出埃及記 第 15 章

1

(THR) Hit-sî Mô͘-se kap Í-sek-lia̍t lâng chhiùⁿ chit-ê koa o-ló Iâ-hô-hoa, kóng; Góa beh chhiùⁿ-koa o-ló Iâ-hô-hoa, in-ūi I chì-kôaiⁿ chì-tōa; Chiong bé kap khiâ-bé-ê hiat tī hái-tiong.

(BCL) 彼時，摩西及以色列人唱此個歌謳咾耶和華，講：我欲唱歌謳咾耶和華，因為伊至高至大，將馬及騎馬者佇海中。

2

(THR) Iâ-hô-hoa sī góa ê khùi-la̍t, sī góa ê si-ko, Iā sī chòe góa chín-kiù ê Chú; I sī góa ê Siōng-tè, góa beh o-ló-I, Sī góa ê pē ê Siōng-tè, góa beh chun I chòe-tōa.

(BCL) 耶和華是我的氣力，是我的詩歌，也是做我拯救的主。伊是我的上帝，我欲謳咾伊，是我的父的上帝，我欲尊伊做大。

3

(THR) Iâ-hô-hoa sī chiàn-sū; I ê miâ sī Iâ-hô-hoa.

(BCL) 耶和華是戰士；伊的名是耶和華。

4

(THR) Hoat-ló ê chhia, kap i ê kun-peng, Iâ-hô-hoa hiat i tī hái-tiong; I te̍k-pia̍t kéng ê kun-tiúⁿ, lóng tîm tī Âng-hái.

(BCL) 法老的車、及伊的軍兵，耶和華伊佇海中；伊特別揀的軍長攏沈佇紅海。

5

(THR) Chhim-ian khàm-in; In chhin-chhiūⁿ chio̍h-thâu, tūi kàu chhim ê só͘-chāi.

(BCL) 深淵蓋；親像石頭墜到深的所在。

6

(THR) Iâ-hô-hoa ah, Lí ê chiàⁿ-chhiú tián-chhut lêng-le̍k, tit-tio̍h êng-kng; Iâ-hô-hoa ah, Lí ê chiàⁿ-chhiú phah-chhùi tùi-te̍k.

(BCL) 耶和華啊，你的正手展出能力，得著榮光；耶和華啊，你的正手拍碎對敵。

7

(THR) Lí hoat-chhut tōa ui-giâm, chhia-tó hiah-ê khí-lâi kong-kek Lí-ê; Lí hoat-chhut tōa siū-khì, sio-húi in chhin-chhiūⁿ sio-chháu.

(BCL) 你發出大威嚴，捙倒許個起來攻擊你者；你發出大受氣，燒毀親像燒草。

8

(THR) Lí hoat-chhut phīⁿ-tiong ê khì, chúi chiū ná-chhèng ná-kôaiⁿ, Tōa-chúi khiā-khí-lâi chhin-chhiūⁿ kui-tui; Hái-tiong ê chhim-chúi kian-tēng.

(BCL) 你發出鼻中的氣，水就愈淐愈高，大水徛起來親像歸堆，海中的深水堅定。

9

(THR) Tùi-te̍k kóng, Góa beh tui in, góa beh jip-tio̍h in, góa beh pun só͘ chhiúⁿ ê mı̍h; Góa beh tī in lâi chiok góa ê sim-gōan; Góa beh pu̍ih-to, góa ê chhiú beh bia̍t in.

(BCL) 對敵講：我欲追，我欲著；我欲分所搶的物，我欲佇來足我的心願。我欲拔刀，我的手欲滅。

10

(THR) Lí chı̍t-ē pûn-hong, hái chiū khàm-ba̍t-in; In chhin-chhiūⁿ iân, tîm tī tōa-chúi-tiong.

(BCL) 你一下歕風，海就蓋密；親像鉛沈佇大水中。

11

(THR) Iâ-hô-hoa ah, chiah-ê siōng-tè ê tiong-kan, chī-chūi ōe chhin-chhiūⁿ Lí? Chī-chūi chhin-chhiūⁿ Lí, chì-sèng thang êng-kng, Ui-giâm thang o-ló, kiâⁿ-chhut kî-sū?

(BCL) 耶和華啊，諸個上帝的中間，是誰會親像你？是誰親像你──至聖通榮光，威嚴通謳咾，行出奇事？

12

(THR) Lí chhun-chhut chiàⁿ-chhiú, Tōe chiū thun-bia̍t-in.

(BCL) 你伸出正手，地就吞滅。

13

(THR) Lí ēng Lí ê chû-ài, chhōa Lí só͘ kiù-sio̍k ê peh-sìⁿ; Lí ēng Lí ê kôan-lêng, chhōa in jı̍p Lí sèng ê só͘-chāi.

(BCL) 你用你的慈愛，導你所救贖的百姓；你用你的權能，導入你聖的所在。

14

(THR) Lia̍t-pang thiaⁿ-kìⁿ chiū ngia̍uh-ngia̍uh-chhoah; Khiā-khí tī Hui-lī-sū tōe ê, tú-tio̍h thòng-khó͘.

(BCL) 列邦聽見就愕愕惙，徛起佇非利士地的抵著痛苦。

15

(THR) Hit-sî Í-tong ê cho̍k-tiúⁿ gông-ngia̍h; Mô͘-ap eng-hiông ê lâng tì-kàu ngia̍uh-ngia̍uh-chhoah, Ka-lâm tōe khiā-khí ê peh-sìⁿ, sim lóng siau-iûⁿ.

(BCL) 彼時，以東的族長卬愕，摩押英雄的人致到愕愕惙，迦南地徛起的百姓心攏消溶。

16

(THR) Gông-ngia̍h kiaⁿ-hiâⁿ kàu tī in; Iâ-hô-hoa ah, in-ūi Lí ê chhiú ê tōa kôan-lêng, in tiāⁿ-tiāⁿ chhin-chhiūⁿ chio̍h-thâu, Thèng-hāu Lí ê peh-sìⁿ keng-kè, Thèng-hāu Lí só͘ tit-tio̍h ê peh-sìⁿ kè-khì.

(BCL) 卬愕驚惶到佇。耶和華啊，因為你的手的大權能，定定親像石頭，聽候你的百姓經過，聽候你所得著的百姓過去。

17

(THR) Lí beh chhōa in jı̍p-khì, chai-pôe in tī Lí ê sán-gia̍p ê soaⁿ, Iâ-hô-hoa ah, chiū-sī Lí ūi ka-kī só͘ pī-pān khiā-khí ê só͘-chāi, Chú ah, chiū-sī Lí ê chhiú só͘ kiàn-lı̍p ê sèng-só͘.

(BCL) 你欲導入去，栽培佇你的產業的山──耶和華啊，就是你為家己所備辦徛起的所在，主啊，就是你的手所建立的聖所。

18

(THR) Iâ-hô-hoa beh chòe-ông, tı̍t-kàu éng-óan.

(BCL) 耶和華欲做王，直到永遠！

19

(THR) In-ūi Hoat-ló ê bé, kap i ê chhia, i ê bé-peng, kàu tī hái-tiong, Iâ-hô-hoa hō͘ hái-chúi hoan-lâu im-ba̍t-in; to̍k-to̍k Í-sek-lia̍t lâng tī hái-tiong kiâⁿ ta-tōe.

(BCL) 因為法老的馬、及伊的車，伊的馬兵到佇海中，耶和華互海水反流，淹密；獨獨以色列人佇海中行乾地。

20

(THR) A-lûn ê tōa-chí lú sian-ti Bí-lī-àm, chhiú-nı̍h kia̍h lin-long-kó͘, chèng hū-lú iā tè i chhut-khì, kia̍h lin-long-kó͘ thiàu-bú.

(BCL) 亞倫的大姊，女先知米利暗，手裡抬鈴瓏鼓；眾婦女也隨伊出去，抬鈴瓏鼓跳舞。

21

(THR) Bí-lī-àm hô só͘-chhiùⁿ-ê kóng, Lín tio̍h chhiùⁿ-koa o-ló Iâ-hô-hoa, in-ūi I chì-kôaiⁿ chì-tōa; Chiong bé kap khiâ-bé-ê, hiat tī hái-tiong.

(BCL) 米利暗和所唱的講：恁著唱歌謳咾耶和華，因為伊至高至大，將馬及騎馬者佇海中。

22

(THR) Mô͘-se chhōa Í-sek-lia̍t lâng tùi Âng-hái chìn-chêng kiâⁿ; in chhut-khì, kàu Su-jíⁿ ê khòng-iá; tī khòng-iá kiâⁿ saⁿ-jı̍t, chhē bô chúi.

(BCL) 摩西導以色列人對紅海進前行，出去到書珥的曠野，佇曠野行三日，尋無水。

23

(THR) Kàu Má-la̍h ê sî, Má-la̍h ê chúi bōe lim-tit, in-ūi chúi khó͘; só͘-í miâ hit-ê tōe kiò Má-la̍h.

(BCL) 到瑪拉的時，瑪拉的水飲得；因為水苦，所以名彼個地叫瑪拉。

24

(THR) Peh-sìⁿ chiū tùi Mô͘-se ai-òan kóng, Góan beh lim sím-mı̍h ah?

(BCL) 百姓就對摩西哀怨，講：「阮欲飲甚麼啊？」

25

(THR) Mô͘-se kiû-kiò Iâ-hô-hoa; Iâ-hô-hoa chí-sī i chı̍t châng chhiū, i chiū hiat i tī chúi-nı̍h, chúi chiū piàn-kam. I tī-hia, ūi in tēng lu̍t-lē hoat-tō͘, tī-hia chhì-giām in.

(BCL) 摩西求叫耶和華，耶和華指示伊一欉樹。伊就伊佇水裡，水就變甘。伊佇遐為定律例、法度，佇遐試驗；

26

(THR) Koh kóng, Lí nā tì-ì thiaⁿ Iâ-hô-hoa lí ê Siōng-tè ê siaⁿ, koh kiâⁿ I só͘ khòaⁿ chòe ha̍p-gî ê sū, liû-sim thiaⁿ I ê kài-bēng, siú I it-chhè ê lu̍t-lē, chiū Góa hō͘ Ai-kı̍p lâng só͘ tú-tio̍h ê phòa-pīⁿ, tek-khak bô hō͘ lí tú-tio̍h; in-ūi Góa Iâ-hô-hoa sī i-tī lí-ê.

(BCL) 閣講：「你若致意聽耶和華──你的上帝的聲，閣行伊所看做合宜的事，留心聽伊的誡命，守伊一切的律例，就我互埃及人所抵著的破病，的確無互你抵著，因為我──耶和華是醫治你者。」

27

(THR) In kàu Í-lîm, tī-hia ū cha̍p-jī ê chúi-chôaⁿ, chhit-cha̍p châng ê chó-chhiū; in chiū tī-hia ê chúi-piⁿ chat-iâⁿ.

(BCL) 到以琳，佇遐有十二個水泉，七十欉的棗樹；就佇遐的水邊紮營。

Bible Color Mark

• 台語漢字羅馬本
• 巴克禮全羅