申命記 第 23 章

1

(THR) Kìⁿ-nā gōa-sīn siū-siong-ê, á-sī siū iam-koah-ê, m̄-thang jı̍p Iâ-hô-hoa ê hōe.

(BCL) 「見若外腎受傷的，抑是受閹割的，呣通入耶和華的會。

2

(THR) Su-thong lâi siⁿ ê kiáⁿ m̄-thang jı̍p Iâ-hô-hoa ê hōe; sui-jiân kàu i ê cha̍p-tāi, iā m̄-thang jı̍p Iâ-hô-hoa ê hōe.

(BCL) 「私通來生的子呣通入耶和華的會；雖然到伊的十代，也呣通入耶和華的會。

3

(THR) A-bûn lâng á-sī Mô͘-ap lâng, m̄-thang jı̍p Iâ-hô-hoa ê hōe; sui-jiân kàu in ê cha̍p-tāi, éng-óan bōe thang jı̍p Iâ-hô-hoa ê hōe;

(BCL) 「亞捫人抑是摩押人呣通入耶和華的會；雖然到的十代，永遠通入耶和華的會。

4

(THR) in-ūi lín chhut Ai-kı̍p ê sî, in bô ēng chia̍h-mı̍h kap chúi, tī lō͘-nı̍h ngiâ-chih lín; koh in-ūi in tùi-te̍k lín, chhiàⁿ Bí-só͘-pho-tāi-bí ê Pì-to̍at lâng, Pí-jíⁿ ê kiáⁿ, Pa-lân lâi chiù-chó͘ lín.

(BCL) 因為恁出埃及的時，無用食物及水佇路裡迎接恁，閣因為對敵恁，倩米所波大米的毗奪人比珥的子巴蘭來咒詛恁。

5

(THR) Chóng-sī Iâ-hô-hoa lí ê Siōng-tè m̄-thiaⁿ Pa-lân; Iâ-hô-hoa lí ê Siōng-tè hō͘ hit ê chiù-chó͘ piàn-chòe chiok-hok lí; in-ūi Iâ-hô-hoa lí ê Siōng-tè thiàⁿ lí.

(BCL) 總是耶和華──你的上帝呣聽巴蘭，耶和華──你的上帝互彼個咒詛變做祝福你，因為耶和華──你的上帝疼你。

6

(THR) Lí chı̍t-sì-lâng kàu éng-óan m̄-thang kā in tô͘-bô͘ pêng-an kap hok-khì.

(BCL) 你一世人到永遠呣通給圖謀平安及福氣。」

7

(THR) M̄-thang òan-hūn Í-tong lâng, in-ūi i sī lí ê hiaⁿ-tī; m̄-thang òan-hūn Ai-kı̍p lâng, in-ūi lín bat chhut-gōa tī-hia;

(BCL) 「呣通怨恨以東人，因為伊是你的兄弟。呣通怨恨埃及人，因為恁曾出外佇遐。

8

(THR) in só͘ siⁿ ê kiáⁿ-sun kàu tē-saⁿ tāi thang jı̍p Iâ-hô-hoa ê hōe.

(BCL) 所生的子孫到第三代通入耶和華的會。」

9

(THR) Lí ê kun-tūi chhut-khì kong-kek lí ê tùi-te̍k, tī iâⁿ-pôaⁿ tio̍h ka-kī kìm-kài it-chhè ê pháiⁿ-sū.

(BCL) 「你的軍隊出去攻擊你的對敵，佇營盤著家己禁誡一切的歹事。

10

(THR) Lín tiong-kan nā ū lâng, tī mî-sî só͘ tú-tio̍h-ê, lâi bak bô chheng-khì, i chiū tio̍h chhut-khì kàu iâⁿ-gōa, m̄-thang jı̍p iâⁿ-lāi;

(BCL) 「恁中間若有人，佇暝時所抵著的，來染無清氣，伊就著出去到營外，呣通入營內；

11

(THR) kàu beh àm ê sî, i tio̍h ēng chúi sóe, kàu jı̍t-lo̍h chiah thang jı̍p iâⁿ.

(BCL) 到欲暗的時，伊著用水洗，到日落才通入營。

12

(THR) Lí tī iâⁿ-gōa kéng chı̍t-ūi thang chhut-khì kàu gōa-bīn ê só͘-chāi;

(BCL) 「你佇營外揀一位通出去到外面的所在。

13

(THR) tī lí ê khì-kū-lāi tio̍h ū thuh-á; lí tī gōa-bīn chhut-kiong ê sî, tio̍h ēng i ku̍t thô͘, chiah o̍at-tńg-sin, khàm lí só͘ pàng ê;

(BCL) 佇你的器具內著有托仔，你佇外面出恭的時，著用伊掘土，才越轉身蓋你所放的。

14

(THR) in-ūi Iâ-hô-hoa lí ê Siōng-tè sì-kòe kiâⁿ tī lí ê iâⁿ-lāi, beh chín-kiù lí, chiong lí ê tùi-te̍k kau hō͘ lí; só͘-í lí ê iâⁿ-pôaⁿ eng-kai tio̍h ū sèng-kiat; bián-tit I khòaⁿ-kìⁿ lí tiong-kan ū ù-òe, chiū lī-khui lí.

(BCL) 因為耶和華──你的上帝四界行佇你的營內，欲拯救你，將你的對敵交互你，所以你的營盤應該著有聖潔，免得伊看見你中間有污穢，就離開你。」

15

(THR) Nā ū lô͘-po̍k thoat-lī i ê chú-lâng, cháu kàu lí hia, lí m̄-thang chiong i kau hō͘ i ê chú-lâng;

(BCL) 「若有奴僕脫離伊的主人，走到你遐，你呣通將伊交互伊的主人。

16

(THR) i beh kap lí tiàm, khiā lí tiong-kan, tī i só͘ kéng lí chı̍t ê siâⁿ-mn̂g-lāi ê só͘-chāi, chiū-sī i só͘ hoaⁿ-hí ê; lí m̄-thang khi-hū i.

(BCL) 伊欲及你踮，徛你中間，佇伊所揀你一個城門內的所在，就是伊所歡喜的；你呣通欺負伊。

17

(THR) Í-sek-lia̍t ê lú-chú-tiong m̄-thang ū kī-lú. Í-sek-lia̍t ê lâm-chú-tiong m̄-thang ū lôan-tông.

(BCL) 「以色列的女子中呣通有妓女；以色列的男子中呣通有孌童。

18

(THR) Chhiong-ki só͘ tit-tio̍h ê chîⁿ, á-sī káu-lūi ê kang-chîⁿ, lí m̄-thang tòa jı̍p Iâ-hô-hoa lí Siōng-tè ê tiān lâi siā-gōan; in-ūi chit nn̄g-hāng lóng sī Iâ-hô-hoa lí Siōng-tè só͘ iàm-ò͘ⁿ ê.

(BCL) 娼妓所得著的錢，抑是狗類的工錢，你呣通帶入耶和華──你上帝的殿來謝願，因為此二項攏是耶和華──你上帝所厭惡的。

19

(THR) Lí ê hiaⁿ-tī he̍k-sī tùi lí chioh chîⁿ-gûn, á-sī chioh chia̍h-mı̍h, chioh kìⁿ-nā ōe siⁿ lī-sek ê mı̍h, lí lóng m̄-thang the̍h i ê lī-sek;

(BCL) 「你的兄弟或是對你借錢銀，抑是借食物，借見若會生利息的物，你攏呣通提伊的利息。

20

(THR) lí chioh gōa-cho̍k ê lâng, thang the̍h i ê lī-sek, chóng-sī chioh lí ê hiaⁿ-tī chiū m̄-thang the̍h i ê lī-sek; thang hō͘ Iâ-hô-hoa lí Siōng-tè tī lí só͘ khì beh tit-tio̍h chòe-gia̍p ê tōe, tī lí ê chhiú só͘ chòe it-chhè ê sū, sù-hok lí.

(BCL) 你借外族的人通提伊的利息，總是借你的兄弟就呣通提伊的利息。通互耶和華──你上帝佇你所去欲得著做業的地，佇你的手所做一切的事賜福你。

21

(THR) Lí tùi Iâ-hô-hoa lí ê Siōng-tè hē-gōan, siā i m̄-thang iân-chhiân; in-ūi Iâ-hô-hoa lí ê Siōng-tè tek-khak beh tùi lí thó; lí nā bô siā, chiū ū chōe;

(BCL) 「你對耶和華──你的上帝下願，謝伊呣通延延；因為耶和華──你的上帝的確欲對你討，你若無謝就有罪。

22

(THR) lí nā bô hē-gōan, chiū bô chōe.

(BCL) 你若無下願，就無罪。

23

(THR) Kìⁿ-nā tùi lí ê chhùi só͘ chhut ê, chiàu lí í-keng hē-gōan tī Iâ-hô-hoa lí Siōng-tè lâi kam-sim hiàn ê, chiū-sī lí ê chhùi só͘ ín, lí tio̍h chip-siú lâi kiâⁿ i.

(BCL) 見若對你的嘴所出的，照你已經下願佇耶和華──你上帝來甘心獻的，就是你的嘴所應，你著執守來行伊。

24

(THR) Lí jı̍p lí ê chhù-piⁿ ê phû-tô-hn̂g, thang chhut-chāi ì-sù chia̍h phû-tô kàu pá; chóng-sī m̄-thang tóe tī lí ê khì-kū-lāi.

(BCL) 「你入你的厝邊的葡萄園，通出在意思食葡萄到飽，總是呣通貯佇你的器具內。

25

(THR) Lí jı̍p lí ê chhù-piⁿ iáu-bē koah ê ngó͘-kok tiong, thang ēng chhiú tiah i ê sūi; chóng-sī m̄-thang ēng liâm-á koah lí ê chhù-piⁿ ê gō͘-kak.

(BCL) 你入你的厝邊猶未割的五穀中，通用手摘伊的穗，總是呣通用鐮仔割你的厝邊的五穀。」

Bible Color Mark

• 台語漢字羅馬本
• 巴克禮全羅