但以理書 第 11 章

1

(THR) Tng Má-tāi ông Tāi-lī-o͘ gôan--nî, góa khiā--khí-lâi, hō͘ i kian-kò͘ ióng-chòng.

(BCL) 「當瑪代王大利烏元年，我徛起來，互伊堅固勇壯。

2

(THR) Taⁿ góa chiong chin-sı̍t ê sū chí-sī lí. Khòaⁿ ah, Pho-su beh koh ū saⁿ ê ông heng-khí; tē-sì-ê beh chin hó-gia̍h, iâⁿ-kè in hiah-ê; i túi i ê hó-gia̍h chiâⁿ-chòe kiông-béng ê sî, chiū beh kek-tōng chèng-lâng kong-kek Hi-lia̍p kok.

(BCL) 今我將真實的事指示你：「看啊，波斯欲閣有三個王興起，第四個欲真好額贏過許個。伊對伊的好額成做強猛的時，就欲激動眾人攻擊希臘國。

3

(THR) Beh ū chı̍t ê ióng-béng ê ông khí-lâi, ēng tōa-kôan lâi tī-lí, chiàu ì-sù lâi kiâⁿ.

(BCL) 欲有一個勇猛的王起來，用大權來治理，照意思來行。

4

(THR) I heng-khí ê sî, i ê kok beh hun-lı̍h, ǹg-thiⁿ ê sì-bīn ê hong pun-khui; chóng-sī bô kui i ê hō͘-è, iā bōe pí-tit i chêng só͘ chiáng ê kôan; in-ūi i ê kok beh tú-tio̍h pu̍ih--khí-lâi, kui tī chiah-ê í-gōa ê pa̍t-lâng.

(BCL) 伊興起的時，伊的國欲分裂，向天的四面的方分開，總是無歸伊的後裔，也比得伊前所掌的權；因為伊的國欲抵著拔起來，歸佇諸個以外的別人。

5

(THR) Lâm-hng ê ông beh kiông-béng; chóng-sī i tāi-sîn ê tiong-kan beh ū chı̍t-ê pí i khah kiông-béng, tit-tio̍h kôan; i ê kôan beh chòe chin-tōa ê kôan.

(BCL) 「南方的王欲強猛，總是伊大臣的中間欲有一個比伊卡強猛，得著權，伊的權欲做真大的權。

6

(THR) Kè kúi-nā nî āu, in beh saⁿ liân-ha̍p; lâm-hng ê kok ê cha-bó͘-kiáⁿ beh chiū-kūn pak-hng ê ông, ài lı̍p bêng-iok; chóng-sī chit ê cha-bó͘-kiáⁿ pang-chān ê la̍t bōe-ōe kú-tn̂g; chit ê ông kap i pang-chān ê la̍t bōe-ōe chûn-chāi; koh chit ê cha-bó͘-kiáⁿ kap tòa i lâi ê, kap siⁿ i ê, í-kı̍p tng-sî hû-chō͘ i ê, lóng beh siū kau-hù.

(BCL) 過幾若年後，欲相聯合，南方的國的查某子欲就近北方的王愛立盟約；總是此個查某子幫助的力會久長，此個王及伊幫助的力會存在。閣此個查某子及帶伊來的，及生伊的，以及當時扶助伊的，攏欲受交付。

7

(THR) Chóng-sī chit ê cha-bó͘-kiáⁿ ê pún-ke beh koh chhut chı̍t-ê, sòa-chiap ông-ūi, i beh tòa kun-tūi lâi, chìn-jı̍p pak-hng ê ông ê hiám-iàu, kong-kek lâi khah-iâⁿ in.

(BCL) 總是此個查某子的本家欲閣出一個續接王位，伊欲帶軍隊來進入北方的王的險要，攻擊來卡贏；

8

(THR) Iā chiong in ê siōng-tè, kap só͘ chù ê ngó͘-siōng, í-kı̍p gûn kim ê pó-khì chhiúⁿ-lia̍h kàu Ai-kı̍p; kúi-nā nî kú bô chhap pak-hng ê ông.

(BCL) 也將的上帝及所鑄的偶像，以及銀金的寶器搶掠到埃及。幾若年久，無插北方的王。

9

(THR) I beh jı̍p lâm-hng ê ông ê kok, chóng-sī beh iû-gôan tò--khì pún só͘-chāi.

(BCL) 伊欲入南方的王的國，總是欲猶原倒去本所在。

10

(THR) I hiah ê kiáⁿ beh khí kau-chiàn, chio-chı̍p chōe-chōe kun-tūi, i beh chìn-chêng chhin-chhiūⁿ chúi hòan-lām tùi-hia keng-kè, chiū beh tò--khì, koh khí kau-chiàn tı̍t-kàu i ê hiám-iàu.

(BCL) 「伊許個子欲去交戰，招集多多軍隊。伊欲進前親像水氾濫對遐經過，就欲倒去，閣起交戰直到伊的險要。

11

(THR) Lâm-hng ê ông beh tōa siū-khì, chhut-lâi kap pak-hng ê ông kau-chiàn; i beh pâi-lia̍t tōa kun-tūi, tōa kun-tūi beh kau-hù i ê chhiú.

(BCL) 南方的王欲大受氣，出來及北方的王交戰，伊欲排列大軍隊；大軍隊欲交付伊的手。

12

(THR) Í-keng tû--khì tōa kun-tūi, i ê sim chū-ko; i sui-jiân hō͘ kúi-nā bān lâng tó--lo̍h-khì, kiù-kèng bô tit-tio̍h khah-iâⁿ.

(BCL) 已經除去大軍隊，伊的心自高；伊雖然互幾若萬人倒落去，究竟無得著卡贏。

13

(THR) Pak-hng ê ông beh tò--lâi, koh pâi-lia̍t tōa kun-tūi, pí chêng-ê koh khah chōe; kè kúi-nā nî āu, i beh tòa tōa kun-tūi kap chōe-chōe kun-chong lâi.

(BCL) 「北方的王欲倒來閣排列大軍隊，比前的閣卡多。過幾若年後伊欲帶大軍隊及多多軍裝來。

14

(THR) Hit-sî beh ū chōe-chōe lâng khí-lâi kong-kek lâm-hng ê ông; koh lí ê peh-sìⁿ tiong kiông-pō ê lâng iā beh khí-lâi, ài hō͘ īⁿ-siōng tit-tio̍h èng-giām; chóng-sī in beh pāi-bô.

(BCL) 彼時，欲有多多人起來攻擊南方的王，閣你的百姓中強暴的人也欲起來，愛互異象得著應驗，總是欲敗無。

15

(THR) Pak-hng ê ông beh lâi, iā beh khí thô͘-tui, kong-chhú kian-kò͘ ê siâⁿ; lâm-hng ê kun-tūi beh khiā-bōe-tiâu, i só͘ kéng ê peh-sìⁿ iā bô la̍t thang khiā-tiâu.

(BCL) 北方的王欲來也欲起土堆攻取堅固的城；南方的軍隊欲徛住，伊所揀的百姓也無力通徛住。

16

(THR) To̍k-to̍k lâi kong-kek i ê, beh chhut-chāi ì-sù lâi kiâⁿ, bô lâng tī i ê bīn-chêng khiā-ōe-tiâu; i beh khiā tī êng-iāu ê tōe, i ê chhiú kiâⁿ châu-bia̍t.

(BCL) 獨獨來攻擊伊的，欲出在意思來行，無人佇伊的面前徛會住。伊欲徛佇榮耀的地，伊的手行剿滅。

17

(THR) I koat-ì ēng chôan-kok ê la̍t lâi, iā ū chèng-tı̍t ê lâng kap i lâi, i beh chiàu ì-sù kiâⁿ; koh beh ēng hū-jîn-lâng ê cha-bó͘-kiáⁿ hō͘ i, beh pāi-hōai i; chóng-sī i bōe sêng-lı̍p, iā bô chòe i ê lī-ek.

(BCL) 「伊決意用全國的力來，也有正直的人及伊來，伊欲照意思行，閣欲用婦仁人的查某子互伊，欲敗壞伊，總是伊成立，也無做伊的利益。

18

(THR) Hit-tia̍p liáu-āu i beh o̍at-tńg-bīn ǹg hiah ê hái-sū, chōe-chōe chhú i; chóng-sī beh ū chı̍t ê tāi-sîn tû--khì i só͘ si ê lêng-jio̍k; koh hō͘ hit ê lêng-jio̍k kui i pún-sin.

(BCL) 彼霎了後伊欲越轉面向許個海嶼多多取伊。總是欲有一個大臣除去伊所施的凌辱，閣互彼個凌辱歸伊本身。

19

(THR) Āu-lâi i beh o̍at-tńg-bīn ǹg ka-kī kéng-lāi ê hiám-iàu; chóng-sī i beh tio̍h-tak lâi po̍ah-tó; kàu-bé bô koh khòaⁿ-kìⁿ.

(BCL) 後來伊欲越轉面向家己境內的險要，總是伊欲著觸來跋倒，到尾無閣看見。

20

(THR) Hit-sî beh ū chı̍t-lâng khí-lâi, sòa-chiap i ê ūi, hō͘ chı̍t ê le̍k-sek-ê piàn-kiâⁿ kok-lāi êng-iāu ê tōe; chóng-sī bô kúi-jı̍t-lāi i beh siū bia̍t-bô, m̄-sī tùi siū-khì, iā m̄-sī tùi kau-chiàn.

(BCL) 「彼時，欲有一人起來續接伊的位，互一個勒索者遍行國內榮耀的地。總是無幾日內伊欲受滅無，呣是對受氣，也呣是對交戰。」

21

(THR) Beh ū chı̍t ê pi-chiān ê lâng khí-lâi, sòa-chiap i ê ūi, lâng m̄-bat ēng kok ê êng-kng hō͘ i; sī thàn lâng bô tî-hông ê sî, ēng thiám-mī lâi tit-tio̍h kok.

(BCL) 「欲有一個卑賤的人起來續接伊的位，人呣曾用國的榮光互伊，是趁人無持防的時，用諂媚來得著國。

22

(THR) Tōa-tūi ê peng-la̍t beh siū húi-bia̍t tī i ê bīn-chêng, chhin-chhiūⁿ hō͘ tōa-chúi lâu--khì, tâng hōe-bêng ê jîn-kun iā beh án-ni.

(BCL) 大隊的兵力欲受毀滅佇伊的面前，親像互大水流去；同會盟的人君也欲按呢。

23

(THR) Lı̍p-iok liáu-āu i beh kiâⁿ khúi-chà; in-ūi i beh chiūⁿ--lâi, ēng chió-chió ê peh-sìⁿ chiâⁿ-chòe kiông-béng.

(BCL) 立約了後，伊欲行詭詐，因為伊欲上來用少少的百姓成做強猛。

24

(THR) Thàn lâng bô tî-hông ê sî, i beh lâi kàu séng-lāi ê pûi-tōe, iā beh kiâⁿ i ê lia̍t-chó͘, kap in ê lia̍t-chó͘, só͘ bē-bat kiâⁿ--ê; beh ēng só͘ chhiúⁿ-ê, só͘ kiap-ê, kap hè-châi hun-sòaⁿ hō͘ lâng; koh beh siat kè-bô͘ kong-kek chiah ê hiám-iàu ê só͘-chāi, kàu i ê sî-kî.

(BCL) 趁人無持防的時，伊欲來到省內的肥地，也欲行伊的列祖及的列祖所未曾行的，欲用所搶的、所劫的，及貨財分散互人，閣欲設計謀攻擊諸個險要的所在到伊的時期。

25

(THR) I beh chhut tōa-la̍t hùn-chì, ēng tōa ê kun-tūi kong-kek lâm-hng ê ông; lâm-hng ê ông, iā beh ēng ke̍k-tōa ke̍k-kiông ê kun-peng kap i kau-chiàn; chóng-sī khiā-bōe-tiâu, in-ūi lâng siat kè-bô͘ beh hāi i;

(BCL) 「伊欲出大力奮志，用大的軍隊攻擊南方的王；南方的王也欲用極大極強的軍兵及伊交戰，總是徛住，因為人設計謀欲害伊。

26

(THR) chia̍h i ê hōng-lo̍k-ê beh bia̍t i, i ê kun-peng beh sì-sòaⁿ; koh siū-thâi-ê chin-chōe.

(BCL) 食伊的奉祿者欲滅伊；伊的軍兵欲四散，閣受的真多。

27

(THR) Chí(Chit) nn̄g ê ông, sim chûn pháiⁿ-ì, tâng-toh ê sî kóng pe̍h-chha̍t; chóng-sī i ê kè-bô͘ bōe chiâⁿ; in-ūi kàu tiāⁿ-tio̍h ê kî in ê kiat-kio̍k ōe kàu.

(BCL) 此二個王，心存歹意，同桌的時講白賊，總是伊的計謀成；因為到定著的期，的結局會到。

28

(THR) I beh tòa chōe-chōe hè-châi tò--khì pún-kok; i ê sim hóan-tùi sèng-iok; chiàu i ê ì-sù kiâⁿ, tò--khì pún-kok.

(BCL) 伊欲帶多多貨財倒去本國，伊的心反對聖約，照伊的意思行，倒去本國。

29

(THR) Kàu tiāⁿ-tio̍h ê kî, i beh tò-tńg, lâi kàu lâm-hng; chóng-sī chí(**chit) lō͘-bé pái bô chhin-chhiūⁿ chêng-pái.

(BCL) 「到定著的期，伊欲倒轉，來到南方。總是此路尾擺無親像前擺，

30

(THR) In-ūi Ki-thê ê chûn beh kàu kong-kek i, tì-kàu i iu-būn chiū tò--khì, thòng-hūn sèng-iok, chiàu i ê ì-sù lâi kiâⁿ; i beh tò--lâi, kap khì-sak sèng-iok ê lâng saⁿ-kap kè-bô͘.

(BCL) 因為基提的船欲到攻擊伊，致到伊憂悶就倒去，痛恨聖約，照伊的意思來行，伊欲倒來及棄拺聖約的人相及計謀。

31

(THR) I beh khí-peng, in beh phah lâ-sâm sèng-só͘, chiū-sī ōe-só͘, tû--khì jı̍t-jı̍t só͘ hiàn ê chè-sū, khiā hit ê chân-hāi khó-ò͘ⁿ ê mı̍h.

(BCL) 伊欲起兵，欲拍垃墋聖所，就是衛所，除去日日所獻的祭祀，　彼個殘害可惡的物。

32

(THR) Kiâⁿ-pháiⁿ pōe-iok-ê, i beh ēng thiám-mī ê ōe ín-iú in; to̍k-to̍k bat in ê Siōng-tè ê peh-sìⁿ beh ióng-kám kiâⁿ tāi-chì.

(BCL) 行歹背約的，伊欲用諂媚的話引誘；獨獨識的上帝的百姓欲勇敢行代誌。

33

(THR) Peh-sìⁿ-tiong tì-hūi ê lâng beh kà-sī chōe-chōe lâng; chóng-sī in chōe-chōe jı̍t beh tùi to-kiàm, hé-sio, hō͘ lâng lia̍h, hō͘ lâng chhiúⁿ, lâi sit-pāi.

(BCL) 百姓中智慧的人欲教示多多人，總是多多日欲對刀劍，火燒，互人掠，互人搶來失敗。

34

(THR) In sit-pāi ê sî beh lio̍h-lio̍h-á tit-tio̍h hû-chō͘; iā ū chōe-chōe lâng beh ēng thiám-mī kap in liân-lo̍k.

(BCL) 失敗的時，欲略略仔得著扶助，也有多多人欲用諂媚及聯絡。

35

(THR) Tì-hūi ê lâng ê tiong-kan ū-ê beh sit-pāi, lâi thòan-liān in, hō͘ in chheng-khì, hō͘ in pe̍h-pe̍h, tı̍t-kàu lō͘-bé ê jı̍t; in-ūi kàu tiāⁿ-tio̍h ê kî, kiat-kio̍k chiū kàu.

(BCL) 智慧的人的中間有的欲失敗，來鍛煉，互清氣互白白，直到路尾的日；因為到定著的期，結局就到。

36

(THR) Hit ê ông beh chhut-chāi ì-sù lâi kiâⁿ, beh chū-ko chū-tōa pôaⁿ-kè it-chhè ê siōng-tè, koh ēng kî-īⁿ ê ōe kong-kek chiah ê siōng-tè ê Siōng-tè; i beh heng-thong kàu tōa siū-khì bêng-pe̍k; in-ūi só͘ tiāⁿ-tio̍h ê sū tek-khak chiâⁿ.

(BCL) 「彼個王欲出在意思來行，欲自高自大，過一切的上帝，閣用奇異的話攻擊諸個上帝的上帝。伊欲亨通到大受氣明白，因為所定著的事的確成。

37

(THR) I bô beh iàu-kín i ê lia̍t-chó͘ ê siōng-tè, í-kı̍p hū-lú só͘ him-bō͘--ê, bô-lūn sím-mı̍h siōng-tè i bô iàu-kín; in-ūi i beh chū-tōa pôaⁿ-kè it-chhè.

(BCL) 伊無欲要緊伊的列祖的上帝，以及婦女所欣慕的，無論甚麼上帝伊無要緊；因為伊欲自大過一切。

38

(THR) I beh tī i ê ūi kèng-pài ōe-só͘ ê siōng-tè; koh i ê lia̍t-chó͘ só͘ m̄-bat ê siōng-tè, i beh ēng kim, gûn, ge̍k-chio̍h, pó-mı̍h lâi kèng i.

(BCL) 伊欲佇伊的位敬拜衛所的上帝，閣伊的列祖所呣識的上帝，伊欲用金、銀、玉石，寶物來敬伊。

39

(THR) I beh óa-khò pa̍t-hō ê siōng-tè lâi siat-hoat kian-kò͘ ê ōe-só͘; hōan-nā sêng-jīn-i--ê, i beh chiong êng-kng hō͘ in, iā beh hō͘ in kóan-hat chōe-chōe lâng, koh beh pun thô͘-tōe pò-siúⁿ in.

(BCL) 伊欲倚靠別號的上帝來設法堅固的衛所。凡若承認伊者，伊欲將榮光互，也欲互管轄多多人，閣欲分土地報賞。

40

(THR) Kàu lō͘-bé ê sî, lâm-hng ê ông beh chhiok-hōan i; pak-hng ê ông beh kong-kek i chhin-chhiūⁿ kńg-lê-hong, ēng chhia, ēng bé-peng, ēng chōe-chōe chûn-chiah; iā beh chìn-jı̍p hiah ê kok, chhin-chhiūⁿ hòan-lām ê chúi keng-kè.

(BCL) 「到路尾的時，南方的王欲觸犯伊。北方的王欲攻擊伊親像捲螺風，用車、用馬兵、用多多船隻，也欲進入許個國，親像氾濫的水經過。

41

(THR) Koh beh chìn-jı̍p êng-iāu ê tōe, chōe-chōe kok hō͘ i chhia-tó; to̍k-to̍k Í-tong, Mô͘-ap, kap A-bûn kiáⁿ-sun chun-kùi ê lâng ōe thoat-lī i ê chhiú.

(BCL) 閣欲進入榮耀的地，多多國互伊捙倒，獨獨以東、摩押，及亞捫子孫尊貴的人會脫離伊的手。

42

(THR) I beh chhun-chhiú kong-kek lia̍t-kok; Ai-kı̍p tōe iā bô tit-tio̍h thoat-lī.

(BCL) 伊欲伸手攻擊列國；埃及地也無得著脫離。

43

(THR) I beh chiáng-kóan Ai-kı̍p kim-gûn ê châi-pó í-kı̍p it-chhè ê pó-mı̍h; Lū-pí-a kap Kó͘-sı̍t lâng lóng beh kun-tè i.

(BCL) 伊欲掌管埃及金銀的財寶以及一切的寶物。呂比亞及古實人攏欲跟隨伊。

44

(THR) Tùi-tang tùi-pak beh ū siau-sit kàu lâi jiáu-lōan i; i beh tōa siū-khì chhut-khì, it-chīn tû-bia̍t chōe-chōe lâng.

(BCL) 對東對北欲有消息到來擾亂伊，伊欲大受氣出去，一盡除滅多多人。

45

(THR) I beh tī hái kap êng-iāu ê sèng-soaⁿ ê tiong-kan tah i kiong-tiān ê pò͘-pîⁿ; chóng-sī i beh kàu i ê kiat-kio̍k, iā bô pang-chān i ê.

(BCL) 伊欲佇海及榮耀的聖山的中間搭伊宮殿的布棚；總是伊欲到伊的結局，也無幫助伊的。」

Bible Color Mark

• 台語漢字羅馬本
• 巴克禮全羅