撒母耳記下 第 2 章

1

(THR) Āu-lâi Tāi-pı̍t mn̄g Iâ-hô-hoa kóng, Góa chiūⁿ-khì Iû-tāi chı̍t ê siâⁿ thang mah? Iâ-hô-hoa kā i kóng, Thang chiūⁿ khì. Tāi-pı̍t kóng, Góa tio̍h chiūⁿ-khì toh-lo̍h? I kóng, Kàu Hi-pek-lûn.

(BCL) 後來，大衛問耶和華講：「我上去猶大一個城通嗎？」耶和華給伊講：「通上去。」大衛講：「我著上去叨落？」伊講：「到希伯崙。」

2

(THR) Tāi-pı̍t chiū kap i nn̄g ê bó͘, chiū-sī Iâ-su-lia̍t lâng A-hi-lóan, kap Ka-bı̍t lâng bat chòe Ná-pat ê bó͘, miâ A-pí-kai, lóng chiūⁿ-khì hia.

(BCL) 大衛就及伊二個某──就是耶斯列人亞希暖，及迦密人曾做拿八的某名亞比該──攏上去遐。

3

(THR) Tāi-pı̍t iā hō͘ kun-tè i ê lâng, kap in ta̍k-lâng ê ke-kòan, lóng chiūⁿ-khì; in chiū tiàm tī Hi-pek-lûn hiah ê siâⁿ.

(BCL) 大衛也互跟隨伊的人及逐人的家眷攏上去，就踮佇希伯崙許個城。

4

(THR) Iû-tāi lâng kàu, tī-hia ēng iû boah Tāi-pı̍t chòe Iû-tāi ke ê ông. Ū lâng kā Tāi-pı̍t kóng, Bâi-chòng Sò-lô--ê sī Ki-lia̍t Ngá-pí ê lâng.

(BCL) 猶大人到，佇遐用油抹大衛做猶大家的王。有人給大衛講：「埋葬掃羅的是基列雅比的人。」

5

(THR) Tāi-pı̍t chiū chhe sù-chiá khì kìⁿ Ki-lia̍t Ngá-pí ê lâng, kā in kóng, Gōan Iâ-hô-hoa sù-ho̍k lín, in-ūi lín ēng chit ê jîn-chû khóan-thāi lí ê chú Sò-lô, kā i bâi-chòng.

(BCL) 大衛就差使者去見基列雅比的人，給講：「願耶和華賜福恁！因為恁用此個仁慈款待你的主──掃羅；給伊埋葬。

6

(THR) Gōan Iâ-hô-hoa ēng jîn-chû sêng-sı̍t khóan-thāi lín; góa iā beh tap lín chit ê jîn-chû, in-ūi lín ū kiâⁿ chit ê sū.

(BCL) 願耶和華用仁慈誠實款待恁，我也欲答恁此個仁慈，因為恁有行此個事。

7

(THR) Lín ê chhiú tio̍h giám-ngī, lín tio̍h ióng-kám, in-ūi lín ê chú Sò-lô í-keng sí, Iû-tāi cho̍k iā ū ēng iû boah góa chòe in ê ông.

(BCL) 恁的手著嚴硬，恁著勇敢，因為恁的主──掃羅已經死。猶大族也有用油抹我做的王。」

8

(THR) Sò-lô ê kun-tiúⁿ Nî-jíⁿ ê kiáⁿ Ap-nî-jíⁿ bat chiong Sò-lô ê kiáⁿ I-si-pho-siat tòa i kè--khì Má-hap-liām,

(BCL) 掃羅的軍長尼珥的子押尼珥，曾將掃羅的子伊施波設帶伊過去瑪哈念，

9

(THR) siat-lı̍p i chòe-ông tī-lí Ki-lia̍t, A-su-lī, Iâ-su-lia̍t, Í-hoat-liân, Piān-ngá-bín, kap Í-sek-lia̍t ê chèng-lâng.

(BCL) 設立伊做王，治理基列、亞書利、耶斯列、以法蓮、便雅憫，及以色列的眾人。

10

(THR) Sò-lô ê kiáⁿ I-si-pho-siat khí-thâu chòe Í-sek-lia̍t ông, hit-sî sì-cha̍p hè; chē-ūi nn̄g-nî. To̍k-to̍k Iû-tāi cho̍k tè Tāi-pı̍t.

(BCL) 掃羅的子伊施波設起頭做以色列王，彼時四十歲，坐位二年；獨獨猶大族隨大衛。

11

(THR) Tāi-pı̍t tī Hi-pek-lûn chòe Iû-tāi cho̍k ê ông, le̍k-kè chhit-nî koh la̍k-ge̍h-jı̍t.

(BCL) 大衛佇希伯崙做猶大族的王，歷過七年閣六月日。

12

(THR) Nî-jíⁿ ê kiáⁿ Ap-nî-jíⁿ, kap Sò-lô ê kiáⁿ I-si-pho-siat ê jîn-sîn, tùi Má-hap-liām chhut-lâi khì Ki-piàn.

(BCL) 尼珥的子押尼珥及掃羅的子伊施波設的人臣對瑪哈念出來，去基遍。

13

(THR) Sé-ló͘-ngá ê kiáⁿ Iok-ap kap Tāi-pı̍t ê jîn-sîn, iā chhut-lâi, tī Ki-piàn ê tî-piⁿ saⁿ tú-tio̍h; in chiū chē--teh, chı̍t-tūi chē tī tî ê chit-pêng, chı̍t-tūi chē tī tî ê hit-pêng.

(BCL) 洗魯雅的子約押及大衛的人臣也出來，佇基遍的池邊相抵著；就坐，一隊坐佇池的此旁，一隊坐佇池的彼旁。

14

(THR) Ap-nî-jíⁿ tùi Iok-ap kóng, Chhiáⁿ lí hō͘ siàu-liân lâng khí-lâi, tī lán ê bīn-chêng kún-chhiò. Iok-ap kóng, Thang hō͘ i khí-lâi.

(BCL) 押尼珥對約押講：「請你互少年人起來，佇咱的面前滾笑。」約押講：「通互伊起來。」

15

(THR) In chiū khí-lâi chiàu siàu-gia̍h kè-khì; sio̍k Sò-lô ê kiáⁿ I-si-pho-siat ê Piān-ngá-bín lâng cha̍p-jī miâ, Tāi-pı̍t ê jîn-sîn iā ū cha̍p-jī miâ.

(BCL) 就起來照數額過去：屬掃羅的子伊施波設的便雅憫人十二名，大衛的人臣也有十二名，

16

(THR) Ta̍k-ê khiú i ê tùi-bīn hit-lâng ê thâu-khak, ēng to chha̍k i tùi-bīn hit-lâng ê hia̍p, chòe chı̍t-ē tó--lo̍h-khì sí; só͘-í hit só͘-chāi kiò-chòe Hi-lī-kah-hap-sò͘-lîm, chiū-sī tī Ki-piàn.

(BCL) 逐個伊對面彼人的頭殼，用刀鑿伊對面彼人的脅，做一下倒落去死。所以，彼所在叫做希利甲哈素林，就是佇基遍。

17

(THR) Hit-jı̍t ê kau-chiàn chin-hiông; Ap-nî-jíⁿ kap Í-sek-lia̍t lâng khah-su tī Tāi-pı̍t ê peng ê bīn-chêng.

(BCL) 彼日的交戰真雄，押尼珥及以色列人卡輸佇大衛的兵的面前。

18

(THR) Tī-hia ū Sé-ló͘-ngá saⁿ ê kiáⁿ, Iok-ap, A-pí-su, A-sat-hek; A-sat-hek ê kha gâu cháu, chhin-chhiūⁿ iá-lo̍k chı̍t-poaⁿ.

(BCL) 佇遐有洗魯雅三個子：約押、亞比篩、亞撒黑。亞撒黑的腳走親像野鹿一般；

19

(THR) A-sat-hek tui-jip Ap-nî-jíⁿ; bô phian chó-iū, tı̍t-tı̍t jip Ap-nî-jíⁿ.

(BCL) 亞撒黑追押尼珥無偏左右，直直押尼珥。

20

(THR) Ap-nî-jíⁿ o̍at-thâu khòaⁿ kóng, A-sat-hek ah, sī lí á m̄-sī? Ìn kóng, Sī góa.

(BCL) 押尼珥越頭看講：「亞撒黑啊，是你抑呣是？」應講：「是我。」

21

(THR) Ap-nî-jíⁿ kā i kóng, Lí tio̍h o̍at-tńg chiàⁿ-pêng, á-sī tò-pêng, lia̍h chı̍t ê siàu-liân lâng, ūi lí pún-sin pak i ê chiàn-saⁿ; chóng-sī A-sat-hek tı̍t-tı̍t tui i, m̄-khéng o̍at-tńg.

(BCL) 押尼珥給伊講：「你著越轉正旁抑是倒旁，掠一個少年人，為你本身剝伊的戰衫。」總是亞撒黑直直追伊，呣肯越轉。

22

(THR) Ap-nî-jíⁿ koh kā A-sat-hek kóng, Lí o̍at-tńg bo̍h--tit tui-jip góa; góa siáⁿ-sū tio̍h phah lí tó-tōe? nā án-ni, góa ū sím-mı̍h bīn-ba̍k thang khì kìⁿ lí ê hiaⁿ Iok-ap.

(BCL) 押尼珥閣給亞撒黑講：「你越轉莫得追我！我啥事著拍你倒地？若按呢，我有甚麼面目通去見你的兄約押？」

23

(THR) I iû-gôan m̄-khéng o̍at-tńg; Ap-nî-jíⁿ chiah ēng chhiuⁿ-pìⁿ-āu ê to chha̍k-jı̍p i ê pak-tó͘; chhiuⁿ chiū thàng-kè i ê ka-chiah-āu, i chiū tó tī-hia sí; kìⁿ-nā lâi kàu A-sat-hek tó-teh sí ê só͘-chāi, chiū lóng thêng-kha.

(BCL) 伊猶原呣肯越轉。押尼珥才用槍柄後的刀鑿入伊的腹肚，槍就過伊的尻脊後，伊就倒佇遐死。見若來到亞撒黑倒死的所在，就攏停腳。

24

(THR) Iok-ap kap A-pí-su tui-jip Ap-nî-jíⁿ; in kàu Ki-a saⁿ tùi-bīn ê A-má soaⁿ, tī Ki-piàn khòng-iá ê lō͘, jı̍t chiū lo̍h.

(BCL) 約押及亞比篩追押尼珥；到基亞相對面的亞瑪山，佇基遍曠野的路，日就落。

25

(THR) Piān-ngá-bín lâng chū-chı̍p tè Ap-nî-jíⁿ chòe chı̍t-tīn, khiā tī soaⁿ-téng.

(BCL) 便雅憫人聚集，隨押尼珥做一陣徛佇山頂。

26

(THR) Ap-nî-jíⁿ kiò Iok-ap kóng, To-kiàm thâi lâng éng bô soah mah? Lí kiám m̄-chai kàu-bé ū kan-khó͘ mah? lí beh kàu sím-mı̍h sî hō͘ peh-sìⁿ tò-khì, bô jip in ê hiaⁿ-tī ah?

(BCL) 押尼珥叫約押講：「刀劍人永無息嗎？你豈呣知到尾有艱苦嗎？你欲到甚麼時互百姓倒去、無的兄弟啊？」

27

(THR) Iok-ap kóng, Góa kí éng-o̍ah ê Siōng-tè lâi chiù-chōa, nā m̄-sī lí kóng, chá-khí peh-sìⁿ chiū tò-khì, bô jip i ê hiaⁿ-tī.

(BCL) 約押講：「我指永活的上帝來咒誓：若呣是你講，早起百姓就倒去，無伊的兄弟。」

28

(THR) Tùi án-ni, Iok-ap pûn sàu-kak, chèng peh-sìⁿ chiū khiā-teh, bô koh tui-jip Í-sek-lia̍t lâng, iā bô koh kau-chiàn.

(BCL) 對按呢約押歕哨角，眾百姓就徛，無閣追以色列人，也無閣交戰。

29

(THR) Ap-nî-jíⁿ kap tè i ê lâng thong-mî kiâⁿ, keng-kè A-la̍h-pa, kè Iok-tàn, tùi Pit-lûn kè-khì kàu Má-hap-liām.

(BCL) 押尼珥及隨伊的人通暝行經過亞拉巴，過約但，對畢倫過去，到瑪哈念。

30

(THR) Iok-ap bô koh jip Ap-nî-jíⁿ, chiū tò-lâi, chū-chı̍p chèng peh-sìⁿ; Tāi-pı̍t ê pêng kiám cha̍p-káu lâng, kap A-sat-hek.

(BCL) 約押無閣押尼珥就倒來，聚集眾百姓，大衛的兵減十九人及亞撒黑。

31

(THR) Chóng-sī Tāi-pı̍t ê peng phah-sí Piān-ngá-bín lâng, kap tè Ap-nî-jíⁿ ê lâng, kiōng saⁿ-pah la̍k-cha̍p lâng.

(BCL) 總是大衛的兵拍死便雅憫人及隨押尼珥的人，共三百六十人。

32

(THR) In kng A-sat-hek khì Pek-lī-hêng, bâi-chòng tī in lāu-pē ê bōng. Iok-ap kap tè i ê lâng thong-mî kiâⁿ, kàu Hi-pek-lûn ê sî, thiⁿ tú-á kng.

(BCL) 扛亞撒黑去伯利恆，埋葬佇老父的墓。約押及隨伊的人通暝行，到希伯崙的時天抵仔光。

Bible Color Mark

• 台語漢字羅馬本
• 巴克禮全羅