利未記 第 21 章

1

(THR) Iâ-hô-hoa tùi Mô͘-se kóng, Lí tio̍h hoan-hù A-lûn ê kiáⁿ-sun chòe chè-si-ê kóng, Cho̍k-tiong ū lâng sí, m̄-thang ūi-tio̍h i lâi phah lâ-sâm ka-kī.

(BCL) 耶和華對摩西講：「你著吩咐亞倫的子孫做祭司者講：族中有人死，呣通為著伊來拍垃墋家己，

2

(THR) To̍k-to̍k ūi-tio̍h i kut-jio̍k ê chhin, chiū-sī ūi-tio̍h i ê lāu-bú, ūi-tio̍h i ê lāu-pē, ūi-tio̍h i ê kiáⁿ, ūi-tio̍h i ê cha-bó͘-kiáⁿ, ūi-tio̍h i ê hiaⁿ-tī,

(BCL) 獨獨為著伊骨肉的親就是為著伊的老母，為著伊的老父，為著伊的子，為著伊的查某子，為著伊的兄弟，

3

(THR) í-kı̍p kap i chì-chhin chòe chāi-sek-lú ê chí-bē, ūi-tio̍h i thang phah lâ-sâm ka-kī.

(BCL) 以及及伊至親、做在室女的姊妹，為著伊通拍垃墋家己。

4

(THR) I í-keng tī peh-sìⁿ-tiong chòe-thâu, chiū m̄-thang chiông-sio̍k lâi phah lâ-sâm ka-kī.

(BCL) 伊已經佇百姓中做頭，就呣通從俗來拍垃墋家己。

5

(THR) Thâu-khak m̄-thang thì-kng-kng; chhùi-chhiu ê chiu-ûi m̄-thang khun; iā m̄-thang ka-kī koah-bah.

(BCL) 頭殼呣通剃光光；嘴鬚的周圍呣通髡，也呣通家己割肉。

6

(THR) Tio̍h kui in ê Siōng-tè lâi chiâⁿ-sèng, m̄-thang siat-to̍k in ê Siōng-tè ê miâ; in-ūi Iâ-hô-hoa ê hé-chè sī in ê Siōng-tè ê chia̍h-mı̍h, sī in só͘ hiàn-ê, só͘-í in tio̍h chiâⁿ chòe sèng.

(BCL) 著歸的上帝來成聖，呣通褻瀆的上帝的名；因為耶和華的火祭，是的上帝的食物，是所獻的，所以著成做聖。

7

(THR) In m̄-thang chhōa kī-lú chòe-bó͘, á-sī siū phah lâ-sâm ê hū-jîn-lâng chòe-bó͘; iā m̄-thang chhōa hō͘ tiōng-hu lî-chhut ê hū-jîn-lâng chòe-bó͘; in-ūi in sī kui in ê Siōng-tè chòe-sèng.

(BCL) 呣通娶妓女做某，抑是受拍垃墋的婦仁人做某，也呣通娶互丈夫離出的婦仁人做某，因為是歸的上帝做聖。

8

(THR) Só͘-í lí tio̍h hun-piat i chòe-sèng; in-ūi i hiàn lí ê Siōng-tè ê chia̍h-mı̍h, lí tio̍h khòaⁿ i chòe-sèng; in-ūi Góa, hō͘ lín chiâⁿ-sèng ê Iâ-hô-hoa, chiū-sī sèng-ê.

(BCL) 所以你著分別伊做聖，因為伊獻你的上帝的食物；你著看伊做聖，因為我──互恁成聖的耶和華──就是聖者。

9

(THR) Chè-si ê cha-bó͘-kiáⁿ nā kiâⁿ-îm, lêng-jio̍k ka-kī, chiū-sī lêng-jio̍k i ê lāu-pē, tio̍h ēng hé sio i.

(BCL) 祭司的查某子若行淫凌辱家己，就是凌辱伊的老父，著用火燒伊。

10

(THR) Tī hiaⁿ-tī-tiong chòe chè-si-thâu, ēng boah ê iû thîn tī i ê thâu-khak, koh siat-lı̍p tam-tng sèng-chit, chhēng sèng saⁿ ê, m̄-thang phah-sòaⁿ thâu-mn̂g, iā m̄-thang thiah-lı̍h saⁿ.

(BCL) 「佇兄弟中做祭司頭，用抹的油斟佇伊的頭殼，閣設立擔當聖職，穿聖衫的，呣通拍散頭毛，也呣通拆裂衫。

11

(THR) M̄-thang óa-kūn sí-si; iā m̄-thang ūi-tio̍h i ê lāu-pē, á-sī i ê lāu-bú, phah lâ-sâm ka-kī.

(BCL) 呣通倚近死屍，也呣通為著伊的老父抑是伊的老母，拍垃墋家己。

12

(THR) M̄-thang chhut sèng-só͘, iā m̄-thang siat-to̍k i ê Siōng-tè ê sèng-só͘, in-ūi i ê Siōng-tè boah-iû ê bián-liû tī i ê thâu-khak; Góa sī Iâ-hô-hoa.

(BCL) 呣通出聖所，也呣通褻瀆伊的上帝的聖所，因為伊的上帝抹油的冕旒佇伊的頭殼。我是耶和華。

13

(THR) I tio̍h chhōa chāi-sek-lú chòe-bó͘.

(BCL) 伊著娶在室女做某。

14

(THR) Kóaⁿ-hū, á-sī siū-lî ê hū-jîn-lâng, á-sī siū phah lâ-sâm-ê, á-sī chhiong-ki chiah-ê, lóng m̄-thang chhōa; to̍k-to̍k thang chhōa pún-cho̍k ê chāi-sek-lú chòe-bó͘.

(BCL) 寡婦抑是受離的婦仁人，抑是受拍垃墋者抑是娼妓諸個，攏呣通娶；獨獨通娶本族的在室女做某。

15

(THR) Tī i ê peh-sìⁿ-tiong m̄-thang lêng-jio̍k i ê hō͘-è; in-ūi Góa sī hō͘ i chiâⁿ-sèng ê Iâ-hô-hoa.

(BCL) 佇伊的百姓中呣通凌辱伊的後裔，因為我是互伊成聖的耶和華。」

16

(THR) Iâ-hô-hoa hoan-hù Mô͘-se kóng,

(BCL) 耶和華吩咐摩西講：

17

(THR) Lí tio̍h kā A-lûn kóng, Lí ta̍k sè-tāi ê hō͘-è kìⁿ ū phòa-siùⁿ ê, lóng m̄-thang kūn-chêng lâi hiàn i ê Siōng-tè ê chia̍h-mı̍h.

(BCL) 「你著給亞倫講：你逐世代的後裔，見有破相的，攏呣通近前來獻伊的上帝的食物。

18

(THR) In-ūi kìⁿ-ū phòa-siùⁿ ê lâng, bô-lūn sī chhiⁿ-mî-ê, pái-kha-ê, nah-phīⁿ-ê, chi-thé ū ke-ê,

(BCL) 因為見有破相的人，無論是睛暝的、跛腳的，凹鼻的、肢體有加的、

19

(THR) chı̍h-kha chı̍h-chhiú ê, ún-ku-ê, óe-sòe-ê,

(BCL) 折腳折手的、

20

(THR) ba̍k-chiu ū mâu-pēng-ê, siⁿ-sián-ê, siⁿ-chhng-ê, á-sī sún-hōai gōa-sin ê, lóng m̄-thang kūn-chêng-lâi.

(BCL) 瘟痀的、矮細的、目睭有毛病的、生癬的、生瘡的，抑是損壞外身的，攏呣通近前來。

21

(THR) Chè-si A-lûn ê hō͘-è, hōan ū phòa-siùⁿ-ê, lóng m̄-thang kūn-chêng lâi hiàn Iâ-hô-hoa ê hé-chè; i ū phòa-siùⁿ, m̄-thang kūn-chêng lâi hiàn i ê Siōng-tè ê chia̍h-mı̍h.

(BCL) 祭司亞倫的後裔，凡有破相的，攏呣通近前來，獻耶和華的火祭。伊有破相，呣通近前來獻伊的上帝的食物。

22

(THR) Siōng-tè ê chia̍h-mı̍h, bô-lūn sī chì-sèng-ê, sī sèng-ê, i lóng thang chia̍h.

(BCL) 上帝的食物，無論是至聖者，是聖者，伊攏通食。

23

(THR) Chóng-sī m̄-thang lâi kàu tiùⁿ-lî, iā m̄-thang kūn tôaⁿ-chêng, in-ūi i ū phòa-siùⁿ, bián-tit siat-to̍k Góa hiah ê sèng-só͘; in-ūi Góa sī hō͘ in chiâⁿ-sèng ê Iâ-hô-hoa.

(BCL) 總是呣通來到帳簾，也呣通近壇前，因為伊有破相，免得褻瀆我許個聖所。因為我是互成聖的耶和華。」

24

(THR) Tùi án-ni Mô͘-se hoan-hù A-lûn kap i hiah ê kiáⁿ kap Í-sek-lia̍t chèng-lâng kóng.

(BCL) 對按呢，摩西吩咐亞倫及伊許個子，及以色列眾人講。

Bible Color Mark

• 台語漢字羅馬本
• 巴克禮全羅