出埃及記 第 4 章

1

(THR) Mô͘-se ìn kóng, Khòaⁿ ah, in beh m̄-sìn góa, iā m̄-thiaⁿ góa ê ōe; in-ūi in beh kóng, Iâ-hô-hoa bē-bat tùi lí chhut-hiān.

(BCL) 摩西應講：「看啊，欲呣信我，也呣聽我的話，因為欲講：『耶和華未曾對你出現。』」

2

(THR) Iâ-hô-hoa tùi i kóng, Tī lí chhiú-nı̍h sī sím-mı̍h? I kóng, Sī kóaiⁿ-á.

(BCL) 耶和華對伊講：「佇你手裡是甚麼？」伊講：「是枴仔。」

3

(THR) Kóng, Hiat tī tōe-nı̍h. I chı̍t-ē hiat tī tōe-nı̍h, chiū pìⁿ-chòe chôa; Mô͘-se chiū cháu-siám i.

(BCL) 講：「佇地裡。」伊一下佇地裡，就變做蛇；摩西就走閃伊。

4

(THR) Iâ-hô-hoa tùi Mô͘-se kóng, Chhun lí ê chhiú lia̍h i ê bé; (chiū chhun-chhiú lia̍h i, tī chhiú-tiong iû-gôan pìⁿ-chòe kóaiⁿ-á;)

(BCL) 耶和華對摩西講：「伸你的手掠伊的尾，就伸手掠伊，佇手中猶原變做枴仔；

5

(THR) án-ni thang hō͘ in sìn Iâ-hô-hoa, in ê chó͘-kong ê Siōng-tè, A-pek-la̍h-hán ê Siōng-tè, Í-sat ê Siōng-tè, Ngá-kok ê Siōng-tè, ū tùi lí chhut-hiān.

(BCL) 按呢通互信耶和華──的祖公的上帝，亞伯拉罕的上帝，以撒的上帝，雅各的上帝，有對你出現。」

6

(THR) Iâ-hô-hoa koh tùi i kóng, Hē lí ê chhiú tī lí ê heng-chêng. Chiū hē chhiú tī heng-chêng; thiu-chhut-lâi ê sî, khòaⁿ ah, chhiú í-keng thái-ko, pe̍h chhin-chhiūⁿ seh.

(BCL) 耶和華閣對伊講：「下你的手佇你的胸前。」就下手佇胸前，抽出來的時，看啊，手已經癩，白親像雪。

7

(THR) Koh kóng, Koh hē lí ê chhiú tī lí ê heng-chêng. (I chiū hē tī i ê heng-chêng; thiu-chhut-lâi ê sî, khòaⁿ ah, í-keng chiàu-gôan, kap thong seng-khu ê bah bô koh-iūⁿ.)

(BCL) 閣講：「閣下你的手佇你的胸前。」伊就下佇伊的胸前，抽出來的時，看啊，已經照原，及通身軀的肉無各樣；

8

(THR) Koh kóng, Siat-sú in bô beh sìn lí, iā bô beh thiaⁿ thâu-chı̍t ê sîn-jiah, chiū beh sìn tē-jī ê sîn-jiah.

(BCL) 閣講：「設使無欲信你，也無欲聽頭一個神蹟，就欲信第二個神蹟。

9

(THR) Hit nn̄g ê sîn-jiah in nā lóng m̄-sìn, iā m̄-thiaⁿ lí ê ōe, lí tio̍h tùi hô-nı̍h iúⁿ chúi, tò tī ta-tōe; lí tùi hô-nı̍h só͘ iúⁿ ê chúi beh tī ta-tōe pìⁿ-chòe huih.

(BCL) 彼二個神蹟若攏呣信，也呣聽你的話，你著對河裡舀水，倒佇乾地，你對河裡所舀的水欲佇乾地變做血。」

10

(THR) Mô͘-se tùi Iâ-hô-hoa kóng, Chú ah, góa pêng-sò͘ m̄-sī ōe kóng-ōe ê lâng, tùi Lí kā Lí ê lô͘-po̍k kóng-ōe ê liáu-āu iā sī án-ni; góa sī chhùi-chı̍h tun ê lâng.

(BCL) 摩西對耶和華講：「主啊，我平素呣是會講話的人，對你給你的奴僕講話的了後，也是按呢。我是嘴舌鈍的人。」

11

(THR) Iâ-hô-hoa tùi i kóng, Chhòng-chō lâng ê chhùi sī chī-chūi ah? hō͘ lâng é-káu, chhàu-hī-lâng, ba̍k-chiu kim, chhiⁿ-mî ê, sī chī-chūi ah? kiám-m̄-sī Góa Iâ-hô-hoa mah?

(BCL) 耶和華對伊講：「創造人的嘴是是誰啊？互人啞口、臭耳聾、目睭金、睛暝的是是誰啊？豈呣是我──耶和華嗎？

12

(THR) Taⁿ lí khì ah, Góa beh siúⁿ-sù lí kháu-châi, kà-sī lí só͘ eng-kai kóng-ê.

(BCL) 今你去啊，我欲賞賜你口才，教示你所應該講的。」

13

(THR) I kóng, Chú ah, Lí ha̍p-ì chhe chī-chūi, chiū chhe i khì.

(BCL) 伊講：「主啊，你合意差是誰，就差伊去！」

14

(THR) Iâ-hô-hoa tùi Mô͘-se hoat-chhut siū-khì, kóng, Kiám-m̄-sī ū lí ê hiaⁿ, Lī-bī-lâng, A-lûn mah? Góa chai i sī ōe kóng-ōe ê lâng. Koh i taⁿ chhut-lâi ngiâ-chih lí; i chı̍t-ē khòaⁿ-kìⁿ lí sim-lāi chiū hoaⁿ-hí.

(BCL) 耶和華對摩西發出受氣講：「豈呣是有你的兄利未人亞倫嗎？我知伊是會講話的人；閣伊今出來迎接你，伊一下看見你，心內就歡喜。

15

(THR) Lí tio̍h tùi i kóng, ēng só͘ eng-kai kóng ê ōe thôan hō͘ i; Góa iā beh siúⁿ-sù lí kap i ū kháu-châi, koh beh kà-sī lín só͘ eng-kai kiâⁿ ê sū.

(BCL) 你著對伊講，用所應該講的話傳互伊；我也欲賞賜你及伊有口才，閣欲教示恁所應該行的事。

16

(THR) I beh thòe lí tùi peh-sìⁿ kóng-ōe; i beh tùi lí chún-chòe chhùi, lí beh tùi i chún-chòe Siōng-tè.

(BCL) 伊欲替你對百姓講話；伊欲對你准做嘴，你欲對伊准做上帝。

17

(THR) Lí ê chhiú tio̍h kia̍h chı̍t ki kóaiⁿ-á, ēng i lâi kiâⁿ sîn-jiah.

(BCL) 你的手著抬此支枴仔，用伊來行神蹟。」

18

(THR) Tùi án-ni Mô͘-se chiū khì, tò-khì i ê tiūⁿ-lâng Ia̍p-thek-lô hia, kā i kóng, Kiû lí iông-ún góa tò-khì, khòaⁿ góa ê hiaⁿ-tī tī Ai-kı̍p ê, khòaⁿ in iáu tī-teh á-bô. Ia̍p-thek-lô kā Mô͘-se kóng, Lí thang an-jiân khì lah.

(BCL) 對按呢摩西就去，倒去伊的丈人葉忒羅遐，給伊講：「求你容允我倒去看我的兄弟佇埃及的，看猶佇抑無。」葉忒羅給摩西講：「你通安然去啦！」

19

(THR) Iâ-hô-hoa tī Bí-tiân tùi Mô͘-se kóng, Lí khì tò-khì Ai-kı̍p, in-ūi ài hāi lí ê sìⁿ-miā ê lâng lóng sí lah.

(BCL) 耶和華佇米甸對摩西講：「你去，倒去埃及，因為愛害你的生命的人攏死啦。」

20

(THR) Mô͘-se tòa i ê bó͘ kap nn̄g ê kiáⁿ, hō͘ in khiâ-lû, tò-khì Ai-kı̍p tōe; Mô͘-se chhiú-nı̍h kia̍h Siōng-tè ê kóaiⁿ-á.

(BCL) 摩西帶伊的某及二個子，互騎驢，倒去埃及地。摩西手裡抬上帝的柺仔。

21

(THR) Iâ-hô-hoa tùi Mô͘-se kóng, Lí tò-khì Ai-kı̍p ê sî, tio̍h chù-ì chiong Góa só͘ kau tī lí ê chhiú it-chhè ê kî-sū kiâⁿ tī Hoat-ló ê bīn-chêng; chóng-sī Góa beh hō͘ i ê sim ngī, i iā bô beh pàng chit-ê peh-sìⁿ khì.

(BCL) 耶和華對摩西講：「你倒去埃及的時，著注意將我所交佇你的手一切的奇事行佇法老的面前。總是我欲互伊的心硬，伊也無欲放此個百姓去。

22

(THR) Lí tio̍h kā Hoat-ló kóng, Iâ-hô-hoa án-ni kóng, Í-sek-lia̍t sī Góa ê kiáⁿ, chiū-sī Góa ê tōa-kiáⁿ;

(BCL) 你著給法老講：『耶和華按呢講：以色列是我的子，就是我的大子。

23

(THR) Góa bat tùi lí kóng, Tio̍h tháu-pàng Góa ê kiáⁿ khì, thang ho̍k-sāi Góa; lí iā m̄-chún i khì; khòaⁿ ah, Góa beh thâi-sí lí ê kiáⁿ, chiū-sī lí ê tōa-kiáⁿ.

(BCL) 我曾對你講：著解放我的子去，通服事我。你也呣准伊去。看啊，我欲死你的子，就是你的大子。』」

24

(THR) Mô͘-se tī lō͘-nı̍h, tī kheh-tiàm, Iâ-hô-hoa tú-tio̍h i, beh hō͘ i sí.

(BCL) 摩西佇路裡佇客店，耶和華抵著伊，欲互伊死。

25

(THR) Se-pho-la̍h chiū the̍h chı̍t tè lāi-chio̍h, koah i ê kiáⁿ iông-bu̍t ê phê, hiat tī i ê kha-chêng, kóng, Lí sī góa huih ê tiōng-hu.

(BCL) 西坡拉就提一塊利石，割伊的子陽物的皮，佇伊的腳前，講：「你是我血的丈夫。」

26

(THR) Iâ-hô-hoa chiū pàng i soah. Hū-jîn-lâng kóng, Lí sī huih ê tiōng-hu, in-ūi kat-lé ê iân-kò͘.

(BCL) 耶和華就放伊息。婦仁人講：「你是血的丈夫，因為割禮的緣故。」

27

(THR) Iâ-hô-hoa kā A-lûn kóng, Lí khì khòng-iá ngiâ-chih Mô͘-se. I chiū khì, tī Siōng-tè ê soaⁿ tú-tio̍h i, chiū kā i chim.

(BCL) 耶和華給亞倫說：「你去曠野迎接摩西。」伊就去，佇上帝的山抵著伊，就給伊唚。

28

(THR) Mô͘-se chiong Iâ-hô-hoa chhe i kóng ê ōe, kap hoan-hù i kiâⁿ ê sîn-jiah, lóng kā A-lûn kóng.

(BCL) 摩西將耶和華差伊講的話及吩咐伊行的神蹟攏給亞倫講。

29

(THR) Mô͘-se, A-lûn chiū khì chio-chı̍p Í-sek-lia̍t lâng chèng tiúⁿ-ló;

(BCL) 摩西、亞倫就去招集以色列人眾長老。

30

(THR) A-lûn chiong Iâ-hô-hoa tùi Mô͘-se só͘ kóng ê ōe lóng kóng i, koh tī peh-sìⁿ ê bīn-chêng kiâⁿ hiah-ê sîn-jiah.

(BCL) 亞倫將耶和華對摩西所講的話攏講伊，閣佇百姓的面前行許個神蹟，

31

(THR) Peh-sìⁿ chiū sìn; in thiaⁿ-kìⁿ Iâ-hô-hoa kòan-kò͘ Í-sek-lia̍t lâng, koh khòaⁿ in ê kan-khó͘, chiū àⁿ-thâu kèng-pài.

(BCL) 百姓就信。聽見耶和華眷顧以色列人，閣看的艱苦，就俯頭敬拜。

Bible Color Mark

• 台語漢字羅馬本
• 巴克禮全羅