歷代志下 第 30 章

1

(THR) Hi-se-ka chhe lâng kàu Í-sek-lia̍t kap Iû-tāi piàn-tōe, koh siá phoe hō͘ Í-hoat-liân kap Má-ná-se, ài in kàu Iâ-lō͘-sat-léng Iâ-hô-hoa ê tiān, siú pôaⁿ-kè-choeh ho̍k-sāi Iâ-hô-hoa Í-sek-lia̍t ê Siōng-tè.

(BCL) 希西家差人到以色列及猶大遍地，閣寫批互以法蓮及瑪拿西，愛到耶路撒冷耶和華的殿，守過節服事耶和華──以色列的上帝；

2

(THR) In-ūi ông kap i ê siú-léng, kap tī Iâ-lō͘-sat-léng ê hōe-chiòng, í-keng saⁿ-kap gī-lūn, beh tī jī-ge̍h siú pôaⁿ-kè-choeh.

(BCL) 因為王及伊的首領，及佇耶路撒冷的會眾，已經相及議論欲佇二月守過節。

3

(THR) Hit-sî in bōe-ōe siú, in-ūi ka-kī chheng-khì ê chè-si iáu bô kàu-gia̍h, peh-sìⁿ iā bô-ū chū-chı̍p tī Iâ-lō͘-sat-léng.

(BCL) 彼時會守；因為家己清氣的祭司猶無夠額，百姓也無有聚集佇耶路撒冷；

4

(THR) Ông kap hōe-chiòng lóng khòaⁿ chit ê tāi-chì chòe hó.

(BCL) 王及會眾攏看此個代誌做好。

5

(THR) Chiū tiāⁿ-tio̍h bēng-lēng, soan-pò͘ tī Í-sek-lia̍t chôan-tōe, tùi Pia̍t-sī-pa kàu Tàn, hō͘ in lóng lâi, tī Iâ-lō͘-sat-léng siú pôaⁿ-kè-choeh ho̍k-sāi Iâ-hô-hoa Í-sek-lia̍t ê Siōng-tè; in-ūi peh-sìⁿ pêng-sò͘ bô chōe-chōe lâng chiàu só͘ siá ê kui-lē lâi siú--i.

(BCL) 就定著命令，宣佈佇以色列全地，對別是巴到但，互攏來，佇耶路撒冷守過節服事耶和華──以色列的上帝；因為百姓平素無多多人照所寫的規例來守伊。

6

(THR) Cháu-bûn-su--ê tòa ông kap i hiah ê siú-léng ê phoe, piàn-kiâⁿ Í-sek-lia̍t kap Iû-tāi tōe, chiàu ông ê bēng-lēng, kóng, Í-sek-lia̍t lâng ah, lín tio̍h koh kui-ǹg A-pek-la̍h-hán, Í-sat, Í-sek-lia̍t ê Siōng-tè Iâ-hô-hoa, I chiū beh kui-ǹg lín, chiū-sī thoat-lī A-su̍t hiah ê ông ê chhiú só͘ chhun ê peh-sìⁿ.

(BCL) 走文書的帶王及伊許個首領的批，遍行以色列及猶大地。照王的命令講：「以色列人啊，恁著閣歸向亞伯拉罕、以撒、以色列的上帝──耶和華，伊就欲歸向恁就是脫離亞述許個王的手所剩的百姓。

7

(THR) Lín m̄-thang chhin-chhiūⁿ lín ê lia̍t-chó͘, kap lín ê hiaⁿ-tī, in kan-hōan Iâ-hô-hoa in lia̍t-chó͘ ê Siōng-tè, tì-kàu I hō͘ in tú-tio̍h bia̍t-bô, chhin-chhiūⁿ lín só͘ khòaⁿ-kìⁿ ê.

(BCL) 恁呣通親像恁的列祖及恁的兄弟；干犯耶和華──列祖的上帝，致到伊互抵著滅無，親像恁所看見的。

8

(THR) Taⁿ m̄-thang chhin-chhiūⁿ lín ê lia̍t-chó͘ lâi ngī ām-kún; tio̍h hiàn ka-kī hō͘ Iâ-hô-hoa, jı̍p I ê sèng-só͘, chiū-sī I éng-óan hun-piat chòe-sèng--ê; koh tio̍h ho̍k-sāi Iâ-hô-hoa lín ê Siōng-tè, thang hō͘ I ê tōa siū-khì o̍at-tńg lī-khui lín.

(BCL) 今呣通親像恁的列祖來硬頷頸，著獻家己互耶和華，入伊的聖所，就是伊永遠分別做聖者；閣著服事耶和華──恁的上帝，通互伊的大受氣越轉離開恁。

9

(THR) In-ūi lín nā kui-ǹg Iâ-hô-hoa, chiū lín ê hiaⁿ-tī kap lín ê kiáⁿ-jî beh tī lia̍h in ê lâng ê bīn-chêng tit-tio̍h lîn-bín, thang koh tò-lâi chit só͘-chāi; in-ūi Iâ-hô-hoa lín ê Siōng-tè sī chû-pi lîn-bín; lín nā kui-ǹg I, I tek-khak bô o̍at I ê bīn m̄ khòaⁿ lín.

(BCL) 因為恁若歸向耶和華，就恁的兄弟及恁的子兒欲佇掠的人的面前得著憐憫，通閣倒來此所在，因為耶和華──恁的上帝是慈悲、憐憫。恁若歸向伊，伊的確無越伊的面呣看恁。」

10

(THR) Cháu-bûn-su--ê chı̍t siâⁿ kè chı̍t siâⁿ, piàn-kiâⁿ Í-hoat-liân, Má-ná-se, kàu Se-pò͘-lûn; nā-sī hiah ê lâng thí-chhiò in, ki-chhì in.

(BCL) 走文書的一城過一城，遍行以法蓮、瑪拿西，到西布倫。若是許個人恥笑，譏刺。

11

(THR) Chóng-sī A-siat, Má-ná-se, Se-pò͘-lûn ê tiong-kan, iā ū lâng ka-kī khiam-pi, lâi kàu Iâ-lō͘-sat-léng.

(BCL) 總是亞設、瑪拿西、西布倫的中間也有人家己謙卑，來到耶路撒冷。

12

(THR) Siōng-tè iā kám-tōng Iû-tāi lâng, hō͘ in chı̍t-sim thàn ông kap hiah ê siú-léng chiàu Iâ-hô-hoa ê ōe só͘ chhut ê bēng-lēng.

(BCL) 上帝也感動猶大人，互一心趁王及許個首領照耶和華的話所出的命令。

13

(THR) Jī-ge̍h, ū chōe-chōe lâng chū-chı̍p tī Iâ-lō͘-sat-léng, chiâⁿ-chòe chin-tōa ê hōe, beh siú tû-kàⁿ-choeh.

(BCL) 二月，有多多人聚集佇耶路撒冷，成做真大的會，欲守除酵節。

14

(THR) In khí-lâi, it-chīn tû-khì Iâ-lō͘-sat-léng só͘ ū ê tôaⁿ, kap sio-hiuⁿ ê tôaⁿ, hiat tī Khip-lûn khoe.

(BCL) 起來，一盡除去耶路撒冷所有的壇及燒香的壇，佇汲淪溪。

15

(THR) Jī-ge̍h cha̍p-sì--jı̍t thâi pôaⁿ-kè-choeh ê iûⁿ-á, chè-si kap Lī-bī lâng ka-kī kiàn-siàu, chheng-khì ka-kī, tòa sio-chè kàu Iâ-hô-hoa ê tiān.

(BCL) 二月十四日過節的羊仔。祭司及利未人家己見誚，清氣家己，帶燒祭到耶和華的殿，

16

(THR) Chiàu Siōng-tè ê lô͘-po̍k Mô͘-se ê lu̍t-hoat, chiàu-lē ta̍k-lâng khiā i ê ūi; chè-si chiong in tùi Lī-bī lâng ê chhiú chih huih lâi hiù i.

(BCL) 照上帝的奴僕摩西的律法，照例逐人徛伊的位；祭司將對利未人的手接血，來灑伊。

17

(THR) Hōe-tiong ū chōe-chōe lâng bô chheng-khì ka-kī, só͘-í thok Lī-bī lâng thòe it-chhè bô chheng-khì ê lâng thâi pôaⁿ-kè-choeh ê iûⁿ-á, hō͘ in tī Iâ-hô-hoa ê bīn-chêng chiâⁿ-chòe chheng-khì.

(BCL) 會中有多多人無清氣家己，所以託利未人替一切無清氣的人過節的羊仔，互佇耶和華的面前成做清氣。

18

(THR) In-ūi Í-hoat-liân Má-ná-se, Í-sat-ka, Se-pò͘-lûn, ū chōe-chōe lâng bô chheng-khì ka-kī; chóng-sī in iā chia̍h pôaⁿ-kè-choeh, bô ha̍p só͘ kì-chài ê lē.

(BCL) 因為以法蓮、瑪拿西、以薩迦、西布倫有多多人無清氣家己，總是也食過節，無合所記載的例。

19

(THR) In-ūi Hi-se-ka thòe in kî-tó, kóng, Kìⁿ-nā ū koat-tòan ê sim chhē Siōng-tè, chiū-sī Iâ-hô-hoa in lia̍t-chó͘ ê Siōng-tè, sui-jiân bô chiàu sèng-só͘ chheng-khì ê lé ka-kī chheng-khì, kiû chì-hó ê Iâ-hô-hoa iā sià-bián in.

(BCL) 因為希西家替祈禱講：「見若有決斷的心尋上帝，就是耶和華──列祖的上帝，雖然無照聖所清氣的禮家己清氣，求至好的耶和華也赦免。」

20

(THR) Iâ-hô-hoa thiaⁿ Hi-se-ka kî-tó, chiū i-hó peh-sìⁿ.

(BCL) 耶和華聽希西家祈禱，就醫好百姓。

21

(THR) Tòa tī Iâ-lō͘-sat-léng ê Í-sek-lia̍t lâng tōa-tōa hoaⁿ-hí, siú tû-kàⁿ-choeh chhit-jı̍t kú; Lī-bī lâng kap chè-si jı̍t-jı̍t o-ló Iâ-hô-hoa, ēng hiáng-liāng ê ga̍k-khì o-ló Iâ-hô-hoa.

(BCL) 住佇耶路撒冷的以色列人大大歡喜，守除酵節七日久。利未人及祭司日日謳咾耶和華，用響亮的樂器謳咾耶和華。

22

(THR) Hi-se-ka an-ùi it-chhè gâu ho̍k-sāi Iâ-hô-hoa ê Lī-bī lâng. Tùi án-ni chèng-lâng chia̍h choeh-iân chhit-jı̍t, hiàn siā-un-chè, koh jīn-chōe tī Iâ-hô-hoa in lia̍t-chó͘ ê Siōng-tè ê bīn-chêng.

(BCL) 希西家安慰一切服事耶和華的利未人。對按呢眾人食節筵七日，獻謝恩節，閣認罪佇耶和華──列祖的上帝的面前。

23

(THR) Chôan-hōe gī-lūn beh koh siú-choeh chhit-jı̍t. Tùi án-ni hoaⁿ-hí koh siú chhit-jı̍t.

(BCL) 全會議論，欲閣守節七日；對按呢歡喜閣守七日。

24

(THR) In-ūi Iû-tāi ông Hi-se-ka sàng hōe-chiòng gû-káng chı̍t-chheng chiah, iûⁿ chhit-chheng chiah, chòe chè-mı̍h. chèng siú-léng iā sàng hōe-chiòng gû-káng chı̍t-chheng chiah, iûⁿ chı̍t-bān chiah. Koh chōe-chōe chè-si ka-kī chheng-khì.

(BCL) 因為猶大王希西家送會眾牛一千隻，羊七千隻做祭物；眾首領也送會眾牛一千隻，羊一萬隻，閣多多祭司家己清氣。

25

(THR) Iû-tāi hōe-chiòng kap chè-si Lī-bī lâng, kap hiah ê tùi Í-sek-lia̍t lâi ê hōe-chiòng, í-kı̍p hiah ê tùi Í-sek-lia̍t tōe lâi ê chhut-gōa lâng, kap khiā-khí tī Iû-tāi ê chhut-gōa lâng, lóng hoaⁿ-hí khòai-lo̍k.

(BCL) 猶大會眾及祭司、利未人，及許個對以色列來的會眾以及許個對以色列地來的出外人，及徛起佇猶大的出外人，攏歡喜快樂。

26

(THR) Tùi án-ni, tī Iâ-lō͘-sat-léng tōa hoaⁿ-hí, in-ūi tùi Í-sek-lia̍t ông Tāi-pı̍t ê kiáⁿ Só͘-lô-bûn ê sî, tī Iâ-lō͘-sat-léng bē-bat ū án-ni.

(BCL) 對按呢，佇耶路撒冷大歡喜，因為對以色列王大衛的子所羅門的時，佇耶路撒冷未曾有按呢。

27

(THR) Hit-sî chè-si Lī-bī lâng khí-lâi, kā peh-sìⁿ chiok-hok; in ê siaⁿ tit-tio̍h thiaⁿ-kìⁿ, in ê kî-tó thàu-kàu I khiā-khí ê sèng-só͘, kàu tī thiⁿ--nih.

(BCL) 彼時，祭司、利未人起來，給百姓祝福。的聲得著聽見，的祈禱透到伊徛起的聖所，到佇天裡。

Bible Color Mark

• 台語漢字羅馬本
• 巴克禮全羅