歷代志下 第 3 章

1

(THR) Só͘-lô-bûn tāng-kang khí Iâ-hô-hoa ê tiān tī Iâ-lō͘-sat-léng, Mô͘-lī-a ê soaⁿ, chiū-sī Iâ-hô-hoa tùi i ê lāu-pē Tāi-pı̍t chhut-hiān ê só͘-chāi; Tāi-pı̍t bat tiāⁿ-tio̍h hit ê tōe tī Iâ-pò͘-su lâng O-jíⁿ-lâm ê gō͘-kak-tiûⁿ.

(BCL) 所羅門動工起耶和華的殿佇耶路撒冷、摩利亞的山，就是耶和華對伊的老父大衛出現的所在，大衛曾定著彼個地佇耶布斯人阿珥楠的五穀場。

2

(THR) Só͘-lô-bûn chē-ūi tē-sì nî, jī-ge̍h chhoe-jī, tāng-kang lâi khí.

(BCL) 所羅門坐位第四年二月初二動工來起。

3

(THR) Só͘-lô-bûn só͘ hē ê tōe-ki, beh khí Siōng-tè ê tiān ê, kì tī ē-tóe: tn̂g la̍k-cha̍p tiú, khoah jī-cha̍p tiú, lóng sī chiàu kó͘-chá ê chhùn-chhioh.

(BCL) 所羅門所下的地基欲起上帝的殿的，記佇下底：長六十肘，闊二十肘，攏是照古早的寸尺。

4

(THR) Thâu-chêng ê lông tn̂g jī-cha̍p tiú, kap tiān ê khoah pîⁿ-pîⁿ; kôaiⁿ chı̍t-pah jī-cha̍p tiú, lāi-bīn an hó-kim.

(BCL) 頭前的廊長二十肘，及殿的闊平平，高一百二十肘；內面安好金。

5

(THR) Tōa-keng tiān ê piah ēng siông-chhiū ê chhâ khàm i; ēng hó-kim an i; téng-bīn khek chó-chhiū kap liān-á.

(BCL) 大間殿的壁用松樹的柴蓋伊，用好金安伊，頂面刻棗樹及鍊仔；

6

(THR) Ēng pó-chio̍h siuⁿ hit keng tiān, hō͘ i chin súi; só͘ ēng ê kim lóng sī Pa-óa-im ê kim.

(BCL) 用寶石鑲彼間殿，互伊真娞；所用的金攏是巴瓦音的金。

7

(THR) Koh ēng kim an tiān, kap thong-niû, hō͘-tēng, chhiûⁿ-piah, mn̂g-sìⁿ; piah-téng khek ki-lō͘-peng.

(BCL) 閣用金安殿及棟樑，戶椗、牆壁、門扇；壁頂刻兵。

8

(THR) Koh khí Chì-sèng-só͘, tn̂g jī-cha̍p tiú, kap tiān ê khoah pîⁿ-pîⁿ, i ê khoah iā sī jī-cha̍p tiú; ēng hó-kim an, kè-kiōng la̍k-pah tha-liân-tek.

(BCL) 閣起至聖所，長二十肘，及殿的闊平平，伊的闊也是二十肘；用好金安，計共六百他連得。

9

(THR) Tèng ê kim-teng tāng gō͘-cha̍p sià-khek-le̍k. Lâu-koh lóng an-kim.

(BCL) 釘的金釘重五十舍客勒。樓閣攏安金。

10

(THR) Chì-sèng-só͘ ê lāi-bīn, chiàu chòe-siōng ê hoat, chhòng nn̄g ê ki-lō͘-peng, ēng kim an i.

(BCL) 至聖所的內面照做像的法創二個兵，用金安伊。

11

(THR) Hiah ê ki-lō͘-peng ê sı̍t, kiōng tn̂g jī-cha̍p tiú, chit ê ki-lō͘-peng chı̍t ki sı̍t tn̂g gō͘-tiú, chhun kàu tiān chit-pêng ê piah, hit ki sı̍t iā sī gō͘-tiú, chhun kàu hit ê ki-lō͘-peng ê sı̍t.

(BCL) 許個兵的翅共長二十肘。此個兵一支翅長五肘，伸到殿此旁的壁；彼支翅也是五肘，伸到彼個兵的翅。

12

(THR) hit ê ki-lō͘-peng chı̍t ki sı̍t iā sī gō͘-tiú, chhun kàu tiān hit-pêng ê piah; hit ki sı̍t iā sī gō͘-tiú, kap chit ê ki-lō͘-peng ê sı̍t saⁿ-chiap.

(BCL) 彼個兵一支翅也是五肘，伸到殿彼旁的壁；彼支翅也是五肘，及此個兵的翅相接。

13

(THR) Hiah ê ki-lō͘-peng thí-khui sı̍t, kiōng jī-cha̍p-tiú, in ê kha teh khiā, bīn ǹg lāi-bīn.

(BCL) 許個兵展開翅，共二十肘，的腳徛，面向內面。

14

(THR) Koh ēng lâm-sek, chí-sek, chu-âng sek ê liāu, kap iù-tōe-pò͘, chòe tiùⁿ; siù ki-lō͘-peng tī i ê téng-bīn.

(BCL) 閣用藍色、紫色、朱紅色的料及幼苧布做帳；　兵佇的頂面。

15

(THR) Tī tiān-chêng chhòng nn̄g ki thiāu, kôaiⁿ saⁿ-cha̍p-gō͘ tiú, múi ki thiāu ê thiāu-táu, kôaiⁿ gō͘-tiú.

(BCL) 佇殿前創二支柱，高三十五肘；每支柱的柱枓高五肘。

16

(THR) Koh chòe liān-á an tī thiāu-táu; koh chòe sia̍h-liû chı̍t-pah lia̍p, an tī liān-á-téng.

(BCL) 閣做鍊仔，安佇柱枓；閣做石榴一百粒，安佇鍊仔頂。

17

(THR) Hiah ê thiāu chhāi tī tiān-chêng, chı̍t-ki tī chiàⁿ-pêng, chı̍t-ki tī tò-pêng; chiàⁿ-pêng-ê hō miâ kiò Ngá-kun, tò-pêng-ê hō miâ kiò Pho-a-su.

(BCL) 許個柱祀佇殿前，一支佇正旁，一支佇倒旁；正旁的號名叫雅斤，倒旁的號名叫波阿斯。

Bible Color Mark

• 台語漢字羅馬本
• 巴克禮全羅