以斯拉記 第 8 章

1

(THR) A-ta̍t-siat-se ông chē-ūi ê sî, kap góa tùi Pa-pí-lûn chiūⁿ-lâi ê lâng, in ê cho̍k-tiúⁿ, kap in ê sè-hē, kì tī ē-bīn.

(BCL) 亞達設西王坐位的時，及我對巴比倫上來的人，的族長及的世系記佇下面：

2

(THR) Sio̍k Hui-nî-hap ê hō͘-è ū Kek-sūn, sio̍k Í-tha-má ê hō͘-è ū Tān-í-lí, sio̍k Tāi-pı̍t ê hō͘-è ū Hap-tu̍t.

(BCL) 屬非尼哈的後裔有革順；屬以他瑪的後裔有但以理；屬大衛的後裔有哈突；

3

(THR) Sio̍k pa-lio̍k ê hō͘-è, chiū-sī Sī-ka-nî ê hō͘-è, ū Sat-ka-lī-a; kap i ê, chiàu sè-hē lâi sǹg, ū ta-po͘-teng chı̍t-pah gō͘-cha̍p lâng.

(BCL) 屬巴錄的後裔，就是示迦尼的後裔有撒迦利亞，及伊的，照世系來算，有查甫丁一百五十人；

4

(THR) Sio̍k Pa-hap-mô͘-ap ê hō͘-è ū Se-la̍h-hi-ngá ê kiáⁿ Í-lī-iok-nái; kap i ê, ū ta-po͘-teng nn̄g-pah lâng.

(BCL) 屬巴哈摩押的後裔有西拉希雅的子以利約乃，及伊的，有查甫丁二百人；

5

(THR) Sio̍k Sī-ka-nî ê hō͘-è ū Ngá-hap-sek ê kiáⁿ; kap i ê, ū ta-po͘-teng saⁿ-pah lâng.

(BCL) 屬示迦尼的後裔有雅哈悉的子，及伊的有查甫丁三百人；

6

(THR) Sio̍k A-teng ê hō͘-è, ū Iok-ná-tan ê kiáⁿ Í-pia̍t; kap i ê, ū ta-po͘-teng gō͘-cha̍p lâng.

(BCL) 屬亞丁的後裔有約拿單的子以別，及伊的有查甫丁五十人；

7

(THR) Sio̍k Í-lân ê hō͘-è, ū A-tha-lī-ngá ê kiáⁿ, Iâ-su-a; kap i ê, ū ta-po͘-teng chhit-cha̍p lâng.

(BCL) 屬以攔的後裔有亞他利雅的子耶篩亞，及伊的有查甫丁七十人；

8

(THR) Sio̍k Sī-hoat-thê-ngá ê hō͘-è, ū Bí-ka-le̍k ê kiáⁿ Se-pa-tē-ngá; kap i ê, ū ta-po͘-teng poeh-cha̍p lâng.

(BCL) 屬示法提雅的後裔有米迦勒的子西巴第雅，及伊的有查甫丁八十人；

9

(THR) Sio̍k Iok-ap ê hō͘-è, ū Iâ-iat ê kiáⁿ Gô-pa-tí-a; kap i ê, ū ta-po͘-teng nn̄g-pah it-cha̍p-poeh lâng.

(BCL) 屬約押的後裔有耶悅的子俄巴底亞，及伊的有查甫丁二百一十八人；

10

(THR) Sio̍k Sī-lô-bı̍t ê hō͘-è, ū Iok-sè-húi ê kiáⁿ; kap i ê, ū ta-po͘-teng chı̍t-pah la̍k-cha̍p lâng.

(BCL) 屬示羅密的後裔有約細斐的子，及伊的有查甫丁一百六十人；

11

(THR) Sio̍k Pí-pài ê hō͘-è, ū Pí-pài ê kiáⁿ Sat-ka-lī-a; kap i ê, ū ta-po͘-teng jī-cha̍p-poeh lâng.

(BCL) 屬比拜的後裔有比拜的子撒迦利亞，及伊的有查甫丁二十八人；

12

(THR) Sio̍k Ap-kah ê hō͘-è, ū Hap-ka-thán ê kiáⁿ, Iok-hap-lân; kap i ê, ū ta-po͘-teng chı̍t-pah it-cha̍p lâng.

(BCL) 屬押甲的後裔有哈加坦的子約哈難，及伊的有查甫丁一百一十人；

13

(THR) Sio̍k A-to-nî-kan ê hō͘-è, chiū-sī lō͘-bé-ê, in ê miâ sī Í-lī-hoat-lia̍t, Iâ-lī, Sī-má-ngá; kap in ê, ū ta-po͘-teng la̍k-cha̍p lâng.

(BCL) 屬亞多尼干的後裔、就是路尾的，的名是以利法列、耶利、示瑪雅，及的有查甫丁六十人；

14

(THR) Sio̍k Pí-kek-óa-i ê hō͘-è, ū Ou-thài, kap Sat-pò͘; kap in ê, ū ta-po͘-teng chhit-cha̍p lâng.

(BCL) 屬比革瓦伊的後裔有烏太及撒布，及的有查甫丁七十人。

15

(THR) Góa chio-chı̍p chiah ê lâng tī lâu-jı̍p A-hap-óa ê hô-piⁿ; góan tī-hia tòa tī pò͘-pîⁿ saⁿ-jı̍t; góa chhâ-khòaⁿ peh-sìⁿ kap chè-si, khòaⁿ bô Lī-bī lâng tī-hia.

(BCL) 我招集諸個人佇流入亞哈瓦的河邊，阮佇遐住佇布棚三日。我查看百姓及祭司，看無利未人佇遐，

16

(THR) Góa chhe lâng tiàu hiah ê thâu-lâng, chiū-sī Í-lī-í-siā, A-lia̍t, Sī-má-ngá, Í-lī-ná-tan, Ngá-lı̍p, Í-lī-ná-tan, Ná-tan, Sat-ka-lī-a, Bí-su-lân; koh tiàu kàu-ôan Iok-ngá-lı̍p kap Í-lī-ná-tan.

(BCL) 我差人召許個頭人，就是以利以謝、亞列、示瑪雅、以利拿單、雅立、以利拿單、拿單、撒迦利亞、米書蘭，閣召教員約雅立及以利拿單。

17

(THR) Góa chhe in khì Ka-se-húi-ngá ê só͘-chāi, kìⁿ hit ê thâu-lâng E̍k-to, koh kā in kóng, in tī ka-se-húi-ngá ê só͘-chāi tio̍h tùi E̍k-to kap i ê hiaⁿ-tī Nî-thê-lêng kóng sím-mı̍h ōe, kah in ūi lán Siōng-tè ê tiān tòa chhe-ēng ê lâng lâi.

(BCL) 我差去迦西斐雅的所在見彼個頭人易多，閣給講，佇加西斐雅的所在著對易多及伊的兄弟尼提寧講甚麼話，教為咱上帝的殿帶差用的人來。

18

(THR) Tit-tio̍h lán ê Siōng-tè si-un ê chhiú pang-chān góan, in tī Í-sek-lia̍t ê cheng-sun, Lī-bī ê sun, Bo̍at-lī ê hō͘-è tiong, tòa chı̍t-ê thong-ta̍t ê lâng lâi; koh ū Sī-lī-pí kap i hiah ê kiáⁿ, kap i ê hiaⁿ-tī, kiōng cha̍p-poeh lâng.

(BCL) 得著咱的上帝施恩的手幫助阮，佇以色列的曾孫、利未的孫、抹利的後裔中帶一個通達的人來；閣有示利比及伊許個子及伊的兄弟共十八人。

19

(THR) Koh ū Hap-sa-pí-ngá; kap i ê, ū Bí-la̍h-lī ê hō͘-è, Iâ-su-a, kap i ê hiaⁿ-tī, kap in ê kiáⁿ, kiōng jī-cha̍p lâng.

(BCL) 閣有哈沙比雅，及伊的有米拉利的後裔耶篩亞，及伊的兄弟及的子共二十人。

20

(THR) Koh tòa Nî-thê-lêng lâng lâi, chiū-sī chêng Tāi-pı̍t kap chiah ê siú-léng só͘ phài-chòe Lī-bī lâng ê chhe-ēng-ê, kiōng nn̄g-pah jī-cha̍p ê Nî-thê-lêng; in ê miâ lóng ū teng-kì.

(BCL) 閣帶尼提寧人來就是前大衛及諸個首領所派做利未人的差用的，共二百二十個尼提寧，的名攏有登記。

21

(THR) Hit-sî góan tī A-hap-óa ê hô-piⁿ soan-pò͘ kìm-chia̍h, thang hō͘ góan tī lán ê Siōng-tè ê bīn-chêng ka-kī khiam-pi, kiû I hō͘ góan kap góan ê gín-ná, kap it-chhè só͘-ū-ê, lóng tit-tio̍h pîⁿ-tháⁿ ê lō͘.

(BCL) 彼時，阮佇亞哈瓦的河邊宣佈禁食，通互阮佇咱的上帝的面前家己謙卑，求伊互阮及阮的囝仔，及一切所有的，攏得著平坦的路。

22

(THR) In-ūi kiû ông poah chı̍t-tūi pō͘-peng bé-peng, pang-chān góan tī lō͘--nih tí-tng tùi-te̍k, góa lia̍h-chòe kiàn-siàu; in-ūi góan bat tùi ông kóng, Góan ê Siōng-tè ê chhiú pó-hō͘ it-chhè kiû I ê lâng; to̍k-to̍k I ê lêng-le̍k kap siū-khì, kong-kek it-chhè khì-sak I ê lâng.

(BCL) 因為求王撥一隊步兵馬兵幫助阮佇路裡抵當對敵，我掠做見誚；因為阮曾對王講：「阮的上帝的手保護一切求伊的人；獨獨伊的能力及受氣攻擊一切棄拺伊的人。」

23

(THR) Só͘-í góan ūi-tio̍h án-ni kìm-chia̍h, kiû góan ê Siōng-tè; I chiū thiaⁿ góan.

(BCL) 所以阮為著按呢禁食求阮的上帝，伊就聽阮。

24

(THR) Tùi án-ni góa hun-phài chè-si ê thâu-lâng cha̍p-jī-ê, chiū-sī Sī-lī-pí, Hap-sa-pí-ngá, kap in ê hiaⁿ-tī cha̍p-lâng.

(BCL) 對按呢我分派祭司的頭人十二個，就是示利比、哈沙比雅，及的兄弟十人，

25

(THR) Góa chiū chiong lán Siōng-tè tiān ê lé-mı̍h , chiū-sī kim gûn kap hiah ê khì-kū, sī ông kap i ê bô͘-sū, i ê siú-léng, kap tī-hia ê Í-sek-lia̍t chèng-lâng só͘ hiàn-ê, lóng phêng lâi kau-hù in.

(BCL) 我就將咱上帝殿的禮物，就是金銀及許個器具，是王及伊的謀士，伊的首領，及佇遐的以色列眾人所獻的攏秤來交付。

26

(THR) Góa chiū phêng lâi kau tī in ê chhiú, ū gûn la̍k-pah tha-liân-tek, gûn-khì tāng chı̍t-pah tha-liân-tek; kim chı̍t-pah tha-liân-tek;

(BCL) 我就秤來交佇的手有銀六百五十他連得；銀器重一百他連得；金一百他連得；

27

(THR) kim-óaⁿ jī-cha̍p tè, tāng chı̍t-chheng ta̍t-lī-khek; kim-nà-nà hó ê tâng-khì nn̄g-tè, pó-kùi chhin-chhiūⁿ kim.

(BCL) 金碗二十塊，重一千達利克；金爁爁好的銅器二塊，寶貴親像金。

28

(THR) Góa tùi in kóng, Lín chòe-sèng kui Iâ-hô-hoa, chiah ê khì-kū iā sī sèng, hiah ê kim-gûn sī kam-sim hiàn hō͘ Iâ-hô-hoa lín lia̍t-chó͘ ê Siōng-tè--ê.

(BCL) 我對講：「恁做聖歸耶和華，諸個器具也是聖；許個金銀是甘心獻互耶和華──恁列祖的上帝的。

29

(THR) Lín tio̍h kín-sīn kò͘-siú, tı̍t-kàu lín tī Iâ-lō͘-sat-léng Iâ-hô-hoa tiān ê pâng-lāi, tī chè-si ê thâu-lâng kap Lī-bī lâng, í-kı̍p Í-sek-lia̍t hiah ê cho̍k-tiúⁿ ê bīn-chêng phêng i.

(BCL) 恁著謹慎顧守，直到恁佇耶路撒冷耶和華殿的房內，佇祭司的頭人及利未人，以及以色列許個族長的面前秤伊。」

30

(THR) Tùi án-ni chè-si Lī-bī lâng siu kim-gûn kap khì-kū, chiàu in ê khin-tāng, beh tòa kàu Iâ-lō͘-sat-léng lán Siōng-tè ê tiān.

(BCL) 對按呢，祭司、利未人收金銀及器具照的輕重，欲帶到耶路撒冷咱上帝的殿。

31

(THR) Chiaⁿ ge̍h cha̍p-jī jı̍t, góan lī-khui A-hap-óa ê hô-piⁿ, beh khì Iâ-lō͘-sat-léng; lán ê Siōng-tè ê chhiú pó-hō͘ góan, kiù góan thoat-lī tùi-te̍k, kap bâi-ho̍k tī lō͘--nih ê lâng ê chhiú.

(BCL) 正月十二日，阮離開亞哈瓦的河邊，欲去耶路撒冷。咱的上帝的手保護阮，救阮脫離對敵及埋伏佇路裡的人的手。

32

(THR) Góan kàu Iâ-lō͘-sat-léng, tiàm hia saⁿ-jı̍t.

(BCL) 阮到耶路撒冷，踮遐三日。

33

(THR) Kàu tē-sì jı̍t, tī lán Siōng-tè ê tiān, phêng hiah ê kim gûn kap khì-kū, kau tī chè-si Ou-lī-a ê kiáⁿ Bí-lī-bo̍at ê chhiú; kap i ê, ū Hui-nî-hap ê kiáⁿ Í-lī-a-sat; koh kap in ê, ū Lī-bī lâng Iâ-su-a ê kiáⁿ Iok-sat-po̍at, kap Pin-lōe ê kiáⁿ Lô-a-tí.

(BCL) 到第四日，佇咱上帝的殿秤許個金銀及器具，交佇祭司烏利亞的子米利末的手。及伊的有非尼哈的子以利亞撒，閣及的有利未人耶書亞的子約撒拔及賓內的子羅亞底。

34

(THR) It-chhè chiàu in ê siàu-gia̍h, chiàu in ê khin-tāng kau i; tng-sî iā kì in ê khin-tāng.

(BCL) 一切照的數額照的輕重交伊，當時也記的輕重。

35

(THR) Siū-lia̍h ê lâng tùi siū-lia̍h ê tiong-kan tò-lâi ê, hiàn sio-chè hō͘ Í-sek-lia̍t ê Siōng-tè, chiū-sī ūi Í-sek-lia̍t chèng-lâng hiàn gû-káng cha̍p-jī chiah, mî-iûⁿ-káng káu-cha̍p-la̍k chiah, mî-iûⁿ-á chhit-cha̍p-chhit chiah; koh hiàn soaⁿ-iûⁿ-káng cha̍p-jī chiah chòe sio̍k-chōe ê chè. Chiah-ê lóng sī chòe sio-chè hiàn-hō͘ Iâ-hô-hoa ê.

(BCL) 受掠的人對受掠的中間倒來的獻燒祭互以色列的上帝，就是為以色列眾人獻牛十二隻，綿羊九十六隻，綿羊仔七十七隻，閣獻山羊十二隻做贖罪的祭，諸個攏是做燒祭獻互耶和華的。

36

(THR) In chiong ông ê jū-chí kau hō͘ ông ê jîn-sîn, kap tī Hô-gōa hiah ê chóng-tok; in chiū pang-chān peh-sìⁿ kap Siōng-tè ê tiān.

(BCL) 將王的諭旨交互王的人臣及佇河外許個總督，就幫助百姓，及上帝的殿。

Bible Color Mark

• 台語漢字羅馬本
• 巴克禮全羅