但以理書 第 6 章

1

(THR) Tāi-lī-o͘ chiàu i ê ì-sù siat-lı̍p chı̍t-pah jī-cha̍p ê chóng-tok, hō͘ in hun-kóan chôan-kok,

(BCL) 大利烏照伊的意思，設立一百二十個總督，互分管全國。

2

(THR) koh tī in ê téng-bīn siat-lı̍p chóng-tiúⁿ saⁿ-lâng, kî-tiong Tān-í-lí sī chı̍t-ê; hō͘ hiah ê chóng-tok chiong chèng-sū tùi in pín-bêng, bián-tit ông khui-sún.

(BCL) 閣佇的頂面設立總長三人（其中但以理是一個），互許個總督將政事對稟明，免得王虧損。

3

(THR) In-ūi chit ê Tān-í-lí ū hó sèng-chêng, só͘-í iâⁿ-kè kî-û ê chóng-tiúⁿ kap chóng-tok; ông chiū siūⁿ beh siat-lı̍p i tī-lí thong-kok.

(BCL) 因為此個但以理有好性情，所以贏過其餘的總長及總督，王就想欲設立伊治理通國。

4

(THR) Tùi án-ni chóng-tiúⁿ kap chóng-tok tī kok-chèng-tiong chhē-phāng beh kò Tān-í-lí; chóng-sī chhē bô i ê khang-phāng kap kè-sit; in-ūi i chīn-tiong, lóng chhē bô i ê chhò-gō͘ kè-sit.

(BCL) 對按呢，總長及總督佇國政中尋縫，欲告但以理；總是尋無伊的空縫及過失，因為伊盡忠，攏尋無伊的錯誤過失。

5

(THR) Hiah ê lâng chiū saⁿ-kap kóng, Chit ê Tān-í-lí, tû--khì i thàn i ê Siōng-tè ê lu̍t-hoat í-gōa, lán bô thang chhē i ê khang-khiah lâi kò i.

(BCL) 許個人就相及講：「此個但以理除去伊趁伊的上帝的律法以外，咱無通尋伊的空隙來告伊。」

6

(THR) Tùi hit-tia̍p hiah ê chóng-tiúⁿ kap chóng-tok hun-hun chū-chı̍p lâi kìⁿ ông, kóng, Gōan Tāi-lí-o͘ ông bān-sòe.

(BCL) 對彼霎，許個總長及總督紛紛聚集來見王：「願大利烏王萬歲！

7

(THR) Kok-lāi chóng-tiúⁿ, khim-chhe, chóng-tok, bô͘-sū, kap sûn-bú lóng saⁿ-kap gī-lūn ài beh siat chı̍t tiâu ông ê lē, lâi lı̍p chı̍t tiâu giâm ê kìm-lēng, tī saⁿ-cha̍p jı̍t lāi, tû-khí kiû ông í-gōa, kìⁿ-nā tùi put-lūn sím-mı̍h siōng-tè á-sī tùi lâng lâi kiû--ê, tio̍h hiat i lo̍h sai-hia̍t.

(BCL) 國內總長、欽差、總督、謀士，及巡撫攏相及議論，愛欲設一條王的例來立一條嚴的禁令，佇三十日內，除去求王以外，見若對不論甚麼上帝抑是對人來求者，著伊落獅穴，

8

(THR) Ông ah, taⁿ kiû lí siat-lı̍p hit ê kìm-lēng, chhiam-jī tī hit ê chiàu, hō͘ i bōe kóe-ōaⁿ--tit, chiàu Má-tāi kap Pho-su ê lē, bōe thang kóe--tit.

(BCL) 王啊，今求你設立彼個禁令，簽字佇彼個詔，互伊改換得；照瑪代及波斯的例通改得。」

9

(THR) Tùi án-ni Tāi-lī-o͘ ông chhiam-jī tī hit ê chiàu kap kìm-lēng.

(BCL) 對按呢大利烏王簽字佇彼個詔，及禁令。

10

(THR) Tān-í-lí chai chit ê chiàu í-keng chhiam-jī, chiū kàu i ê chhù; (i pâng-lāi ê thang khui ǹg Iâ-lō͘-sat-léng); chı̍t-jı̍t saⁿ-pái kūi tī i ê Siōng-tè ê bīn-chêng kî-tó kám-siā, kap pêng-jı̍t bô koh-iūⁿ.

(BCL) 但以理知此個詔已經簽字，就到伊的厝，（伊房內的窗開向耶路撒冷），一日三擺，跪佇伊的上帝的面前，祈禱感謝，及平日無各樣。

11

(THR) Chiah ê lâng chiū hun-hun chū-chı̍p, khòaⁿ-kìⁿ Tān-í-lí tī i ê Siōng-tè ê bīn-chêng kî-tó khún-kiû.

(BCL) 諸個人就紛紛聚集，看見但以理佇伊的上帝的面前祈禱懇求。

12

(THR) In chiū kàu ông ê bīn-chêng, thê-khí ông ê kìm-lēng kóng, Ông ah, tī saⁿ-cha̍p jı̍t lāi tû-khí kiû ông í-gōa, kìⁿ-nā tùi put-lūn sím-mı̍h siōng-tè á-sī tùi lâng lâi kiû--ê, tio̍h hiat i lo̍h sai-hia̍t, lí kiám-m̄-sī chhiam-jī tī chit ê chiàu mah? Ông ìn kóng, Chit ê sū sı̍t-chāi ū, chiàu Má-tāi kap Pho-su ê lē, bōe thang kóe--tit.

(BCL) 就到王的面前，提起王的禁令，講：「王啊，佇三十日內除去求王以外，見若對不論甚麼上帝抑是對人來求者，著伊落獅穴。你豈呣是簽字佇此個詔嗎？」王應講：「此個事實在有，照瑪代及波斯的例通改得。」

13

(THR) In tī ông ê bīn-chêng ìn kóng, Ông ah, tī Iû-tāi cho̍k siū-lia̍h-ê ê tiong-kan hit ê Tān-í-lí bô lia̍h lí kap lí só͘ chhiam-jī ê kìm-lēng chòe iàu-kín; i kèng-jiân chı̍t-jı̍t saⁿ-pái kî-tó.

(BCL) 佇王的面前應講：「王啊，佇猶大族受掠者的中間彼個但以理，無掠你及你所簽字的禁令做要緊，伊竟然一日三擺祈禱。」

14

(THR) Ông thiaⁿ-kìⁿ chiah ê ōe, chīn-chāi hôan-ló, liû-sim beh kiù Tān-í-lí tı̍t-tı̍t siūⁿ kiù i ê hoat-tō͘ kàu jı̍t-lo̍h.

(BCL) 王聽見諸個話，盡在煩惱，留心欲救但以理，直直想求伊的法度到日落。

15

(THR) Chiah ê lâng chiū hun-hun chū-chı̍p lâi kìⁿ ông, kā ông kóng, Ông ah, tio̍h chai Má-tāi lâng kap Pho-su lâng ū lē, kìⁿ-nā ông só͘ lı̍p ê kìm-lēng kap lu̍t-lē lóng bōe kóe-ōaⁿ--tit.

(BCL) 諸個人就紛紛聚集來見王，給王講：「王啊，著知瑪代人及波斯人有例，見若王所立的禁令及律例攏改換得。」

16

(THR) Ông chiū chhut-lēng, lâng chiū tòa Tān-í-lí lâi, hiat i tī sai-hia̍t. Ông tùi Tān-í-lí kóng, Lí ê Siōng-tè, lí só͘ siông-siông ho̍k-sāi ê, I beh kiù lí.

(BCL) 王就出令，人就帶但以理來，伊佇獅穴。王對但以理講：「你的上帝你所常常服事的，伊欲救你。」

17

(THR) Lâng poaⁿ chio̍h-thâu lâi hē tī hia̍t-kháu; ông ēng ka-kī ê ìn kap tāi-sîn ê ìn hong-ba̍t i, hō͘ Tān-í-lí ê tāi-chì lóng bōe kóe-ōaⁿ--tit.

(BCL) 人搬石頭來下佇穴口，王用家己的印及大臣的印封密伊，互但以理的代誌攏改換得。

18

(THR) Ông tò--khì kiong-lāi, thong-mî kìm-chia̍h; bô lâng chok-ga̍k tī i ê bīn-chêng, i iā bōe khùn--tit.

(BCL) 王倒去宮內，通暝禁食，無人作樂佇伊的面前，伊也睏得。

19

(THR) Keh chá-khí ông chá-chá khí-lâi, kín-kín khì kàu sai-hia̍t.

(BCL) 隔早起，王早早起來，緊緊去到獅穴。

20

(THR) Chiong-kūn hia̍t-piⁿ, chhut ai-siong ê siaⁿ kiò Tān-í-lí; ông tùi Tān-í-lí kóng, Éng-o̍ah Siōng-tè ê lô͘-po̍k, Tān-í-lí ah, lí ê Siōng-tè, lí só͘ siông-siông ho̍k-sāi-ê, ōe kiù lí thoat-lī hiah ê sai mah?

(BCL) 將近穴邊，出哀傷的聲叫但以理，王對但以理講：「永活上帝的奴僕但以理啊，你的上帝，你所常常服事的，會救你脫離許個獅嗎？」

21

(THR) Tān-í-lí tùi ông kóng, Gōan ông bān-sòe.

(BCL) 但以理對王講：「願王萬歲！

22

(THR) Góa ê Siōng-tè chhe I ê sù-chiá, nı̍h chiah ê sai ê chhùi, hō͘ in bô siong-hāi góa; in-ūi góa tī I ê bīn-chêng bô-chōe; ông ah, góa tī lí ê bīn-chêng iā bô kiâⁿ khek-khui lí ê sū.

(BCL) 我的上帝差伊的使者，勒諸個獅的嘴，互無傷害我；因為我佇伊的面前無罪，王啊，我佇你的面前也無行剋虧你的事。」

23

(THR) Ông ūi-tio̍h án-ni hoaⁿ-hí kàu-ke̍k, bēng-lēng lâng chhú Tān-í-lí chhut-hia̍t. Tùi án-ni chhú Tān-í-lí chhut-hia̍t; i ê seng-khu lóng bô siū-siong, in-ūi i óa-khò i ê Siōng-tè.

(BCL) 王為著按呢歡喜到極，命令人取但以理出穴。對按呢取但以理出穴，伊的身軀攏無受傷，因為伊倚靠伊的上帝。

24

(THR) Ông chiū chhut-lēng, lâng chiū chiong hiah ê kò Tān-í-lí ê lâng, liân in ê bó͘-kiáⁿ, lóng tòa--lâi, hiat lo̍h sai-hia̍t; in iáu-bē kàu hia̍t-tóe, sai chiū sah in, kā-chhùi in ê kut-thâu.

(BCL) 王就出令，人就將許個告但以理的人，連的某子攏帶來，落獅穴。猶未到穴底，獅就挲，咬碎的骨頭。

25

(THR) Hit-sî Tāi-lī-o͘ ông pan-chiàu hō͘ chôan-tōe hiah ê peh-sìⁿ hiah ê kok, hiah ê khiuⁿ-kháu ê lâng kóng: Gōan lín tōa-tōa hióng-siū pêng-an.

(BCL) 彼時大利烏王頒詔，互全地許個百姓、許個國、許個腔口的人講：「願恁大大享受平安！

26

(THR) Taⁿ góa chhut-lēng, hoan-hù góa só͘ kóan-hat thong-kok peh-sìⁿ tio̍h tī Tān-í-lí ê Siōng-tè ê bīn-chêng kiaⁿ-hiâⁿ ngia̍uh-ngia̍uh-chhoah, in-ūi I sī o̍ah ê Siōng-tè, tn̂g-tn̂g tī--teh, I ê kok éng-óan bô bia̍t, I ê kôan-pèng bû-kiông bû-chīn;

(BCL) 今我出令吩咐我所管轄通國百姓，著佇但以理的上帝的面前驚惶愕愕惙。因為伊是活的上帝，長長佇，伊的國永遠無滅；伊的權柄無窮無盡！

27

(THR) I kiâⁿ chín-kiù, tī thiⁿ--nih tī tōe--nih kiâⁿ sîn-jiah kî-sū; I ū kiù Tān-í-lí thoat-lī sai ê chhùi.

(BCL) 伊行拯救，佇天裡佇地裡行神蹟奇事，伊有救但以理脫離獅的嘴。」

28

(THR) Án-ni chit ê Tān-í-lí tng Tāi-lī-o͘ chē-ūi ê sî kap Pho-su lâng Kó͘-lia̍t chē-ūi ê sî, lóng tit-tio̍h heng-thong.

(BCL) 按呢，此個但以理，當大利烏坐位的時及波斯人古列坐位的時，攏得著亨通。

Bible Color Mark

• 台語漢字羅馬本
• 巴克禮全羅