歷代志下 第 25 章

1

(THR) A-má-siā chē-ūi ê sî, jī-cha̍p-gō͘ hè, tī Iâ-lō͘-sat-léng chòe ông, kiōng jī-cha̍p-káu nî. I ê lāu-bú miâ kiò Iok-iâ-tàn, sī Iâ-lō͘-sat-léng lâng.

(BCL) 亞瑪謝坐位的時二十五歲，佇耶路撒冷做王共二十九年。伊的老母名叫約耶但，是耶路撒冷人。

2

(THR) A-má-siā kiâⁿ Iâ-hô-hoa só͘ khòaⁿ-chòe hó ê sū, chóng-sī sim bô choan-it.

(BCL) 亞瑪謝行耶和華所看做好的事，總是心無專一。

3

(THR) I ê kok-kôan í-keng kian-kò͘, chiū thâi-sí chêng chhì-khek i ê lāu-pē Iû-tāi ông hiah ê jîn-sîn;

(BCL) 伊的國權已經堅固，就死前刺客伊的老父猶大王許個人臣，

4

(THR) chóng-sī bô thâi-sí in ê kiáⁿ, sī chiàu Mô͘-se lu̍t-hoat ê chheh só͘ kì-chài, Iâ-hô-hoa bēng-lēng kóng, M̄-thang in-ūi kiáⁿ lâi thâi-sí lāu-pē, iā m̄-thang in-ūi pē lâi thâi-sí kiáⁿ, ta̍k lâng tio̍h in-ūi pún-sin ê chōe lâi sí.

(BCL) 總是無死的子，是照摩西律法的冊所記載耶和華命令講：「呣通因為子來死老父，也呣通因為父來死子，逐人著因為本身的罪來死。」

5

(THR) A-má-siā chū-chı̍p Iû-tāi lâng, chiàu Iû-tāi kap Piān-ngá-bín ê chong-cho̍k, siat-lı̍p chhian-chóng pé-chóng lâi chhōa--in; koh sǹg lâng-gia̍h, tùi jī-cha̍p hè í-siōng, tit-tio̍h kè-kéng ê peng, ōe kia̍h chhiuⁿ, kōaⁿ tîn-pâi, chiūⁿ-tīn--ê, kiōng saⁿ-cha̍p bān.

(BCL) 亞瑪謝聚集猶大人，照猶大及便雅憫的宗族設立千總、百總來導，閣算人額，對二十歲以上，得著過揀的兵會抬槍涫盾牌上陣的共三十萬；

6

(THR) Koh ēng gûn chı̍t-pah tha-liân-tek, tùi Í-sek-lia̍t chio-bō͘ tōa lêng-le̍k ê ióng-sū, cha̍p-bān lâng.

(BCL) 閣用銀一百他連得，對以色列招募大能力的勇士十萬人。

7

(THR) Ū Siōng-tè ê lô͘-po̍k lâi kìⁿ i kóng, Ông ah, bo̍h-tit hō͘ Í-sek-lia̍t ê kun-peng kap lí khì; in-ūi Iâ-hô-hoa bô kap Í-sek-lia̍t lâng, chiū-sī Í-hoat-liân ê hō͘-è, tī-teh.

(BCL) 有上帝的奴僕來見伊，講：「王啊，莫得互以色列的軍兵及你去，因為耶和華無及以色列人就是以法蓮的後裔佇。

8

(THR) Lí nā it-tēng beh khì, chiū tio̍h hùn-ióng cheng-chiàn; Siōng-tè beh hō͘ lí pāi tī tùi-te̍k ê bīn-chêng, in-ūi Siōng-tè ū kôan ōe pang-chān lâng, iā ōe chhia-tó lâng.

(BCL) 你若一定欲去，就著奮勇爭戰！上帝欲互你敗佇對敵的面前；因為上帝有權會幫助人，也會捙倒人。」

9

(THR) A-má-siā mn̄g Siōng-tè ê lô͘-po̍k kóng, Góa í-keng ēng gûn chı̍t-pah tha-liân-tek hō͘ Í-sek-lia̍t ê kun-tūi, hiah-ê beh cháiⁿ-iūⁿ ah? Siōng-tè ê lô͘-po̍k ìn kóng, Iâ-hô-hoa ōe ēng pí chiah-ê khah-chōe hō͘ lí.

(BCL) 亞瑪謝問上帝的奴僕講：「我已經用銀一百他連得互以色列的軍隊，許個欲怎樣啊？」上帝的奴僕應講：「耶和華會用比諸個卡多互你。」

10

(THR) Tùi án-ni A-má-siā hun-piat tùi Í-hoat-liân lâi ê kun-peng, hō͘ in tò-khì in tau; só͘-í in chin siū-khì Iû-tāi lâng, khì-phut-phut tò-khì in tau.

(BCL) 對按呢亞瑪謝分別對以法蓮來的軍兵，互倒去兜。所以，真受氣猶大人，氣咈咈倒去兜。

11

(THR) A-má-siā ka-kī hùn-ióng, chhōa i ê peh-sìⁿ chhut-khì kàu Iâm ê soaⁿ-kok, thâi-sí Se-jíⁿ lâng chı̍t-bān.

(BCL) 亞瑪謝家己奮勇，導伊的百姓出去到鹽的山谷，死西珥人一萬。

12

(THR) Iû-tāi lâng koh o̍ah-lia̍h chı̍t-bān lâng, tòa kàu soaⁿ-khàm-téng, tùi soaⁿ-khàm-téng kā in chhia--lo̍h-khì, tì-kàu in lóng chhùi-chhùi.

(BCL) 猶大人閣活掠一萬人帶到山崁頂，對山崁頂給捙落去，致到攏碎碎。

13

(THR) A-má-siā só͘ chhe tò-khì hiah ê kun-tūi, m̄-chún in kap i khì kau-chiàn--ê, in kong-kek Iû-tāi hiah ê siâⁿ, tùi Sat-má-lī-a kàu Pek-hô-lûn, thâi-sí saⁿ-chheng lâng chhiúⁿ chōe-chōe mı̍h.

(BCL) 亞瑪謝所差倒去許個軍隊，呣准及伊去交戰的，攻擊猶大許個城，對撒瑪利亞到伯和崙，死三千人，搶多多物。

14

(THR) A-má-siā thâi Í-tong lâng tò--lâi, chiū tòa Se-jíⁿ cho̍k hiah ê siōng-tè, lı̍p i chòe ka-kī ê siōng-tè, kūi-pài tī i ê bīn-chêng, sio-hiuⁿ hō͘ i.

(BCL) 亞瑪謝以東人倒來，就帶西珥族許個上帝立伊做家己的上帝，跪拜佇伊的面前燒香互伊。

15

(THR) In-ūi án-ni, Iâ-hô-hoa tōa siū-khì A-má-siā, chiū chhe chı̍t ê sian-ti khì kìⁿ i, kóng, Hiah ê peh-sìⁿ ê siōng-tè bōe-ōe kiù in ê peh-sìⁿ thoat-lī lí ê chhiú, lí siáⁿ-sū kiû in ah?

(BCL) 因為按呢，耶和華大受氣亞瑪謝，就差一個先知去見伊，講：「許個百姓的上帝會救的百姓脫離你的手，你啥事求啊？」

16

(THR) I kap i kóng ê sî, ông kā i kóng, Góan kiám siat-lı̍p lí chòe ông ê bô͘-sū ah? lí tiām-tiām, siáⁿ-sū thó phah ah? Sian-ti chiū tiām-tiām, koh kóng, Góa chai Siōng-tè tiāⁿ-tio̍h ì-sù beh bia̍t lí, in-ūi lí chòe chit-ê, m̄-thiaⁿ góa ê khòan-kài.

(BCL) 伊及伊講的時，王給伊講：「阮豈設立你做王的謀士啊？你恬恬！啥事討拍啊？」先知就恬恬，閣講：「我知上帝定著意思欲滅你，因為你做此個，呣聽我的勸戒。」

17

(THR) Hit-sî Iû-tāi ông A-má-siā chham-siông chhe sù-chiá khí kìⁿ Iâ-hō͘ ê sun, Iok-hap-su ê kiáⁿ, Í-sek-lia̍t ông Iok-a-si, kóng, Lâi ah, lán nn̄g-lâng saⁿ kìⁿ-bīn tī chiàn-tiûⁿ.

(BCL) 彼時猶大王亞瑪謝參詳，差使者去見耶戶的孫、約哈斯的子、以色列王約阿施，講：「來啊，咱二人相見面佇戰場。」

18

(THR) Í-sek-lia̍t ông Iok-a-si chhe sù-chiá khì kìⁿ Iû-tāi ông A-má-siā kóng, Lī-pa-lùn ê chháu-chhì chhe sù-chiá khì kìⁿ Lī-pa-lùn ê pek-hiuⁿ-chhiū kóng, Ēng lí ê cha-bó͘-kiáⁿ hō͘ góa ê kiáⁿ chòe bó͘; āu-lâi Lī-pa-lùn ū chı̍t chiah iá-siù keng-kè thún-ta̍h hit ê chháu-chhì.

(BCL) 以色列王約阿施差使者去見猶大王亞瑪謝，講：「黎巴嫩的草茦差使者去見黎巴嫩的柏香樹，講：『用你的查某子互我的子做某。』後來黎巴嫩有一隻野獸經過，睭踏彼個草茦。

19

(THR) Taⁿ lí kóng, lí í-keng phah-iâⁿ Í-tong, lí ê sim chiū kiau, tì-kàu lí khoa-kháu; lí tī ke-lāi an-jiân khiā-khí chiū hó, siáⁿ-sū khí-sū jiá chai-ē, hō͘ lí pún-sin kap Iû-tāi kok saⁿ-kap tó-hōai ah?

(BCL) 今你講：『你已經拍贏以東』，你的心就驕，致到你誇口。你佇家內安然徛起就好，啥事起事惹災禍互你本身及猶大國相及倒壞啊？」

20

(THR) Chóng-sī A-má-siā m̄-khéng thiaⁿ, in-ūi chit ê sū sī chhut tī Siōng-tè, beh chiong in kau tī tùi-te̍k ê chhiú; in-ūi in chhē Í-tong hiah ê siōng-tè.

(BCL) 總是亞瑪謝呣肯聽。因為此個事是出佇上帝，欲將交佇對敵的手，因為尋以東許個上帝。

21

(THR) Tùi án-ni, Í-sek-lia̍t ông Iok-a-si chiūⁿ-lâi, tī Iû-tāi ê Pek-sī-be̍k kap Iû-tāi ông A-má-siā saⁿ kìⁿ-bīn tī chiàn-tiûⁿ.

(BCL) 對按呢以色列王約阿施上來，佇猶大的伯示麥及猶大王亞瑪謝相見面佇戰場。

22

(THR) Iû-tāi thâi-su tī Í-sek-lia̍t ê bīn-chêng, ta̍k-lâng cháu tò-khì in ê pò͘-pîⁿ.

(BCL) 猶大輸佇以色列的面前，逐人走倒去的布棚。

23

(THR) Í-sek-lia̍t ông Iok-a-si, tī Pek-sī-be̍k lia̍h-tio̍h Iok-hap-su ê sun, Iok-a-si ê kiáⁿ, Iû-tāi ông A-má-siā, tòa i kàu Iâ-lō͘-sat-léng; koh thiah-húi Iâ-lō͘-sat-léng ê siâⁿ-chhiûⁿ, tùi Í-hoat-liân mn̂g kàu kak-mn̂g, kiōng sì-pah tiú.

(BCL) 以色列王約阿施佇伯示麥掠著約哈斯的孫、約阿施的子、猶大王亞瑪謝，帶伊到耶路撒冷，閣拆毀耶路撒冷的城牆，對以法蓮門到角門，共四百肘；

24

(THR) Chhú Siōng-tè tiān-lāi Gô-piat-í-tong só͘ kò͘-siú ê kim, gûn, khì-kū, kap ông-kiong ê châi-pó, koh lia̍h lâng chòe chún-tǹg, chiū tò-khì Sat-má-li-a.

(BCL) 取上帝殿內俄別以東所顧守的金銀器具，及王宮的財寶，閣掠人做准當，就倒去撒瑪利亞。

25

(THR) I-sek-lia̍t ông Iok-hap-su ê kiáⁿ Iok-a-si sí liáu-āu, Iû-tāi ông Iok-a-si ê kiáⁿ A-má-siā iáu o̍ah cha̍p-gō͘ nî.

(BCL) 以色列王約哈斯的子約阿施死了後，猶大王約阿施的子亞瑪謝猶活十五年。

26

(THR) A-má-siā kî-û ê sū, tùi thâu kàu bé, kiám bô lóng kì tī Iû-tāi kap Í-sek-lia̍t chiah ê ông ê kì-lio̍k mah?

(BCL) 亞瑪謝其餘的事，對頭到尾，豈無攏記佇猶大及以色列諸個王的記錄嗎？

27

(THR) Tùi A-má-siā phian-lī bô tè Iâ-hô-hoa liáu-āu, tī Iâ-lō͘-sat-léng ū lâng kiat-tóng beh hāi i, i chiū cháu kàu La̍h-kiat; in chhe lâng jip i kàu La̍h-kiat, tī-hia thâi-sí i.

(BCL) 對亞瑪謝偏離無隨耶和華了後，佇耶路撒冷有人結黨欲害伊，伊就走到拉吉；差人伊到拉吉，佇遐死伊。

28

(THR) Lâng chiū ēng bé chài i tò-lâi, kap i ê lia̍t-chó͘ bâi-chòng tī Iû-tāi ê siâⁿ.

(BCL) 人就用馬載伊倒來，及伊的列祖埋葬佇猶大的城。

Bible Color Mark

• 台語漢字羅馬本
• 巴克禮全羅