約伯記 第 24 章

1

(THR) Chôan-lêng-ê siáⁿ-sū bô chiong sî-kî siu-khǹg? Bat I ê lâng siáⁿ-sū bô khòaⁿ-kìⁿ I ê jı̍t ah?

(BCL) 全能者啥事無將時期收囥，識伊的人啥事無看見伊的日啊？

2

(THR) Ū lâng î-sóa tōe-kài, Chhiúⁿ-to̍at kui-kûn ê cheng-siⁿ, lâi chhī i.

(BCL) 有人移徙地界，搶奪歸群的精牲來飼伊。

3

(THR) In kóaⁿ bô-pē ê kiáⁿ ê lû, khan kóaⁿ-hū ê gû chòe chún-tǹg.

(BCL) 趕無父的子的驢，牽寡婦的牛做準當。

4

(THR) In chhia sòng-hiong lâng lī-khui lō͘; Tōe-chiūⁿ ê kan-khó͘ lâng saⁿ-kap khì bih.

(BCL) 捙喪鄉人離開路；地上的艱苦人相及去匿。

5

(THR) Khòaⁿ ah, in chhin-chhiūⁿ iá-lû tī khòng-iá, Chhut-khì chòe-kang, khûn-khûn chhē chia̍h; Khòng-iá kā in ê kiáⁿ chhut chia̍h-mı̍h.

(BCL) 看啊，親像野驢佇曠野，出去做工，勤勤尋食：曠野給的子出食物，

6

(THR) Koah chhân--nih ê niû-chháu, Bán pháiⁿ-lâng só͘ chhun ê phû-tô.

(BCL) 割田裡的糧草，挽歹人所剩的葡萄，

7

(THR) Thong-mî thǹg-pak-theh bô chhēng-saⁿ tó-teh; Kôaⁿ-léng bô kah-phē.

(BCL) 通暝褪腹裼無穿衫倒，寒冷無蓋被，

8

(THR) Tī soaⁿ--nih hō͘ tōa-hō͘ ak-tâm; In-ūi bô jia-cha̍h chiū bih-óa tī chio̍h-kha.

(BCL) 佇山裡互大雨沃　，因為無遮截就匿倚佇石腳。

9

(THR) Tùi lāu-bú ê heng-chêng chhiúⁿ bô-pē ê kiáⁿ khì; Koh tùi sòng-hiong lâng the̍h chún-tǹg;

(BCL) 對老母的胸前搶無父的子去，閣對喪鄉人提準當，

10

(THR) Tì-kàu lâng bô-saⁿ, thǹg-theh lâi kiâⁿ; Iau-iau teh taⁿ tiū-pé.

(BCL) 致到人無衫，褪裼來行，枵枵擔稻把，

11

(THR) Tī hiah ê lâng ûi-chhiûⁿ lāi, khoeh iû, ta̍h chiú-khut, Ka-kī iáu-kú chhùi-ta.

(BCL) 佇許個人圍牆內夾油，踏酒窟，家己猶久嘴乾。

12

(THR) Tī chōe-chōe peh-sìⁿ ê siâⁿ-lāi ū lâng ai-ai chhan, Siū-siong ê lâng ê sim pi-ai; Chóng-sī Siōng-tè bô kàm-chhat hit ê put-gī.

(BCL) 佇多多百姓的城內有人哀哀孱，受傷的人的心悲哀；總是上帝無鑑察彼個不義。

13

(THR) Iā ū lâng ûi-pōe kng-bêng, M̄-bat i ê lō͘, Iā bô tiàm tī i ê lō͘-chiūⁿ.

(BCL) 也有人違背光明，呣識伊的路，也無踮佇伊的路上。

14

(THR) Thâi-lâng--ê thiⁿ-phú-kng chiū khí-lâi, Thâi-sí kan-khó͘--ê kap sòng-hiong lâng, Tī mî--sî chhin-chhiūⁿ chha̍t.

(BCL) 人者天昲光就起來，死艱苦者及喪鄉人，佇暝時親像賊。

15

(THR) Kan-îm ê lâng ê ba̍k-chiu thèng-hāu kàu hông-hun, Kóng, Bô lâng ba̍k-chiu ōe khòaⁿ-kìⁿ góa; Koh jia-khàm i ê bīn.

(BCL) 姦淫的人的目睭聽候到黃昏，講：無人目睭會看見我，閣遮蓋伊的面。

16

(THR) In tī mî--sî iah chhù-khang, jı̍t--sî ka-kī bih, Iā m̄-chai hit ê kng.

(BCL) 佇暝時挖厝孔；日時家己匿，也呣知彼個光。

17

(THR) In-ūi in khòaⁿ thiⁿ-kng-chá chòe sí-ìm, In-ūi in tī sí-ìm chin kòaiⁿ-sì.

(BCL) 因為看天光早做死蔭，因為佇死蔭真慣勢。

18

(THR) I tī chúi-bīn chin khin-khòai, In ê hūn-gia̍h tī tōe-chiūⁿ siū chiù-chó͘; I bô koh o̍at-tńg lâi kiâⁿ phû-tô-hn̂g ê lō͘.

(BCL) 伊佇水面真輕快。的份額佇地上受咒詛；伊無閣越轉來行葡萄園的路。

19

(THR) Khòng-hān kap sio-jo̍ah siau-bô seh-chúi; Im-kan tùi-tī hōan-chōe ê lâng iā sī án-ni.

(BCL) 亢旱及燒熱消無雪水；陰間對佇犯罪的人也是按呢。

20

(THR) Hôai-īn i ê thai beh bōe-kì-tit i; thâng chia̍h i, beh lia̍h chòe tiⁿ; I bô koh siū kì-liām; Put-gī beh chhin-chhiūⁿ chhiū siū at-chı̍h.

(BCL) 懷孕伊的胎欲記得伊；蟲食伊，欲掠做甜；伊無閣受紀念。不義欲親像樹受遏折。

21

(THR) I khi-hū bô hôai-īn bô siⁿ-kiáⁿ ê hū-jîn-lâng; Bô hó khóan-thāi chiú-kóaⁿ-lâng.

(BCL) 伊欺負無懷孕無生子的婦仁人，無好款待守寡人。

22

(THR) Koh ēng I ê kôan-lêng pó-chôan kiông-béng ê lâng; Sui-jiân i ê o̍ah-miā cho̍at-bāng, iáu-kú ōe koh khí-lâi.

(BCL) 閣用伊的權能保全強猛的人；雖然伊的活命絕望猶久會閣起來。

23

(THR) I siúⁿ-sù i an-jiân, i chiū ū só͘ óa-khò, I ê ba̍k-chiu iā khòaⁿ-kò͘ in ê lō͘.

(BCL) 伊賞賜伊安然，伊就有所倚靠；伊的目睭也看顧的路。

24

(THR) In seng-kôaiⁿ, tiap-á-kú chiū bô--khì; In kàng-kē, hō͘ lâng siu-sı̍p, chhin-chhiūⁿ chèng-lâng, Koh chhin-chhiūⁿ be̍h-sūi siū koah--khí-lâi.

(BCL) 升高，霎仔久就無去；降低，互人收拾，親像眾人，閣親像麥穗受割起來。

25

(THR) Nā m̄-sī án-ni, chī-chūi ōe chèng-bêng góa sī pe̍h-chha̍t--ê, Iā hō͘ góa ê ōe kui tī khang-khang ah?

(BCL) 若呣是按呢，是誰會證明我是白賊者，也互我的話歸佇空空啊？

Bible Color Mark

• 台語漢字羅馬本
• 巴克禮全羅