路加福音 第 8 章

1

(THR) Kè bô kúi jı̍t, Iâ-so͘ sì-kòe kiâⁿ ta̍k ê siâⁿ ta̍k ê hiuⁿ-siā, soan-thôan lâi pò-iông Siōng-tè kok ê hok-im; cha̍p-jī ê ha̍k-seng iā kap I khì;

(BCL) 過無幾日，耶穌四界行逐個城逐個鄉社，宣傳來報揚上帝國的福音。十二個學生也及伊去，

2

(THR) iā ū kúi-nā ê hū-jîn-lâng, ū-ê bat hōan-tio̍h kúi, ū-ê ū phòa-pīⁿ, taⁿ í-keng tit-tio̍h i-hó; kî-tiong ū Bo̍at-tāi-lia̍p ê Má-lī-a, bat ū chhit ê kúi tùi i chhut-khì;

(BCL) 也有幾若個婦仁人，有的曾患著鬼，有的有破病今已經得著醫好，其中有抹大拉的馬利亞（曾有七個鬼對伊出去），

3

(THR) koh ū Hi-lu̍t ê kóan-ke Khó͘-sat ê bó͘ Iok-a-ná; koh ū So͘-sat-ná; í-gōa iáu ū chōe-chōe hū-jîn-lâng, lóng ēng in só͘ ū ê lâi ho̍k-sāi in.

(BCL) 閣有希律的管家苦撒的某約亞拿，閣有蘇撒拿，以外猶有多多婦仁人，攏用所有的來服事。

4

(THR) Ū chōe-chōe lâng chū-chı̍p, koh ū lâng tùi ta̍k ê siâⁿ lâi chiū-kūn I;

(BCL) 有多多人聚集，閣有人對逐個城來就近伊，彼時耶穌設譬喻給講：

5

(THR) hit sî Iâ-so͘ siat phì-jū kā in kóng, Ū iā chéng ê chhut-khì iā chéng. Teh iā ê sî, ū-ê ka-la̍uh tī lō͘-piⁿ, hō͘ lâng só͘ ta̍h, thiⁿ-tiong ê pe-chiáu it-chīn chia̍h i.

(BCL) 「有撒種的出去撒種。撒的時，有的磕落佇路邊，互人所踏，天中的飛鳥一盡食伊。

6

(THR) Ū-ê ka-la̍uh tī chio̍h-pôaⁿ téng, hoat-khí-lâi chiū ta-khì, in-ūi bô lūn-te̍k.

(BCL) 有的磕落佇石盤頂，發起來就乾去，因為無潤澤。

7

(THR) Ū-ê ka-la̍uh tī chhì-á tiong, chhì-á pîⁿ-pîⁿ hoat-khí-lâi, jia-pè i.

(BCL) 有的磕落佇茦仔中，茦仔平平發起來，遮蔽伊。

8

(THR) Ū-ê ka-la̍uh tī hó ê thó͘-tōe, hoat-khí-lâi kiat-sı̍t kàu chı̍t-pah pē. Chiah ê ōe kóng-liáu, chiū kiò kóng, Ū hī-khang thang thiaⁿ ê, tio̍h thiaⁿ.

(BCL) 有的磕落佇好的土地，發起來結實到一百倍。」諸個話講了，就叫講：「有耳孔通聽的，著聽！」

9

(THR) I ê ha̍k-seng mn̄g I chit ê phì-jū cháiⁿ-iūⁿ.

(BCL) 伊的學生問伊，此個譬喻怎樣。

10

(THR) Iâ-so͘ kóng, Siōng-tè kok ê ò-biāu hō͘ lín chai; nā-sī tùi pa̍t lâng chiū ēng phì-jū, beh hō͘ in khòaⁿ, khòaⁿ bōe kìⁿ, thiaⁿ iā bōe hiáu-ngō͘.

(BCL) 耶穌講：「上帝國的奧妙互恁知；若是對別人，就用譬喻，欲互看，看見，聽也曉悟。」

11

(THR) Chit ê phì-jū chiū-sī án-ni: Chéng-chí chiū-sī Siōng-tè ê tō-lí.

(BCL) 「此個譬喻就是按呢：種子就是上帝的道理。

12

(THR) Tī lō͘-piⁿ ê, chiū-sī lâng thiaⁿ-kìⁿ tō-lí; Mô͘-kúi chiū lâi, tùi in ê sim-lāi chiong tō-lí chhiúⁿ-khì, bián-tit in sìn lâi tit-tio̍h kiù.

(BCL) 佇路邊的，就是人聽見道理，魔鬼就來，對的心內將道理搶去，免得信來得著救。

13

(THR) Tī chio̍h-pôaⁿ téng ê, chiū-sī lâng thiaⁿ-liáu hoaⁿ-hí sêng-siū tō-lí; nā-sī in bô kun, sī chiām-sî sìn nā-tiāⁿ, tú-tio̍h chhì-liān ê sî chiū pōe-biū.

(BCL) 佇石磐頂的，就是人聽了歡喜承受道理，若是無根，是暫時信若定，抵著試煉的時就悖謬。

14

(THR) Lo̍h tī chhì-á lāi ê, chiah-ê chiū-sī lâng thiaⁿ-liáu chiū khì, hō͘ chāi-siⁿ ê khòa-lū, hè-châi, iàn-lo̍k só͘ jia-pè, chiū kiat m̄ chiâⁿ lia̍p.

(BCL) 落佇茦仔內的，諸個就是人聽了就去，互在生的掛慮、貨財、宴樂所遮蔽，就結呣成粒。

15

(THR) Tī hó thó͘-tōe ê, chiah-ê chiū-sī lâng ēng hó koh siān-liông ê sim thiaⁿ tō-lí lâi chip-siú i, koh thun-lún lâi kiat-sı̍t.

(BCL) 佇好土地的，諸個就是人用好閣善良的心聽道理來執守伊，閣吞來結實。」

16

(THR) Bô lâng tiám teng ēng khì-kū lâi khàm i, á-sī hē tī bîn-chhn̂g ē, chiū-sī hē tī teng-tâi téng, hō͘ jı̍p-lâi ê lâng khòaⁿ-kìⁿ hit ê kng.

(BCL) 「無人點燈用器具來蓋伊，抑是下佇眠床下，就是下佇燈台頂，互入來的人看見彼個光。

17

(THR) In-ūi bô ū ún-ba̍t, iā chiong-lâi bô lō͘-hiān ê; bô ū pì-ba̍t, chiong-lâi bô hō͘ lâng chai koh lō͘-hiān ê.

(BCL) 因為無有隱密也將來無露現的；無有秘密將來無互人知閣露現的。

18

(THR) Só͘-í lín tio̍h kín-sīn cháiⁿ-iūⁿ lâi thiaⁿ; in-ūi kìⁿ-nā ū ê, beh hō͘ i; bô ê, liân i ka-kī lia̍h-chòe ū ê, iā beh kā i chhiúⁿ-khì.

(BCL) 所以，恁著謹慎怎樣來聽；因為見若有的，欲互伊；無的，連伊家己掠做有的，也欲給伊搶去。」

19

(THR) Iâ-so͘ ê lāu-bú kap hiaⁿ-tī lâi chiū-kūn I; in-ūi lâng chōe, bōe-tit kūn-óa.

(BCL) 耶穌的老母及兄弟來就近伊，因為人多，得近倚。

20

(THR) Ū lâng kā I kóng, Lí ê lāu-bú kap lí ê hiaⁿ-tī khiā tī gōa-bīn, ài beh khòaⁿ lí.

(BCL) 有人給伊講：「你的老母及你的兄弟徛佇外面，愛欲看你。」

21

(THR) I ìn kóng, Góa ê lāu-bú kap góa ê hiaⁿ-tī chiū-sī chiah ê thiaⁿ Siōng-tè ê tō-lí lâi kiâⁿ ê lâng.

(BCL) 伊應講：「我的老母及我的兄弟，就是諸個聽上帝的道理來行的人。」

22

(THR) Ū chı̍t jı̍t Iâ-so͘ kap I ê ha̍k-seng chiūⁿ chûn, kā in kóng, Lán lâi khì ô͘ ê hit pêng hōaⁿ. Chiū khui chûn.

(BCL) 有一日，耶穌及伊的學生上船，給講：「咱來去湖的彼旁岸。」就開船。

23

(THR) Kiâⁿ ê sî Iâ-so͘ khùn-khì. Ū pò-thâu-hong phah-lo̍h-lâi ô͘-nı̍h, chûn-lāi ê chúi chha-put-to móa, chīn-chāi gûi-hiám.

(BCL) 行的時，耶穌睏去。有颶頭風拍落來湖裡，船內的水差不多滿，盡在危險。

24

(THR) Ha̍k-seng kūn-óa, kiò I chhíⁿ, kóng, Sian-siⁿ ah, sian-siⁿ ah, beh bô miā lah. I chiū chhíⁿ, chek-pī hong kap hái-éng, hong éng chiū soah, iā pîⁿ-tiāⁿ.

(BCL) 學生近倚叫伊醒，講：「先生啊！先生啊！欲無命啦！」伊就醒，責備風及海湧；風湧就息，也平定。

25

(THR) I chiū kā ha̍k-seng kóng, Lín ê sìn tī tá-lo̍h? In chiū kiaⁿ-hiâⁿ kî-kòai, saⁿ-kap kóng, Che sī sím-mı̍h lâng, bēng-lēng hong kap chúi, in iā sūn I?

(BCL) 伊就給學生講：「恁的信佇叨落？」就驚惶奇怪，相及講：「這是甚麼人？命令風及水，也順伊？」

26

(THR) Chûn kàu Keh-lah-sim lâng ê tōe-hng, chiū-sī Ka-lī-lī ê tùi-bīn.

(BCL) 船到格拉森人的地方，就是加利利的對面。

27

(THR) Iâ-so͘ lī-khui chûn, chiūⁿ hōaⁿ; ū chı̍t lâng tùi siâⁿ-nı̍h chhut-lâi tú-tio̍h I, sī hōan-tio̍h kúi ê, kú-kú bô chhēng saⁿ bô tiàm chhù-lāi, to̍k-to̍k tiàm tī hûn-bōng tiong.

(BCL) 耶穌離開船上岸，有一人對城裡出來抵著伊，是患著鬼的。久久無穿衫，無厝內，獨獨佇墳墓中。

28

(THR) Khòaⁿ-kìⁿ Iâ-so͘ chiū âu-kiò, phak tī I ê bīn-chêng, tōa siaⁿ kóng, Chì-kôaiⁿ Siōng-tè ê Kiáⁿ Iâ-so͘, góa kap lí ū sím-mı̍h kan-sia̍p? kiû lí bo̍h-tit khó͘-chhó͘ góa.

(BCL) 看見耶穌就喉叫，仆佇伊的面前，大聲講：「至高上帝的子耶穌，我及你有甚麼干涉？求你莫得苦楚我！」

29

(THR) In-ūi Iâ-so͘ ū bēng-lēng siâ-sîn tùi hit ê lâng chhut-lâi. In-ūi siâ-sîn siông-siông lia̍h i; lâng ēng thih-liān liān i, ēng kha-khàu khàu i, lâi kò͘-siú i; i chiū chhoah-tn̄g só͘ pa̍k i ê khì-kū, i hō͘ kúi kóaⁿ kàu khòng-iá.

(BCL) 因為耶穌有命令邪神對彼個人出來。因為邪神常常掠伊；人用鐵鍊鍊伊，用腳銬銬伊，來顧守伊，伊就掇斷所縛伊的器具，伊互鬼趕到曠野。

30

(THR) Iâ-so͘ mn̄g i kóng, Lí kiò sím-mı̍h miâ? I kóng, Iâⁿ; in-ūi ū chōe-chōe kúi jı̍p i.

(BCL) 耶穌問伊講；「你叫甚麼名？」伊講：「營」；因為有多多鬼入伊。

31

(THR) Kúi kiû Iâ-so͘ bo̍h-tit hoan-hù in jı̍p chhim-ian.

(BCL) 鬼求耶穌，莫得吩咐入深淵。

32

(THR) Tī hia ū kui tīn ti, tī soaⁿ-nı̍h teh thó-chia̍h. Kúi kiû I chún in jı̍p hiah ê ti. Chiū chún in.

(BCL) 佇遐有歸陣豬佇山裡討食。鬼求伊，准入許個豬。就准，

33

(THR) Kúi chiū tùi hit lâng chhut-khì, jı̍p hiah ê ti; kui tīn ti chiū cháu-lo̍h soaⁿ-phiâⁿ, chông-lo̍h ô͘, kek-sí.

(BCL) 鬼就對彼人出去，入許個豬。歸陣豬就走落山坪，落湖激死。

34

(THR) Kò͘-ti ê khòaⁿ-kìⁿ chit ê tāi-chì chiū cháu-khì, pò siâⁿ-lāi kap hiuⁿ-siā ê lâng chai.

(BCL) 顧豬的看見此個代誌就走去，報城內及鄉社的人知。

35

(THR) In chiū chhut-lâi, ài khòaⁿ chit ê tāi-chì; chiū-kūn Iâ-so͘, tú-tio̍h kúi só͘ tùi i chhut-lâi hit lâng, chhēng saⁿ, hāi-chāi, chē tī Iâ-so͘ kha-ē; in chiū kiaⁿ.

(BCL) 就出來愛看此個代誌；就近耶穌，抵著鬼所對伊出來彼人，穿衫，嗐哉，坐佇耶穌腳下，就驚。

36

(THR) Khòaⁿ-kìⁿ ê lâng chiong hōan-tio̍h kúi ê lâng cháiⁿ-iūⁿ tit-tio̍h kiù pò in chai.

(BCL) 看見的人將患著鬼的人怎樣得著救報知。

37

(THR) Keh-lah-sim sì-hng ê lâng lóng kiû Iâ-so͘ lī-khui in; in-ūi in tōa kiaⁿ ê iân-kò͘; I chiū chiūⁿ chûn tò-tńg-khì.

(BCL) 格拉森四方的人，攏求耶穌離開，因為大驚的緣故；伊就上船倒轉去。

38

(THR) Kúi só͘ tùi i chhut-khì ê lâng kiû beh kap I khì. Nā-sī Iâ-so͘ chhe i khì kóng,

(BCL) 鬼所對伊出去的人求欲及伊去，若是耶穌差伊去，講：

39

(THR) Tò-khì lín tau, chiong Siōng-tè ūi-tio̍h lí kiâⁿ hiah tōa ê sū pâi-lia̍t hō͘ lâng chai. I chiū khì, piàn siâⁿ soan-thôan Iâ-so͘ ūi-tio̍h i só͘ kiâⁿ hiah tōa ê sū.

(BCL) 「倒去恁兜，將上帝為著你行許大的事排列互人知。」伊就去，遍城宣傳耶穌為著伊所行許大的事。

40

(THR) Iâ-so͘ tò-tńg-lâi ê sî chèng lâng chiap-la̍p I; in-ūi in lóng teh thèng-hāu I.

(BCL) 耶穌倒轉來的時，眾人接納伊，因為攏聽候伊。

41

(THR) Ū chı̍t lâng, miâ Gâi-ló͘, chiū-sī kóan hōe-tn̂g ê, lâi phak tī Iâ-so͘ ê kha-ē, kiû I kàu i ê ke;

(BCL) 有一人名叫睚魯，就是管會堂的，來仆佇耶穌的腳下，

42

(THR) in-ūi i ū ko͘-siⁿ ê cha-bó͘-kiáⁿ iok-lio̍k cha̍p-jī hè, teh-beh sí. Iâ-so͘ khì ê sî, chèng lâng oe-khoeh I.

(BCL) 求伊到伊的家；因為伊有孤生的查某子，約略十二歲，欲死。耶穌去的時，眾人挨夾伊。

43

(THR) Ū chı̍t ê hū-jîn-lâng, hiat-lāu cha̍p-jī nî, in-ūi chhiáⁿ i-seng ke-hé phòa kàu liáu, bô chı̍t lâng ōe i-hó i,

(BCL) 有一個婦仁人，血漏十二年，因為請醫生家伙破到了，無一人會醫好伊。

44

(THR) lâi kàu Iâ-so͘ ê ka-chiah-āu, bong I saⁿ-á-ku ê chhiu; hiat-lāu chek-sî chí.

(BCL) 來到耶穌的尻脊後，摸伊衫仔裾的鬚，血漏即時止。

45

(THR) Iâ-so͘ kóng, Bong góa ê sī chī-chūi? Tāi-ke kóng bô; Pí-tek kap tâng kiâⁿ ê lâng kóng, Sian-siⁿ, chèng lâng pek-óa, khoeh-tio̍h lí.

(BCL) 耶穌講：「摸我的是是誰？」大家講無。彼得及同行的人講：「先生，眾人迫倚夾著你。」

46

(THR) Iâ-so͘ kóng, Ū lâng bong góa, in-ūi góa chai ū kôan-lêng tùi góa chhut.

(BCL) 耶穌講：「有人摸我，因為我知有權能對我出。」

47

(THR) Hū-jîn-lâng khòaⁿ i khǹg bōe ba̍t, ngia̍uh-ngia̍uh-chhoah lâi phak tī I kha-ē; tng chèng lâng ê bīn-chêng kóng-bêng bong I ê iân-kò͘, kap i cháiⁿ-iūⁿ liâm-piⁿ hó.

(BCL) 婦仁人看伊囥密，愕愕惙來仆佇伊腳下，當眾人的面前講明摸伊的緣故，及伊怎樣連鞭好。

48

(THR) Iâ-so͘ kā i kóng, Hū-jîn-lâng ah, lí ê sìn ū kiù lí, chòe lí an-sim tò-khì.

(BCL) 耶穌給伊講：「婦仁人啊，你的信有救你；做你安心倒去！」

49

(THR) I iáu teh kóng ê sî, ū lâng tùi kóan hōe-tn̂g ê ê ke lâi kóng, Lí ê cha-bó͘-kiáⁿ í-keng sí, bián lô-tōng sian-siⁿ.

(BCL) 伊猶講的時，有人對管會堂者的家來，講：「你的查某子已經死，免勞動先生。」

50

(THR) Iâ-so͘ thiaⁿ-kìⁿ chiū ìn i kóng, M̄ bián kiaⁿ, chí-ū tio̍h sìn, i chiū tit-tio̍h kiù.

(BCL) 耶穌聽見就應伊講：「呣免驚，只有著信，伊就得著救。」

51

(THR) Í-keng kàu i ê ke, tī Pí-tek, Iok-hān, Ngá-kok, kap cha-bó͘ gín-ná ê pē-bú í-gōa, m̄ chún pa̍t lâng kap I jı̍p-khì.

(BCL) 已經到伊的家，佇彼得、約翰、雅各，及查某囝仔的父母以外，呣准別人及伊入去。

52

(THR) Chèng lâng teh thî-khàu, ūi-tio̍h i lâi tûi heng; Iâ-so͘ kóng, Bo̍h-tit thî-khàu, in-ūi i m̄ sī sí, sī teh khùn nā-tiāⁿ.

(BCL) 眾人啼哭，為著伊來搥胸。耶穌講：「莫得啼哭！因為伊呣是死，是睏若定。」

53

(THR) In chiū thí-chhiò I, in-ūi chai i í-keng sí lah.

(BCL) 就恥笑伊，因為知伊已經死啦。

54

(THR) Iâ-so͘ khan cha-bó͘ gín-ná ê chhiú kiò kóng, Cha-bó͘ gín-ná, khí-lâi.

(BCL) 耶穌牽查某囝仔的手，叫講：「查某囝仔，起來！」

55

(THR) I ê sîn ho̍k-tò, chek-sî khí-lâi; Iâ-so͘ hoan-hù hō͘ i chia̍h.

(BCL) 伊的神復倒，即時起來。耶穌吩咐互伊食。

56

(THR) I ê pē-bú gông-ngia̍h; Iâ-so͘ bēng-lēng in bo̍h-tit chiong só͘ kiâⁿ ê kā lâng kóng.

(BCL) 伊的父母卬愕；耶穌命令，莫得將所行的給人講。

Bible Color Mark

• 台語漢字羅馬本
• 巴克禮全羅