出埃及記 第 29 章

1

(THR) Lí hun-piat in chòe-sèng, chòe chè-si ho̍k-sāi Góa, tio̍h án-ni kiâⁿ; chhú chı̍t-chiah kang ê gû-á, nn̄g-chiah bô hâ-chhû kang ê mî-iûⁿ,

(BCL) 「你分別做聖，做祭司服事我，著按呢行：取一隻公的牛仔，二隻無瑕疵公的綿羊，

2

(THR) koh bô-kàⁿ-piáⁿ, kap kiáu-iû ê bô-kàⁿ-piáⁿ, kap boah-iû bô-kàⁿ ê po̍h-piáⁿ, lóng tio̍h ēng hó ê mī-hún chòe-ê.

(BCL) 閣無酵餅及攪油的無酵餅，及抹油無酵的薄餅；攏著用好的麵粉做的。

3

(THR) Chiah-ê piáⁿ tio̍h hē tī chı̍t kha kheng, tóe tī kheng-nı̍h tòa-lâi, koh khan hit chiah kang ê gû kap nn̄g chiah kang ê mî-iûⁿ lâi.

(BCL) 諸個餅著下佇一腳筐，貯佇筐裡帶來，閣牽彼隻公的牛及二隻公的綿羊來。

4

(THR) Tio̍h hō͘ A-lûn kap i hiah-ê kiáⁿ kàu hōe-bō͘ ê mn̂g-kháu ēng chúi sóe in.

(BCL) 著互亞倫及伊許個子到會幕的門口，用水洗。

5

(THR) Tio̍h the̍h hiah-ê i-ho̍k lâi, chiong lāi-saⁿ kap í-hut-tek lāi-bīn ê gōa-phàu, kap í-hut-tek, liân pó͘-kòa, kā A-lûn chhēng; iā ēng kî-khá ê kang só͘ chit í-hut-tek ê tòa kā i hâ;

(BCL) 著提許個衣服來，將內衫及以弗得內面的外袍，及以弗得，連補給亞倫穿，也用奇巧的工所織以弗得的帶給伊縖。

6

(THR) ēng bō tì tī i ê thâu-khak, chiong sèng ê bián-liû tha̍h tī bō ê téng-bīn.

(BCL) 用帽戴佇伊的頭殼，將聖的冕旒褡佇帽的頂面，

7

(THR) Tio̍h ēng boah ê iû tò tī i ê thâu-khak lâi boah i.

(BCL) 著用抹的油倒佇伊的頭殼來抹伊。

8

(THR) Tio̍h hō͘ i ê kiáⁿ lâi, kā in chhēng lāi-saⁿ.

(BCL) 著互伊的子來，給穿內衫。

9

(THR) Koh ēng tòa hâ A-lûn kap i hiah-ê kiáⁿ, kā in pau thâu-khak ê kun; in chiàu éng-óan ê lē tit-tio̍h chè-si ê chit; koh tio̍h kā A-lûn kap i hiah-ê kiáⁿ kiâⁿ siat-lı̍p ê lé.

(BCL) 閣用帶縖亞倫及伊許個子，給包頭殼的巾，照永遠的例得著祭司的職。閣著給亞倫及伊許個子行設立的禮。

10

(THR) Lí tio̍h khan hit chiah kang ê gû kàu hōe-bō͘-chêng; A-lûn kap i hiah-ê kiáⁿ tio̍h hōaⁿ-chhiú tī gû ê thâu-khak-téng.

(BCL) 「你著牽彼隻公的牛到會幕前，亞倫及伊許個子著按手佇牛的頭殼頂。

11

(THR) Lí tio̍h tī Iâ-hô-hoa ê bīn-chêng, tī hōe-bō͘ ê mn̂g-kháu, thâi hit chiah gû;

(BCL) 你著佇耶和華的面前，佇會幕的門口，彼隻牛。

12

(THR) chhú i ê huih tām-po̍h, ēng chńg-thâu-á boah tī tôaⁿ ê sì-kak; chiong huih lóng piàⁿ tī tôaⁿ-kha-nı̍h.

(BCL) 取伊的血淡薄，用指頭仔抹佇壇的四角，將血攏傾佇壇腳裡。

13

(THR) Tio̍h chiong it-chhè ngó͘-chōng ê iû, kap koaⁿ-téng ê bāng-se, kap nn̄g lia̍p io-chí, í-kı̍p io-chí ê iû, lóng sio tī tôaⁿ-téng.

(BCL) 著將一切五臟的油及肝頂的網紗，及二粒腰子以及腰子的油，攏燒佇壇頂。

14

(THR) To̍k-to̍k gû ê bah, kap i ê phê, i ê pùn, lóng tio̍h ēng hé sio tī iâⁿ-gōa; sī chòe sio̍k-chōe-chè.

(BCL) 獨獨牛的肉，及伊的皮，伊的糞攏著用火燒佇營外。是做贖罪祭。

15

(THR) Lí tio̍h khan chı̍t chiah kang ê mî-iûⁿ lâi; A-lûn kap i hiah-ê kiáⁿ tio̍h hōaⁿ-chhiú tī hit chiah iûⁿ ê thâu-khak-téng.

(BCL) 「你著牽一隻公的綿羊來，亞倫及伊許個子著按手佇彼隻羊的頭殼頂。

16

(THR) Tio̍h thâi hit chiah iûⁿ, chiong i ê huih hiù tī tôaⁿ ê sì-ûi.

(BCL) 著彼隻羊，將伊的血灑佇壇的四圍。

17

(THR) Tio̍h chiong iûⁿ chhiat chı̍t-tè chı̍t-tè, sóe ngó͘-chōng kap thúi, lok tī chhiat kui tè ê bah kap thâu ê téng-bīn.

(BCL) 著將羊切一塊一塊，洗五臟及腿，橐佇切歸塊的肉及頭的頂面。

18

(THR) Tio̍h chiong kui chiah iûⁿ sio tī tôaⁿ-téng, sī hiàn hō͘ Iâ-hô-hoa ê sio-chè; sī phang-phang-ê, ēng hé sio hō͘ Iâ-hô-hoa ê chè.

(BCL) 著將歸隻羊燒佇壇頂，是獻互耶和華的燒祭，是芳芳的用火燒互耶和華的祭。」

19

(THR) Lí tio̍h chiong tē-jī chiah kang ê mî-iûⁿ khan-lâi; A-lûn kap i hiah-ê kiáⁿ tio̍h hōaⁿ-chhiú tī iûⁿ ê thâu-khak-téng.

(BCL) 「你著將第二隻公的綿羊牽來，亞倫及伊許個子著按手佇羊的頭殼頂。

20

(THR) Lí tio̍h thâi hit chiah iûⁿ, chhú i ê huih tām-po̍h, boah tī A-lûn chiàⁿ-pêng ê hī-á-sûi, kap i chiah-ê kiáⁿ, chiàⁿ-pêng ê hī-á-sûi, koh boah tī in chiàⁿ-chhiú ê tōa-pō͘-bú, kap chiàⁿ-kha ê tōa-pō͘-bú; koh chiong huih hiù tī tôaⁿ ê sì-ûi.

(BCL) 你著彼隻羊，取伊的血淡薄抹佇亞倫正旁的耳仔垂，及伊諸個子正旁的耳仔垂，閣抹佇正手的大哺拇及正腳的大哺拇；閣將血灑佇壇的四圍。

21

(THR) Lí tio̍h chhú tôaⁿ-téng ê huih tām-po̍h kap boah ê iû, hiù tī A-lûn kap i ê saⁿ, koh hiù tī i ê kiáⁿ kap i ê kiáⁿ ê saⁿ; i kap i ê saⁿ, i ê kiáⁿ kap i ê kiáⁿ ê saⁿ, lóng hun-piat chòe sèng.

(BCL) 你著取壇頂的血淡薄及抹的油灑佇亞倫及伊的衫，閣灑佇伊的子及伊的子的衫，伊及伊的衫，伊的子及伊的子的衫攏分別做聖。

22

(THR) Koh tio̍h chhú hit chiah iûⁿ ê iû, kap i ê pûi ê bé, kap khàm ngó͘-chōng ê iû, kap koaⁿ-téng ê bāng-se, nn̄g lia̍p io-chí, í-kı̍p io-chí ê iû, kap chiàⁿ-pêng ê thúi (che sī chiâⁿ siat-lı̍p ê lé ê iûⁿ);

(BCL) 「閣著取彼隻羊的油及伊的肥的尾，及蓋五臟的油及肝頂的網紗，二粒腰子以及腰子的油及正旁的腿，這是成設立的禮的羊。

23

(THR) koh tùi hit-khia hē tī Iâ-hô-hoa ê bīn-chêng tóe bô-kàⁿ-piáⁿ ê kheng-á-lāi, the̍h chı̍t tè piáⁿ, chı̍t tè kiáu-iû ê piáⁿ, chı̍t-tè po̍h-piáⁿ;

(BCL) 閣對彼奇下佇耶和華的面前貯無酵餅的筐仔內提一塊餅，一塊攪油的餅，一塊薄餅，

24

(THR) lóng hē tī A-lûn ê chhiú kap i ê kiáⁿ ê chhiú, iô tī Iâ-hô-hoa ê bīn-chêng, chòe iô-chè.

(BCL) 攏下佇亞倫的手及伊的子的手，搖佇耶和華的面前，做搖祭。

25

(THR) Lí tio̍h tùi in ê chhiú chih-lâi, sio tī tôaⁿ-téng sio-chè ê téng-bīn, chòe phang-phang tī Iâ-hô-hoa ê bīn-chêng; sī ēng hé sio hō͘ Iâ-hô-hoa ê chè.

(BCL) 你著對的手接來，燒佇壇頂燒祭的頂面做芳芳佇耶和華的面前，是用火燒互耶和華的祭。

26

(THR) A-lûn siū siat-lı̍p ê lé só͘ hiàn kang ê iûⁿ, lí tio̍h chhú i ê heng, iô tī Iâ-hô-hoa ê bīn-chêng, chòe iô-chè; che sī lí ê hūn-gia̍h.

(BCL) 「亞倫受設立的禮所獻公的羊你著取伊的胸，搖佇耶和華的面前，做搖祭，這是你的份額。

27

(THR) Kiâⁿ siat-lı̍p ê lé só͘ hiàn kang ê iûⁿ, hit-ê iô-chè ê heng kap kú-chè ê thúi, chiū-sī só͘ iô-ê, só͘ kú-khí-ê, lí tio̍h hun-piat i chòe-sèng, chiū-sī sio̍k tī A-lûn kap i hiah-ê kiáⁿ-ê.

(BCL) 行設立的禮所獻公的羊，彼個搖祭的胸及舉祭的腿，就是所搖的、所舉起的，你著分別伊做聖，就是屬佇亞倫及伊許個子的，

28

(THR) Che tio̍h chòe A-lûn kap i ê kiáⁿ-sun tùi Í-sek-lia̍t lâng só͘ tit-tio̍h éng-óan ê hūn-gia̍h; in-ūi sī kú-chè; tio̍h tùi Í-sek-lia̍t lâng pêng-an-chè ê tiong-kan chòe kú-chè; chiū-sī in hiàn hō͘ Iâ-hô-hoa ê kú-chè.

(BCL) 這著做亞倫及伊的子孫對以色列人所得著永遠的份額，因為是舉祭。著對以色列人平安祭的中間做舉祭，就是獻互耶和華的舉祭。

29

(THR) A-lûn ê sèng-saⁿ tio̍h lâu hō͘ i āu-tāi ê kiáⁿ-sun, thang chhēng i lâi siū boah-iû, iā chhēng i lâi siū siat-lı̍p.

(BCL) 「亞倫的聖衫著留互伊後代的子孫，通穿伊來受抹油，也穿伊來受設立。

30

(THR) I ê kiáⁿ, hit-ê sòa-chiap i tng chè-si ê, ta̍k-pái jı̍p hōe-bō͘, tī sèng-só͘ ho̍k-sāi ê sî, tio̍h chhēng chhit-jı̍t kú.

(BCL) 伊的子彼個續接伊當祭司的，逐擺入會幕佇聖所服事的時，著穿七日久。

31

(THR) Kiâⁿ siat-lı̍p ê lé só͘ hiàn kang ê iûⁿ ê bah, lí tio̍h tī sèng ê só͘-chāi chú i.

(BCL) 「行設立的禮所獻公的羊的肉，你著佇聖的所在煮伊。

32

(THR) A-lûn kap i ê kiáⁿ tio̍h tī hōe-bō͘ ê mn̂g-kháu chia̍h chit chiah iûⁿ ê bah kap kheng-á-lāi ê piáⁿ.

(BCL) 亞倫及伊的子著佇會幕的門口食此隻羊的肉及筐仔內的餅。

33

(THR) In tio̍h chia̍h só͘ ēng lâi sio̍k-chōe ê mı̍h, hō͘ in tam-tng chit, iā hun-piat in chòe-sèng; to̍k-to̍k gōa-lâng m̄-thang chia̍h, in-ūi che sī sèng-mı̍h.

(BCL) 著食所用來贖罪的物，互擔當職，也分別做聖；獨獨外人呣通食，因為這是聖物。

34

(THR) Hit-ê kiâⁿ siat-lı̍p ê lé só͘ hiàn ê bah á-sī piáⁿ, nā ū lâu kàu keh chá-khí-ê, lí tio̍h chiong só͘ lâu-ê ēng hé sio i; m̄-thang chia̍h i, in-ūi sī sèng ê mı̍h.

(BCL) 彼個行設立的禮所獻的肉抑是餅，若有留到隔早起的，你著將所留的用火燒伊，呣通食伊，因為是聖的物。

35

(THR) Lí tio̍h chiàu Góa it-chhè só͘ hoan-hù-ê kiâⁿ tī A-lûn kap i ê kiáⁿ; kiâⁿ siat-lı̍p ê lé tio̍h chhit-jı̍t kú.

(BCL) 「你著照我一切所吩咐的行佇亞倫及伊的子，行設立的禮著七日久。

36

(THR) Ta̍k-jı̍t tio̍h hiàn kang ê gû chı̍t-chiah chòe sio̍k-chōe-chè; lí ūi tôaⁿ sio̍k-chōe ê sî chiū hō͘ i chheng-khì; iā tio̍h kā i boah-iû, hun-piat i chòe-sèng.

(BCL) 逐日著獻公的牛一隻做贖罪祭。你為壇贖罪的時，就互伊清氣；也著給伊抹油，分別伊做聖。

37

(THR) Lí tio̍h ūi tôaⁿ sio̍k-chōe chhit-jı̍t kú, hō͘ i chiâⁿ-sèng; tôaⁿ chiū chiâⁿ chòe chì-sèng; kìⁿ-nā bong-tio̍h i-ê lóng hun-piat chòe-sèng.

(BCL) 你著為壇贖罪七日久，互伊成聖，壇就成做至聖。見若摸著伊的攏分別做聖。」

38

(THR) Lí só͘ tio̍h hiàn tī tôaⁿ-nı̍h-ê sī chiah-ê; chiū-sī bē móa-nî ê iûⁿ-á nn̄g-chiah, ta̍k-jı̍t tio̍h hiàn;

(BCL) 「你所著獻佇壇裡的是諸個就是未滿年的羊仔二隻，逐日著獻；

39

(THR) chá-khí-sî tio̍h hiàn chı̍t-chiah; hông-hun ê sî tio̍h hiàn hit-chiah.

(BCL) 早起時著獻一隻，黃昏的時著獻彼隻。

40

(THR) Lí tio̍h ēng iù ê mī-hún chı̍t i-hoat cha̍p-hūn ê chı̍t, ēng khoeh-hó ê iû chı̍t-him sì-hūn ê chı̍t tiau-hô-ê, kap chı̍t chiah iûⁿ-á saⁿ-tâng hiàn; koh ēng chiú chı̍t-him sì-hūn ê chı̍t chòe kòan-tiān.

(BCL) 你著用幼的麵粉一伊法十份的一，用夾好的油一欣四份的一調和的，及一隻羊仔相同獻，閣用酒一欣四份的一做灌奠。

41

(THR) Iáu hit chiah-ê iûⁿ-á tio̍h tī hông-hun ê sî lâi hiàn, tio̍h chiàu chá-khí-sî ê sò͘-chè kap kòan-tiān ê lé liāu-lí i, chòe phang-phang, ēng hé sio lâi hiàn hō͘ Iâ-hô-hoa ê chè.

(BCL) 猶彼隻的羊仔著佇黃昏的時來獻，著照早起時的素祭及灌奠的禮料理伊，做芳芳用火燒來獻互耶和華的祭。

42

(THR) Che beh tī Iâ-hô-hoa ê bīn-chêng, tī hōe-bō͘ ê mn̂g-kháu, chòe lín ta̍k sè-tāi siông-siông hiàn ê sio-chè; Góa beh tī-hia kap lín siong-hōe, kap lí kóng-ōe.

(BCL) 這欲佇耶和華的面前、佇會幕的門口，做恁逐世代常常獻的燒祭。我欲佇遐及恁相會，及你講話。

43

(THR) Góa beh tī-hia kap Í-sek-lia̍t lâng siong-hōe, hōe-bō͘ chiū beh in-ūi Góa ê êng-kng chiâⁿ-chòe sèng.

(BCL) 我欲佇遐及以色列人相會，會幕就欲因為我的榮光成做聖。

44

(THR) Góa beh hō͘ hōe-bō͘ kap tôaⁿ chòe-sèng; iā beh hō͘ A-lûn kap i hiah-ê kiáⁿ chòe-sèng, chòe chè-si lâi ho̍k-sāi Góa.

(BCL) 我欲互會幕及壇做聖，也欲互亞倫及伊許個子做聖，做祭司來服事我。

45

(THR) Góa beh tiàm tī Í-sek-lia̍t lâng ê tiong-kan, chòe in ê Siōng-tè.

(BCL) 我欲踮佇以色列人的中間，做的上帝。

46

(THR) In beh chai Góa sī Iâ-hô-hoa in ê Siōng-tè, sī chhōa in chhut Ai-kı̍p tōe; thang hō͘ Góa tiàm tī in tiong-kan; Góa sī Iâ-hô-hoa in ê Siōng-tè.

(BCL) 欲知我是耶和華──的上帝，是導出埃及地，通互我踮佇中間。我是耶和華──的上帝。」

Bible Color Mark

• 台語漢字羅馬本
• 巴克禮全羅