姓大大死，以色列人倒來死的有五十萬過揀的人。

18

(THR) Hit-sî Í-sek-lia̍t lâng chiū hâng-ho̍k, Iû-tāi lâng tit-tio̍h khah-iâⁿ, in-ūi óa-khò Iâ-hô-hoa in lia̍t-chó͘ ê Siōng-tè ê iân-kò͘.

(BCL) 彼時，以色列人就降服，猶大人得著卡贏，因為倚靠耶和華──列祖的上帝的緣故。

19

(THR) A-pí-ngá tui-jip Iâ-lô-phò-àm, chhú i kúi-nā ê siâⁿ; chiū-sī Pek-te̍k-lī kap i ê hiuⁿ-siā, Iâ-sa-ná kap i ê hiuⁿ-siā, Í-hoat-liân kap i ê hiuⁿ-siā.

(BCL) 亞比雅追耶羅波安，取伊幾若個城，就是伯特利及伊的鄉社，耶沙拿及伊的鄉社，以法蓮及伊的鄉社。

20

(THR) Tng A-pí-ngá o̍ah-teh ê jı̍t, Iâ-lô-phò-àm bōe-ōe koh kiông-sēng; Iâ-hô-hoa phah i, i chiū sí.

(BCL) 當亞比雅活的日，耶羅波安會閣強盛；耶和華拍伊，伊就死。

21

(THR) A-pí-ngá chiām-chiām kiông-sēng, chhōa bó͘ cha̍p-sì-ê, siⁿ-kiáⁿ jī-cha̍p-jī ê, cha-bó͘-kiáⁿ cha̍p-la̍k-ê.

(BCL) 亞比雅漸漸強盛，娶某十四個，生子二十二個，查某子十六個。

22

(THR) A-pí-ngá kî-û ê sū, kap i ê giân-hēng(**hêng), lóng kì tī sian-ti E̍k-to ê chù-kái.

(BCL) 亞比雅其餘的事及伊的言行，攏記佇先知易多的註解。

Bible Color Mark

• 台語漢字羅馬本
• 巴克禮全羅