以弗所書 第 4 章

1

(THR) Só͘-í góa tiàm-tī Chú chòe siû-hōan ê, khǹg lín kiâⁿ tāi-chì tio̍h ha̍p tī só͘ siū ê tiàu,

(BCL) 所以我佇主做囚犯的勸恁：行代誌著合佇所受的召。

2

(THR) . hōan sū khiam-sùn, un-jiû, ēng thun-lún, tī jîn-ài saⁿ khoan-iông;

(BCL) 凡事謙遜、溫柔、用吞，佇仁愛相寬容，

3

(THR) . ēng hô-pêng saⁿ kiat-liân, tì-ì siú Sèng Sîn só͘ siúⁿ-sù ê ha̍p-it.

(BCL) 用和平相結聯，致意守聖神所賞賜的合一。

4

(THR) . In-ūi thé chı̍t-ê, Sîn chı̍t-ê, chhin-chhiūⁿ lín siū tiàu ê ǹg-bāng iā sī chı̍t-ê,

(BCL) 因為體一個，神一個，親像恁受召的向望也是一個。

5

(THR) . Chú chı̍t-ê, sìn chı̍t-ê, sóe-lé chı̍t-ê,

(BCL) 主一個，信一個，洗禮一個，

6

(THR) . Siōng-tè chı̍t-ê, chòe chèng-lâng ê Pē, tī bān-ū ê téng-bīn, kòan-chhòan tī bān-ū, tiàm-tī bān-ū ê.

(BCL) 上帝一個，做眾人的父，佇萬有的頂面，貫串佇萬有，佇萬有的。

7

(THR) . Chóng-sī ēng un-tián hō͘ lán ta̍k lâng, sī chiàu Ki-tok un-sù ê hūn-liōng.

(BCL) 總是用恩典互咱逐人，是照基督恩賜的份量。

8

(THR) . Só͘-í kóng, I seng kôaiⁿ ê sî chiū lia̍h hiah ê siū lia̍h ê, Iā chiong chiah ê un-sù pun hō͘ lâng,

(BCL) 所以講：伊升高的時，就掠許個受掠的，也將諸個恩賜分互人。（

9

(THR) . (Taⁿ kì-jiân kóng, I seng kôaiⁿ, kiám m̄ sī I bat kàng-lo̍h tī tōe ē mah?

(BCL) 今既然講伊升高，豈呣是伊曾降落佇地下嗎？

10

(THR) . Hit ê kàng-lo̍h ê chiū-sī hit ê seng-kôaiⁿ tī chiah ê thiⁿ ê téng-bīn ê, beh chhiong-móa bān mı̍h.)

(BCL) 彼個降落的，就是彼個升高佇諸個天的頂面的欲充滿萬物。）

11

(THR) . I só͘ siúⁿ-sù ê, ū sù-tô͘; ū sian-ti, ū thôan hok-im ê, ū bo̍k-su kap sian-siⁿ,

(BCL) 伊所賞賜的，有使徒，有先知，有傳福音的，有牧師及先生，

12

(THR) . ūi-tio̍h beh hō͘ sèng-tô͘ chiâu-pī, lâi chòe chhe-ēng ê kang, khí-chō Ki-tok ê sin-thé;

(BCL) 為著欲互聖徒齊備來做差用的工，起造基督的身體，

13

(THR) . tı̍t-kàu lán chèng lâng tī sìn, í-kı̍p bat Siōng-tè ê Kiáⁿ, lâi ha̍p-it, kàu chiâⁿ chı̍t ê ôan-chôan ê lâng, kàu tit-tio̍h Ki-tok ê chhiong-móa lâi tióng-sêng, hit pan;

(BCL) 直到咱眾人佇信，以及識上帝的子來合一，到成一個完全的人，到得著基督的充滿來長成彼般，

14

(THR) . beh hō͘ lán bô koh chòe gín-ná, hō͘ ta̍k iūⁿ kà-sī ê hong iô-choah phiau-liû, tiòng-tio̍h lâng ê khúi-kè, kap môa-phiàn, tì-kàu hō͘ lâng chha-biū ê hoat-su̍t;

(BCL) 欲互咱無閣做囝仔，互逐樣教示的風搖泏漂流，中著人的詭計及瞞騙，致到互人差謬的法術；

15

(THR) . sī tiàm-tī jîn-ài kóng ōe chin-sı̍t, hō͘ lán tī bān hāng chiām-chiām tōa, kàu tī hit ê chòe Thâu ê, chiū-sī Ki-tok;

(BCL) 是佇仁愛講話真實，互咱佇萬項漸漸大，到佇彼個做頭者，就是基督，

16

(THR) . tùi tī I, chôan sin kiat-ha̍p liân-lo̍k, chiū-sī tùi pah-chat ê saⁿ chiap-èng, chiàu ta̍k thé kai-jiân ê ūn-tōng, tì-kàu seng-khu ná tióng tōa, tī jîn-ài ka-kī khí-chō.

(BCL) 對佇伊全身結合聯絡，就是對百節的相接應，照逐體該然的運動，致到身軀愈長大，佇仁愛家己起造。

17

(THR) . Só͘-í góa kóng i, koh tī Chú chèng-bêng i, lín ê só͘ kiâⁿ m̄ thang koh chhin-chhiūⁿ gōa-pang lâng ê só͘ kiâⁿ, in ê sim-chì khang-khang,

(BCL) 所以我講伊，閣佇主證明伊，恁的所行呣通閣親像外邦人的所行，的心志空空。

18

(THR) . in ê sim-su o͘-àm, keh-tn̄g tī Siōng-tè ê o̍ah-miā, sī tùi in m̄ chai-iáⁿ, in ê sim kong-ngī;

(BCL) 的心思黑暗，隔斷佇上帝的活命，是對呣知影，的心剛硬；

19

(THR) . kì-jiân sòng-sit liông-sim, chiū hòng-chhiòng ka-kī tī siâ-phiah, tùi tham lâi kiâⁿ ta̍k iūⁿ ê ù-òe.

(BCL) 既然喪失良心，就放縱家己佇邪僻，對貪來行逐樣的污穢。

20

(THR) . Nā-sī lín ha̍k-sı̍p Ki-tok m̄ sī án-ni;

(BCL) 若是恁學習基督，呣是按呢。

21

(THR) . lín nā kó-jiân thiaⁿ-kìⁿ I, koh tī I siū kà-sī, chiàu tī Iâ-so͘ só͘ ū ê chin-sı̍t;

(BCL) 恁若果然聽見伊，閣佇伊受教示，照佇耶穌所有的真實，

22

(THR) . chiū-sī lūn-kàu chiông-chiân ê kiâⁿ-chòe, lín thǹg-khì kū ê lâng, chiū-sī chiàu ín-iú lâng ê su-io̍k teh pāi-hōai ê;

(BCL) 就是論到從前的行做，恁褪去舊的人，就是照引誘人的私慾敗壞的；

23

(THR) . koh lín sim-sîn ōaⁿ sin,

(BCL) 閣恁心神換新，

24

(THR) . chhēng hit ê sin ê lâng, chiū-sī chiàu Siōng-tè ēng chin-lí ê gī kap sèng lâi chhòng-chō ê.

(BCL) 穿彼個新的人；就是照上帝，用真理的義及聖來創造的。

25

(THR) . Só͘-í tio̍h tû-khì pe̍h-chha̍t, ta̍k lâng kap i ê chhù-piⁿ kóng chin-sı̍t, in-ūi lán saⁿ-kāng chòe thé.

(BCL) 所以，著除去白賊，逐人及伊的厝邊講真實，因為咱相共做體。

26

(THR) . Lín siū-khì, tio̍h m̄ thang hōan-chōe; ū kek siū-khì, m̄ thang kàu jı̍t-lo̍h,

(BCL) 恁受氣，著呣通犯罪；有激受氣，呣通到日落，

27

(THR) . iā m̄ thang hō͘ Mô͘-kúi ū phāng thang jı̍p.

(BCL) 也呣通互魔鬼有縫通入。

28

(THR) . Thau-the̍h ê bo̍h-tit koh thau-the̍h, lêng-khó͘ tio̍h-bôa, chhin-chhiú chòe hó ê kang, chiah ū thang pun hō͘ khiàm-kheh ê lâng.

(BCL) 偷提的，莫得閣偷提；寧可著磨，親手做好的工，才有通分互欠缺的人。

29

(THR) . Lín ê chhùi lóng m̄ thang kóng-chhut lâ-sâm ê ōe, to̍k-to̍k tio̍h kóng hó ōe, chiàu kı̍p-sî ê khiàm-kheh lâi chō-chiū i, hō͘ thiaⁿ ê lâng tit-tio̍h un-tián.

(BCL) 恁的嘴攏呣通講出垃墋的話，獨獨著講好話，照及時的欠缺來造就伊，互聽的人得著恩典。

30

(THR) . Iā bo̍h-tit hō͘ Siōng-tè ê Sèng Sîn iu-būn, chiū-sī só͘ bat ēng lâi khàm-ìn lín, kàu tī sio̍k-hôe ê jı̍t ê.

(BCL) 也莫得互上帝的聖神憂悶；就是所曾用來蓋印恁，到佇贖回的日的。

31

(THR) .It-chhè ê khó͘-to̍k, òan-hūn, siū-khì, soan-jióng, húi-pòng, í-kı̍p it-chhè ê ok-to̍k, lóng tio̍h tùi lín tiong-kan tû-khì.

(BCL) 一切的苦毒、怨恨、受氣、喧嚷、誹謗，以及一切的惡毒，攏著對恁中間除去；

32

(THR) . Koh tio̍h ēng jîn-chû saⁿ khóan-thāi, chûn lîn-bín ê sim; tāi-ke saⁿ sià-bián, chhin-chhiūⁿ Siōng-tè tī Ki-tok bat sià-bián lín chı̍t iūⁿ.

(BCL) 閣著用仁慈相款待，存憐憫的心，大家相赦免，親像上帝佇基督曾赦免恁一樣。

Bible Color Mark

• 台語漢字羅馬本
• 巴克禮全羅