歷代志下 第 22 章

1

(THR) Iâ-lō͘-sat-léng khiā-khí ê peh-sìⁿ siat-lı̍p Iâ-hô-lâm ê soah-bé kiáⁿ A-hap-siā sòa-chiap i chòe ông; in-ūi tè A-la̍h-pek lâng kàu iâⁿ ê kun-tūi, ū thâi-sí i hiah ê tōa-kiáⁿ. Án-ni Iû-tāi ông Iâ-hô-lâm ê kiáⁿ A-hap-siā chòe ông.

(BCL) 耶路撒冷徛起的百姓設立耶和蘭的煞尾子亞哈謝續接伊做王；因為隨阿拉伯人到營的軍隊有死伊許個大子。按呢，猶大王耶和蘭的子亞哈謝做王。

2

(THR) A-hap-siā chē-ūi ê sî sì-cha̍p-jī hè; tī Iâ-lō͘-sat-léng chòe ông chı̍t-nî. I ê lāu-bú miâ kiò A-tha-lī-ngá, sī Àm-lī ê cha-bó͘-sun.

(BCL) 亞哈謝坐位的時四十二歲，佇耶路撒冷做王一年。伊的老母名叫亞她利雅，是暗利的查某孫。

3

(THR) I iā kiâⁿ A-hap ê ke ê lō͘; in-ūi i ê lāu-bú chí-hui i kiâⁿ pháiⁿ.

(BCL) 伊也行亞哈的家的路；因為伊的老母指揮伊行歹。

4

(THR) I kiâⁿ Iâ-hô-hoa só͘ khòaⁿ-chòe pháiⁿ ê sū, chhin-chhiūⁿ A-hap ê ke chı̍t-iūⁿ; in-ūi i ê lāu-pē sí liáu-āu, ū A-hap ke ê lâng lâi kā i chí-hui, tì-kàu pāi-hōai.

(BCL) 伊行耶和華所看做歹的事，親像亞哈的家一樣；因為伊的老父死了後有亞哈家的人來給伊指揮，致到敗壞。

5

(THR) I thiaⁿ-thàn in ê kè-bô͘; kap Í-sek-lia̍t ông A-hap ê kiáⁿ Iâ-hô-lâm saⁿ-kap khì Ki-lia̍t ê La̍h-bo̍at, kap A-lân ông Hap-siat kau-chiàn.

(BCL) 伊聽趁的計謀，及以色列王亞哈的子耶和蘭相及去基列的拉末，及亞蘭王哈設交戰；亞蘭人拍傷耶和蘭。

6

(THR) A-lân lâng phah-siong Iâ-hô-lâm; i tò-khì Iâ-su-lia̍t beh i-tī i ê siong, chiū-sī i tī La̍h-bo̍at kap A-lân ông Hap-siat kau-chiàn ê sî só͘ siū-tio̍h ê. Iû-tāi ông Iâ-hô-lâm ê kiáⁿ, A-sat-lī-ngá, lo̍h-khì Iâ-su-lia̍t, beh bāi A-hap ê kiáⁿ Iâ-hô-lâm; in-ūi i ū phòa-pīⁿ.

(BCL) 伊倒去耶斯列，欲醫治伊的傷就是伊佇拉末及亞蘭王哈設交戰的時所受著的，猶大王耶和蘭的子亞撒利雅落去耶斯列欲覓亞哈的子耶和蘭，因為伊有破病。

7

(THR) A-hap-siā lâi khòaⁿ Iok-lâm chiū tú-tio̍h hām-hāi, che sī chhut tī Siōng-tè ê ì-sù; in-ūi i lâi, chiū kap Iâ-hô-lâm chhut-khì, tú-tio̍h Lêng-sī ê sun Iâ-hō͘, chiū-sī Iâ-hô-hoa só͘ boah-iû, hō͘ i chián-tû A-hap ê ke ê.

(BCL) 亞哈謝來看約蘭就抵著陷害，這是出佇上帝的意思；因為伊來，就及耶和蘭出去抵著寧示的孫耶戶。就是耶和華所抹油、互伊剪除亞哈的家的。

8

(THR) Iâ-hō͘ pān A-hap ke ê chōe ê sî, tú-tio̍h Iû-tāi hiah ê siú-léng, kap A-hap-siā hiaⁿ-tī ê kiáⁿ teh ho̍k-sāi A-hap-siā--ê; i chiū thâi-sí in.

(BCL) 耶戶辦亞哈家的罪的時，抵著猶大許個首領及亞哈謝兄弟的子服事亞哈謝的，伊就死。

9

(THR) A-hap-siā bih tī Sat-má-lī-a, Iâ-hō͘ chhē i, lâng lia̍h--i, tòa i kàu Iâ-hō͘ hia, thâi-sí i, lâng bâi-chòng i; in-ūi in kóng, I sī hit ê choan-sim chhē Iâ-hô-hoa ê Iok-sa-hoat ê kiáⁿ. Án-ni A-hap-siā ê ke bô ū kôan-le̍k thang pó-siú kok-ūi--ê.

(BCL) 亞哈謝匿佇撒瑪利亞、耶戶尋伊，人掠伊，帶伊到耶戶遐，死伊，人埋葬伊；因為講，伊是彼個專心尋耶和華的約沙法的子。按呢，亞哈謝的家無有權力通保守國位的。

10

(THR) A-hap-siā ê lāu-bú A-tha-lī-ngá khòaⁿ-kìⁿ i ê kiáⁿ í-keng sí, chiū khí-lâi it-chīn châu-bia̍t Iû-tāi ê ông-chhin.

(BCL) 亞哈謝的老母亞她利雅看見伊的子已經死，就起來一盡剿滅猶大的王親。

11

(THR) Chóng-sī ông ê cha-bó͘-kiáⁿ, Iok-sī-pa, chiong A-hap-siā ê kiáⁿ Iok-a-si, tùi hiah ê siū-thâi ê ông-kiáⁿ-tiong thau-phō chhut-lâi, chiong i kap i ê leng-bú khǹg tī khùn-pâng--nih. Iok-si-pa sī Iâ-hô-lâm ông ê cha-bó͘-kiáⁿ, A-hap-siā ê chí-bē, chè-si Iâ-hô-iâ-tāi ê bó͘; i tùi A-tha-lī-ngá khàm-ba̍t i, hō͘ i bô thâi-sí i.

(BCL) 總是王的查某子約示巴將亞哈謝的子約阿施對許個受的王子中偷抱出來，將伊及伊的奶母囥佇睏房裡。約示巴是耶和蘭王的查某子，亞哈謝的姊妹，祭司耶何耶大的某。伊對亞她利雅蓋密伊，互伊無死伊。

12

(THR) Āu-lâi kap in saⁿ-kap khǹg tī Siōng-tè ê tiān le̍k-kè la̍k-nî kú. A-tha-lī-ngá kóan-lí hit ê tōe-hng.

(BCL) 後來及相及囥佇上帝的殿歷過六年久；亞她利雅管理彼個地方。

Bible Color Mark

• 台語漢字羅馬本
• 巴克禮全羅