出埃及記 第 14 章

1

(THR) Iâ-hô-hoa kā Mô͘-se kóng,

(BCL) 耶和華給摩西講：

2

(THR) Lí hoan-hù Í-sek-lia̍t lâng o̍at-tò-tńg, chat-iâⁿ tī Pí-hap-hi-lio̍k ê thâu-chêng, tī Bı̍t-to̍at kap hái ê tiong-kan, tī Pa-le̍k-sé-hun ê thâu-chêng, tī hit tùi-bīn chat-iâⁿ tī hái-piⁿ.

(BCL) 「你吩咐以色列人越倒轉，紮營佇比哈希錄的頭前，佇密奪及海的中間，佇巴力洗分的頭前，佇彼對面紮營佇海邊。

3

(THR) Hoat-ló beh gī-lūn Í-sek-lia̍t lâng kóng, In tī tōe-tiong se̍h bô lō͘, khòng-iá kā in ûi-khùn teh.

(BCL) 法老欲議論以色列人講：『佇地中踅無路，曠野給圍困。』

4

(THR) Góa beh hō͘ Hoat-ló ê sim ngī, i beh tui-jip in; Góa chiū tī Hoat-ló kap i ê chôan-kun lâi tit-tio̍h êng-kng; Ai-kı̍p lâng chiū chai Góa sī Iâ-hô-hoa. In chiū án-ni kiâⁿ.

(BCL) 我欲互法老的心硬，伊欲追，我就佇法老及伊的全軍來得著榮光；埃及人就知我是耶和華。」就按呢行。

5

(THR) Ū lâng pò Ai-kı̍p ông kóng, Hit-ê peh-sìⁿ cháu-khì; Hoat-ló kap i ê jîn-sîn tùi-thāi hit-ê peh-sìⁿ ê sim chiū piàn-ōaⁿ, kóng, Lán chún Í-sek-lia̍t lâng khì, bô koh ho̍k-sāi lán, che sī sím-mı̍h iân-kò͘ ah?

(BCL) 有人報埃及王講：「彼個百姓走去。」法老及伊的人臣對待彼個百姓的心就變換，講：「咱准以色列人去，無閣服事咱，這是甚麼緣故啊？」

6

(THR) Hoat-ló chiū pī-pān i ê chhia, tòa i ê peh-sìⁿ saⁿ-kap khì.

(BCL) 法老就備辦伊的車，帶伊的百姓相及去，

7

(THR) Iā tòa la̍k-pah tiuⁿ te̍k-pia̍t chhia, kap Ai-kı̍p só͘ ū ê chhia, ta̍k tiuⁿ chhia lóng ū peng-thâu teh kóan.

(BCL) 也帶六百張特別車及埃及所有的車，逐張車攏有兵頭管。

8

(THR) Iâ-hô-hoa hō͘ Ai-kı̍p ông Hoat-ló ê sim ngī; i chiū tui-jip Í-sek-lia̍t lâng; nā-sī Í-sek-lia̍t lâng khò tōa kôan-lêng ê chhiú chhut-khì.

(BCL) 耶和華互埃及王法老的心硬，伊就追以色列人，若是以色列人靠大權能的手出去。

9

(THR) Ai-kı̍p lâng tui-jip in, Hoat-ló it-chhè ê bé, chhia, kap i ê bé-peng, kap i ê kun-tūi, chiū tī hái-piⁿ óa-kūn Pí-hap-hi-lio̍k, tī Pa-le̍k-sé-hun ê tùi-bīn, tī in an-iâⁿ ê só͘-chāi, jip-tio̍h in.

(BCL) 埃及人追，法老一切的馬、車、及伊的馬兵，及伊的軍隊，就佇海邊，倚近比哈希錄，佇巴力洗分的對面，佇安營的所在著。

10

(THR) Hoat-ló kūn-óa ê sî, Í-sek-lia̍t lâng kia̍h-ba̍k khòaⁿ-kìⁿ Ai-kı̍p lâng jip-óa-lâi, chiū chin kiaⁿ, âu-kiò Iâ-hô-hoa.

(BCL) 法老近倚的時，以色列人抬目看見埃及人倚來，就真驚，喉叫耶和華。

11

(THR) In tùi Mô͘-se kóng, Kiám sī Ai-kı̍p bô thióng-tōe, lí chiah chhōa góan chhut-lâi sí tī khòng-iá mah? lí siáⁿ-sū án-ni khóan-thāi góan, chhōa góan chhut Ai-kı̍p ah?

(BCL) 對摩西講：「豈是埃及無塚地，你才導阮出來死佇曠野嗎？你啥事按呢款待阮，導阮出埃及啊？

12

(THR) Góan tī Ai-kı̍p kiám bô tùi lí án-ni kóng, Bo̍h-tit chhap góan, chhut-chāi góan ho̍k-sāi Ai-kı̍p lâng mah? In-ūi ho̍k-sāi Ai-kı̍p lâng, khah-tit sí tī khòng-iá.

(BCL) 阮佇埃及豈無對你按呢講，莫得插阮，出在阮服事埃及人嗎？因為服事埃及人卡值死佇曠野。」

13

(THR) Mô͘-se tùi peh-sìⁿ kóng, M̄-bián kiaⁿ, chòe lín khiā-teh, khòaⁿ Iâ-hô-hoa kin-á-jı̍t ūi-tio̍h lín só͘ beh kiâⁿ ê chín-kiù; in-ūi lín kin-á-jı̍t só͘ khòaⁿ-kìⁿ ê Ai-kı̍p lâng, tek-khak éng-óan bô koh khòaⁿ-kìⁿ.

(BCL) 摩西對百姓講：「呣免驚，做恁徛！看耶和華今仔日為著恁所欲行的拯救。因為恁今仔日所看見的埃及人，的確永遠無閣看見。

14

(THR) Iâ-hô-hoa beh ūi lín kau-chiàn, chòe lín tiām-tiām, bo̍h chòe-siaⁿ.

(BCL) 耶和華欲為恁交戰；做恁恬恬，莫做聲。」

15

(THR) Iâ-hô-hoa tùi Mô͘-se kóng, Lí siáⁿ-sū âu-kiò Góa ah? lí tio̍h kah Í-sek-lia̍t lâng chìn-chêng khì.

(BCL) 耶和華對摩西講：「你啥事喉叫我啊？你著教以色列人進前去。

16

(THR) Lí kia̍h kóaiⁿ-á chhun-chhiú kí hái, lâi pun-khui i; Í-sek-lia̍t lâng beh tī hái-tiong kiâⁿ ta-tōe;

(BCL) 你抬柺仔伸手指海，來分開伊。以色列人欲佇海中行乾地。

17

(THR) to̍k-to̍k Góa, Góa beh hō͘ Ai-kı̍p lâng ê sim ngī, in beh tè-lo̍h-khì; Góa beh tī Hoat-ló kap i ê chôan-kun, i ê chhia, i ê bé-peng, lâi tit-tio̍h êng-kng.

(BCL) 獨獨我，我欲互埃及人的心硬，欲隨落去。我欲佇法老及伊的全軍、伊的車、伊的馬兵來得著榮光。

18

(THR) Góa tī Hoat-ló kap i ê chhia, i ê bé-peng, tit-tio̍h êng-kng ê sî, Ai-kı̍p lâng chiū chai Góa sī Iâ-hô-hoa.

(BCL) 我佇法老及伊的車、伊的馬兵得著榮光的時，埃及人就知我是耶和華。」

19

(THR) Siōng-tè ê sù-chiá, pún kiâⁿ tī Í-sek-lia̍t ê iâⁿ-chêng-ê, sóa lâi kiâⁿ tī in ê āu-bīn; hûn-thiāu iā tùi in ê thâu-chêng, sóa lâi khiā tī in ê āu-bīn,

(BCL) 上帝的使者本行佇以色列的營前者，徙來行佇的後面；雲柱也對的頭前徙來徛佇的後面。

20

(THR) tī Ai-kı̍p iâⁿ kap Í-sek-lia̍t iâⁿ ê tiong-kan; hit-pêng ū hûn ū o͘-àm, chit-pêng mî-sî hoat-chhut kng; thong-mî nn̄g pêng bōe saⁿ-kūn.

(BCL) 佇埃及營及以色列營的中間，彼旁有雲有黑暗，此旁暝時發出光，通暝二旁相近。

21

(THR) Mô͘-se chiū chhun-chhiú kí hái, Iâ-hô-hoa thong-mî hō͘ tang-hong tōa khí, hō͘ hái thè-khì, chúi chiū pun-khui, hái chiū chiâⁿ-chòe ta-tōe.

(BCL) 摩西就伸手指海，耶和華通暝互東風大起，互海退去，水就分開，海就成做乾地。

22

(THR) Í-sek-lia̍t lâng lo̍h hái-tiong kiâⁿ ta-tōe, chúi tī in ê siang-pêng chiâⁿ-chòe chhiûⁿ-piah.

(BCL) 以色列人落海中行乾地，水佇的雙旁成做牆壁。

23

(THR) Ai-kı̍p lâng tui-jip-in; Hoat-ló it-chhè ê bé, chhia, kap bé-peng, lóng tè in kàu hái-tiong.

(BCL) 埃及人追，法老一切的馬、車，及馬兵，攏隨到海中。

24

(THR) Kàu thiⁿ beh kng ê sî, Iâ-hô-hoa tùi hûn kap hé ê thiāu-tiong àⁿ-lo̍h, khòaⁿ Ai-kı̍p ê kun-tūi, phah-lōan in ê tūi-ngó͘;

(BCL) 到天欲光的時，耶和華對雲及火的柱中俯落看埃及的軍隊，拍亂的隊伍；

25

(THR) koh hō͘ in ê chhia-lûn lak-lo̍h, oh-tit kiâⁿ; tì-kàu Ai-kı̍p lâng kóng, Lán tio̍h tùi Í-sek-lia̍t lâng ê bīn-chêng tô-cháu, in-ūi Iâ-hô-hoa ūi-tio̍h in kap Ai-kı̍p lâng kau-chiàn.

(BCL) 閣互的車輪落落，得行，致到埃及人講：「咱著對以色列人的面前逃走！因為耶和華為著及埃及人交戰。」

26

(THR) Iâ-hô-hoa kā Mô͘-se kóng, Lí chhun-chhiú kí hái, hō͘ chúi tò-tńg-lâi im Ai-kı̍p lâng, kap in ê chhia, in ê bé-peng.

(BCL) 耶和華給摩西講：「你伸手指海，互水倒轉來淹埃及人及的車、的馬兵。」

27

(THR) Mô͘-se chiū chhun-chhiú kí hái; kàu thiⁿ chı̍t-ē kng, hái-chúi koh chiàu-kū; Ai-kı̍p lâng tô-cháu, chúi cha̍h tī in ê thâu-chêng; Iâ-hô-hoa chiū chiong Ai-kı̍p lâng chhia-tó tī hái-tiong.

(BCL) 摩西就伸手指海，到天一下光，海水閣照舊。埃及人逃走，水截佇的頭前，耶和華就將埃及人捙倒倒佇海中，

28

(THR) Chúi chiū hoan-lâu, im-ba̍t hiah-ê chhia kap bé-peng; Hoat-ló ê chôan-kun tè Í-sek-lia̍t lâng lo̍h hái-ê, liân chı̍t-ê iā bô lâu-teh.

(BCL) 水就反流，淹密許個車及馬兵。法老的全軍隨以色列人落海者，連一個也無留。

29

(THR) Chóng-sī Í-sek-lia̍t lâng tī hái-tiong kiâⁿ ta-tōe, chúi tī in ê siang-pêng chiâⁿ-chòe in ê chhiûⁿ-piah.

(BCL) 總是以色列人佇海中行乾地；水佇的雙旁成做的牆壁。

30

(THR) Hit-jı̍t Iâ-hô-hoa án-ni kiù Í-sek-lia̍t lâng thoat-lī Ai-kı̍p lâng ê chhiú; Í-sek-lia̍t lâng khòaⁿ-kìⁿ Ai-kı̍p lâng ê sin-si tī hái-piⁿ.

(BCL) 彼日，耶和華按呢救以色列人脫離埃及人的手，以色列人看見埃及人的身屍佇海邊。

31

(THR) Í-sek-lia̍t lâng khòaⁿ-kìⁿ Iâ-hô-hoa tùi Ai-kı̍p lâng só͘ kiâⁿ ê tōa-sū, chiū kèng-ùi Iâ-hô-hoa; koh sìn-ho̍k Iâ-hô-hoa kap I ê lô͘-po̍k Mô͘-se.

(BCL) 以色列人看見耶和華對埃及人所行的大事，就敬畏耶和華，閣信服耶和華及伊的奴僕摩西。

Bible Color Mark

• 台語漢字羅馬本
• 巴克禮全羅