利未記 第 15 章

1

(THR) Iâ-hô-hoa hoan-hù Mô͘-se A-lûn kóng,

(BCL) 耶和華吩咐摩西、亞倫講：

2

(THR) Lín tio̍h hoan-hù Í-sek-lia̍t lâng, kā in kóng, Lâng nā hōan-tio̍h hā-siau ê chèng, i in-ūi chit ê hā-siau ê chèng chiū bô chheng-khì.

(BCL) 「恁著吩咐以色列人，給講：人若患著下痟的症，伊因為此個下痟的症就無清氣。

3

(THR) I in-ūi hā-siau ê bô chheng-khì sī chit-khóan; bô-lūn sī tūi-cheng, á-sī se̍k-lîm, lóng sī bô chheng-khì.

(BCL) 伊因為下痟的無清氣是此款，無論是　精，抑是色淋，攏是無清氣。

4

(THR) Kìⁿ-nā hōan-tio̍h hā-siau ê, i só͘ tó ê chhn̂g, lóng sī bô chheng-khì; i só͘ chē ê mı̍h, iā-sī bô chheng-khì.

(BCL) 見若患著下痟的，伊所倒的床攏是無清氣，伊所坐的物也是無清氣。

5

(THR) Kìⁿ-nā bong-tio̍h i ê chhn̂g ê, tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 見若摸著伊的床的，著洗伊的衫，家己洗佇水裡，無清氣到下昏。

6

(THR) Hit ê chē-tio̍h hā-siau ê lâng só͘ bat chē ê mı̍h ê, tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 彼個坐著下痟的人所曾坐的物的，著洗伊的衫，家己洗佇水裡，無清氣到下昏。

7

(THR) Hit ê bong-tio̍h hā-siau ê lâng ê seng-khu ê, tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 彼個摸著下痟的人的身軀的，著洗伊的衫，家己洗佇水裡，無清氣到下昏。

8

(THR) Nā hā-siau ê lâng phùi-nōa tī chheng-khì ê lâng ê seng-khu, hit-lâng tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 若下痟的人呸涎佇清氣的人的身軀，彼人著洗伊的衫，家己洗佇水裡，無清氣到下昏。

9

(THR) Hā-siau ê lâng só͘ khiâ ê bé-oaⁿ iā-sī bô chheng-khì.

(BCL) 下痟的人所騎的馬鞍也是無清氣。

10

(THR) I sin-ē só͘ óa-tio̍h ê mı̍h, kìⁿ-nā bong-tio̍h i tek-khak bô chheng-khì kàu ê-hng; the̍h-tio̍h hit ê mı̍h ê tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 伊身下所倚著的物，見若摸著伊的確無清氣到下昏；提著彼個物的，著洗伊的衫，家己洗佇水裡，無清氣到下昏。

11

(THR) Hā-siau ê lâng iáu-bē ēng chúi sóe-chhiú i só͘ bong-tio̍h ê lâng tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 下痟的人猶未用水洗手，伊所摸著的人著洗伊的衫，家己洗佇水裡，無清氣到下昏。

12

(THR) Hā-siau ê lâng só͘ bong-tio̍h hûi ê khì-kū tio̍h kòng-phòa; chhâ ê khì-kū tio̍h ēng chúi sóe.

(BCL) 下痟的人所摸著磁的器具著摃破；柴的器具著用水洗。

13

(THR) Hā-siau ê lâng i ê hā-siau í-keng hó, ūi-tio̍h beh chheng-khì ka-kī, tio̍h sǹg chhit-jı̍t, iā tio̍h sóe i ê saⁿ, ēng o̍ah-chúi sóe seng-khu, chiū tit-tio̍h chheng-khì.

(BCL) 「下痟的人伊的下痟已經好，為著欲清氣家己著算七日，也著洗伊的衫，用活水洗身軀，就得著清氣。

14

(THR) Kàu tē-poeh jı̍t i tio̍h ūi-tio̍h ka-kī chhú nn̄g chiah ka-chui, á-sī nn̄g-chiah chíⁿ-á-kiáⁿ, kàu hōe-bō͘ mn̂g-kháu Iâ-hô-hoa ê bīn-chêng, kau-tài chè-si;

(BCL) 到第八日，伊著為著家己取二隻鳩鵻，抑是二隻鴿仔子，到會幕門口、耶和華的面前，交代祭司。

15

(THR) chè-si tio̍h hiàn i, chı̍t-chiah chòe sio̍k-chōe-chè, chı̍t-chiah chòe sio-chè; chè-si tio̍h in-ūi i ê hā-siau ê chèng tī Iâ-hô-hoa ê bīn-chêng kā i sio̍k-chōe.

(BCL) 祭司著獻伊一隻做贖罪祭，一隻做燒祭；祭司著因為伊的下痟的症，佇耶和華的面前給伊贖罪。

16

(THR) Lâng nā bōng-ûi, tio̍h ēng chúi sóe seng-khu, tek-khak bô chheng-khì kàu ê-hng.

(BCL) 「人若夢遺，著用水洗身軀，的確無清氣到下昏。

17

(THR) Bô-lūn saⁿ-á-khò͘, á-sī phê bak-tio̍h cheng tio̍h ēng chúi sóe, tek-khak bô chheng-khì kàu ê-hng.

(BCL) 無論衫仔褲，抑是皮染著精，著用水洗，的確無清氣到下昏。

18

(THR) Nā lâm-lú kau-ha̍p, nn̄g lâng tio̍h ēng chúi sóe, tek-khak bô chheng-khì kàu ê-hng.

(BCL) 若男女交合，二人著用水洗，的確無清氣到下昏。

19

(THR) Hū-jîn-lâng kiâⁿ-keng lâu-huih, tek-khak ù-òe kàu chhit-jı̍t kú; kìⁿ-nā bong-tio̍h i ê, tek-khak bô chheng-khì kàu ê-hng.

(BCL) 「婦仁人行經流血，的確污穢到七日久；見若摸著伊的，的確無清氣到下昏。

20

(THR) Tī i ù-òe ê sî-kan, kìⁿ-nā i só͘ tó ê mı̍h lóng sī bô chheng-khì; kìⁿ-nā i só͘ chē ê mı̍h, iā sī bô chheng-khì.

(BCL) 佇伊污穢的時間，見若伊所倒的物攏是無清氣，見若伊所坐的物也是無清氣。

21

(THR) Kìⁿ-nā bong-tio̍h i ê bîn-chhn̂g ê, tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 見若摸著伊的眠床的，著洗伊的衫，家己洗佇水裡，無清氣到下昏。

22

(THR) Kìⁿ-nā bong-tio̍h i só͘ chē ê mı̍h ê, tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 見若摸著伊所坐的物的，著洗伊的衫，家己洗佇水裡，無清氣到下昏。

23

(THR) Hit ê mı̍h nā sī tī chhn̂g-nı̍h á-sī tī hū-jîn-lâng só͘ chē ê mı̍h, bong-tio̍h i ê, tek-khak bô chheng-khì kàu ê-hng.

(BCL) 彼個物若是佇床裡，抑是佇婦仁人所坐的物，摸著伊的，的確無清氣到下昏。

24

(THR) Ta-po͘-lâng nā kap hit ê hū-jîn-lâng tâng-pâng, hō͘ i ê lâ-sâm bak-tio̍h, tio̍h chhit-jı̍t kú bô chheng-khì, kìⁿ-nā i só͘ tó ê chhn̂g iā bô chheng-khì.

(BCL) 查甫人若及彼個婦仁人同房，互伊的垃墋染著，著七日久無清氣；見若伊所倒的床也無清氣。

25

(THR) Hū-jîn-lâng nā tī keng-kî í-gōa hōan-tio̍h chōe-chōe jı̍t ê hiat-lāu, á-sī keng-kî í-āu ū hiat-lāu; i chiū in-ūi chit ê hiat-lāu bô chheng-khì ê jı̍t kap i keng-kî ê jı̍t chı̍t-iūⁿ; i sī bô chheng-khì.

(BCL) 「婦仁人若佇經期以外患著多多日的血漏，抑是經期以後有血漏，伊就因為此個血漏無清氣的日，及伊經期的日一樣，伊是無清氣。

26

(THR) Tī i hiat-lāu it-chhè ê jı̍t, kìⁿ-nā i só͘ tó ê chhn̂g i tio̍h khòaⁿ chhin-chhiūⁿ keng-kî ê chhn̂g chı̍t-iūⁿ; iā kìⁿ-nā i só͘ chē ê mı̍h tek-khak bô chheng-khì, kap i keng-kî ê sî bô chheng-khì chı̍t-iūⁿ.

(BCL) 佇伊血漏一切的日，見若伊所倒的床，伊著看親像經期的床一樣，也見若伊所坐的物的確無清氣，及伊經期的時無清氣一樣。

27

(THR) Kìⁿ-nā bong-tio̍h hiah ê mı̍h-ê chiū bô chheng-khì; tio̍h sóe i ê saⁿ, ka-kī sóe tī chúi-nı̍h, bô chheng-khì kàu ê-hng.

(BCL) 見若摸著許個物的，就無清氣，著洗伊的衫，家己洗佇水裡，無清氣到下昏。

28

(THR) Hū-jîn-lâng hiat-lāu nā í-keng hó, tio̍h ūi ka-kī sǹg chhit-jı̍t, jiân-āu chiah chheng-khì.

(BCL) 婦仁人血漏若已經好，著為家己算七日，然後才清氣。

29

(THR) Kàu tē-poeh jı̍t, i tio̍h ūi ka-kī chhú nn̄g chiah ka-chui á-sī nn̄g chiah chíⁿ-á-kiáⁿ, tòa kàu hōe-bō͘ mn̂g-kháu, kau-tài chè-si.

(BCL) 到第八日，伊著為家己取二隻鳩鵻抑是二隻鴿仔子，帶到會幕門口，交代祭司。

30

(THR) Chè-si tio̍h hiàn chı̍t-chiah chòe sio̍k-chōe-chè, chı̍t-chiah chòe sio-chè; chè-si in-ūi hit-lâng hiat-lāu bô chheng-khì tio̍h tī Iâ-hô-hoa ê bīn-chêng ūi-tio̍h i sio̍k-chōe.

(BCL) 祭司著獻一隻做贖罪祭，一隻做燒祭；祭司因為彼人血漏無清氣，著佇耶和華的面前為著伊贖罪。

31

(THR) Lín tio̍h án-ni hō͘ Í-sek-lia̍t lâng kap in ê bô chheng-khì keh-tn̄g; bián-tit in phah lâ-sâm tī in tiong-kan Góa ê hōe-bō͘, tì-kàu sí tī in ê bô chheng-khì.

(BCL) 「恁著按呢互以色列人及的無清氣隔斷，免得拍垃墋佇中間我的會幕，致到死佇的無清氣。」

32

(THR) Che sī hōan-tio̍h hā-siau-chèng kap bōng-ûi tì-kàu i bô chheng-khì ê; kap hit-ê ū keng-kî ê pīⁿ ê hū-jîn-lâng, kap hōan-tio̍h hā-siau-ê, bô-lūn lâm-lú, í-kı̍p lâng kap bô chheng-khì ê hū-jîn-lâng tâng-pâng-ê ê kui-lē.

(BCL) 這是患著下痟症及夢遺致到伊無清氣的，

33

(THR) 及彼個有經期的病的婦仁人及患著下痟的，無論男女，以及人及無清氣的婦仁人同房的的規例。

Bible Color Mark

• 台語漢字羅馬本
• 巴克禮全羅