馬可福音 第 4 章

1

(THR) Iâ-so͘ koh tī hái-piⁿ khui chhùi kà-sī. Ū kui tōa tīn ê lâng chū-chı̍p chiū-kūn I, tì-kàu I chiūⁿ chûn phû tī hái-bīn teh chē; chèng lâng lóng óa-kūn hái, khiā tī ta tōe.

(BCL) 耶穌閣佇海邊開嘴教示。有歸大陣的人聚集就近伊，致到伊上船浮佇海面坐。眾人攏倚近海，徛佇乾地。

2

(THR) . I chiū ēng phì-jū kà-sī in chōe-chōe hāng;

(BCL) 伊就用譬喻教示多多項。教示的時，給講：

3

(THR) . teh kà-sī ê sî kā in kóng, Tio̍h thiaⁿ ah: Lí khòaⁿ, ū iā chéng ê chhut-khì iā chéng;

(BCL) 「著聽啊！你看，有撒種的出去撒種。

4

(THR) . iā ê sî, ū-ê ka-la̍uh tī lō͘-pīⁿ, pe-chiáu kàu, it-chīn chia̍h i.

(BCL) 撒的時，有的磕落佇路邊，飛鳥到一盡食伊；

5

(THR) . Ū-ê ka-la̍uh tī chio̍h-keh ê tōe, thô͘ chhián ê ūi; in-ūi thô͘ bô chhim, chiū hoat chin kín;

(BCL) 有的磕落佇石的地，土淺的位，因為土無深，就發真緊，

6

(THR) . nā-sī jı̍t chhut, pha̍k i, in-ūi bô kun chiū ko͘-tâ.

(BCL) 若是日出曝伊，因為無根，就枯焦；

7

(THR) . Ū-ê ka-la̍uh tī chhì-á-lāi, chhì-á hoat-khí jia-pè i, chiū bô kiat-sı̍t.

(BCL) 有的磕落佇莿仔內，莿仔發起，遮蔽伊，就無結實；

8

(THR) . Ū-ê ka-la̍uh tī hó ê thó͘-tōe, chiū hoat-khí ná tōa châng, kiat-sı̍t, ū-ê saⁿ-cha̍p pē, ū-ê la̍k-cha̍p pē, ū-ê chı̍t-pah pē.

(BCL) 有的磕落佇好的土地，就發起愈大欉，結實有的三十倍，有的六十倍，有的一百倍」；

9

(THR) . Koh kóng, Ū hī-khang thang thiaⁿ ê, tio̍h thiaⁿ.

(BCL) 閣講：「有耳孔通聽的，著聽！」

10

(THR) . Iâ-so͘ ka-kī tī-teh ê sî, tè I ê lâng kap cha̍p-jī ê ha̍k-seng mn̄g I chiah ê phì-jū.

(BCL) 耶穌家己佇的時，隨伊的人及十二個學生問伊諸個譬喻。

11

(THR) . I chiū kā in kóng, Siōng-tè kok ê ò-biāu ū hō͘ lín; nā-sī hiah ê gōa-bīn lâng hōan-sū sī ēng phì-jū;

(BCL) 伊就給講：「上帝國的奧妙有互恁，若是許個外面人，凡事是用譬喻，

12

(THR) . hō͘ in khòaⁿ, ōe khòaⁿ, iā bōe kìⁿ; thiaⁿ, ōe thiaⁿ iā bōe bêng; kiaⁿ-liáu in o̍at-lìn-tńg, lâi tit-tio̍h sià-bián.

(BCL) 互，看會看，也見；聽會聽，也明；驚了越輪轉，來得著赦免。」

13

(THR) . Koh kā in kóng, Lín bōe hiáu-tit chit ê phì-jū mah? iā thái-thó ōe chai chèng phì-jū ah?

(BCL) 閣給講：「恁曉得此個譬喻嗎？也豈可會知眾譬喻啊？

14

(THR) . Iā chéng ê sī pò-iông tō-lí.

(BCL) 撒種者是報揚道理。

15

(THR) . Iā tī lō͘-piⁿ, pò-iông tō-lí ê só͘-chāi ê, chiū-sī lâng thiaⁿ tō-lí, Sat-tàn liâm-piⁿ lâi, chiong só͘ iā tī in sim-lāi ê tō-lí chhiúⁿ-khì.

(BCL) 撒佇路邊，報揚道理的所在的，就是人聽道理，撒但連鞭來，將所撒佇心內的道理搶去。

16

(THR) . Chiah-ê chhin-chhiūⁿ iā tī chio̍h-keh ê tōe ê, chiū-sī in thiaⁿ-tio̍h tō-lí, liâm-piⁿ hoaⁿ-hí sêng-siū i;

(BCL) 諸個親像撒佇石的地的，就是聽著道理，連鞭歡喜承受伊，

17

(THR) . nā-sī lāi-bīn bô kun, put-kò sī chiām-sî nā-tiāⁿ; kàu ūi-tio̍h tō-lí tú-tio̍h ū hōan-lān khún-tio̍k, liâm-piⁿ tio̍h-tak.

(BCL) 若是內面無根，不過是暫時若定，到為著道理抵著有患難、窘逐，連鞭著觸。

18

(THR) . Iā tī chhì-á lāi ê, chiū-sī lâng í-keng thiaⁿ-tio̍h tō-lí,

(BCL) 撒佇莿仔內的，就是人已經聽著道理，

19

(THR) . chiū ū sè-kan ê khòa-lū, chîⁿ-châi ê bê-he̍k, kap pa̍t mı̍h ê su-io̍k jı̍p lâi jia-pè hit ê tō-lí, chiū bô kiat-sı̍t.

(BCL) 就有世間的掛慮、錢財的迷惑，及別物的私慾入來，遮蔽彼個道理，就無結實。

20

(THR) . Chiah-ê iā tī hó ê thó͘-tōe ê, chiū-sī lâng thiaⁿ tō-lí, ia̍h sêng-siū i, ia̍h kiat-sı̍t, ū-ê saⁿ-cha̍p pē, ū-ê la̍k-cha̍p pē, ū-ê chı̍t-pah pē.

(BCL) 諸個撒佇好的土地的，就是人聽道理，亦承受伊，亦結實，有的三十倍，有的六十倍，有的一百倍。」

21

(THR) . Koh kā in kóng, Lâng kia̍h teng lâi, kiám sī beh hē tī táu ē á-sī chhn̂g ē? kiám m̄ sī beh hē tī teng-tâi téng?

(BCL) 閣給講：「人抬燈來，豈是欲下佇斗下，抑是床下，豈呣是欲下佇燈台頂？

22

(THR) . In-ūi ū ún-ba̍t ê, bô m̄ sī beh hián-chhut; siu-khǹg ê, bô m̄ sī beh lō͘-hiān.

(BCL) 因為有隱密的，無呣是欲顯出；收囥的，無呣是欲露現。

23

(THR) . Nā ū hī-khang thang thiaⁿ ê, tio̍h thiaⁿ.

(BCL) 若有耳孔通聽的，著聽！」

24

(THR) . Koh kā in kóng, Tio̍h kín-sīn só͘ thiaⁿ ê; lín ēng sím-mı̍h niû lâi niû, iā beh ēng che niû hō͘ lín; koh beh ke-thiⁿ hō͘ lín.

(BCL) 閣給講：「著謹慎所聽的。恁用甚麼量來量，也欲用這量互恁，閣欲加添互恁。

25

(THR) . In-ūi kìⁿ-nā ū ê, beh hō͘ i; bô ê, liân i só͘ ū ê, iā beh kā i chhiúⁿ-khì.

(BCL) 因為見若有的，欲互伊；無的，連伊所有的也欲給伊搶去。」

26

(THR) . Koh kóng, Siōng-tè ê kok chhin-chhiūⁿ lâng iā chéng tī tōe-nı̍h;

(BCL) 閣講：「上帝的國親像人撒種佇地裡。

27

(THR) . mî-sî khùn, jı̍t-sî khí-lâi, hit ê chéng-chí hoat, koh chiām-chiām tōa, i m̄ chai hit ê só͘-í-jiân.

(BCL) 暝時睏，日時起來，彼個種子發閣漸漸大，伊呣知彼個所以然。

28

(THR) . Tōe chū-jiân siⁿ mı̍h; khí-thâu sī ng, āu-lâi ū sūi, koh āu-lâi sūi chiū kiat-chiâⁿ gō͘-kak.

(BCL) 地自然生物：起頭是秧，後來有穗，閣後來穗就結成五穀；

29

(THR) . Gō͘-kak í-keng se̍k, chiū ēng koeh-á; in-ūi siu-koah ê sî kàu lah.

(BCL) 五穀已經熟，就用鍥仔，因為收割的時到啦。」

30

(THR) . Koh kóng, Siōng-tè ê kok lán beh cháiⁿ-iūⁿ lâi pí-phēng i? á-sī ēng sím-mı̍h phì-jū piáu-bêng i ah?

(BCL) 閣講：「上帝的國，咱欲怎樣來比並伊？抑是用甚麼譬喻表明伊啊？

31

(THR) . Sī chhin-chhiūⁿ chı̍t lia̍p kòa-chhài chí iā lo̍h tōe, sui-jiân pí tōe-chiūⁿ pah-hāng ê chéng-chí khah sòe lia̍p,

(BCL) 是親像一粒芥菜子，撒落地，雖然比地上百項的種子卡細粒，

32

(THR) . nā-sī í-keng iā lo̍h-khì, chiū hoat-siⁿ chiām-chiām khah tōa tī lóng-chóng ê chhài-soe; koh hoat-chhut tōa ê ki tì-kàu khong-tiong ê chiáu ōe hioh i ê ìm-ē.

(BCL) 若是已經撒落去，就發生，漸漸卡大佇攏總的菜蔬，閣發出大的枝，致到空中的鳥會歇伊的蔭下。」

33

(THR) . I ēng chōe-chōe chhin-chhiūⁿ chit hō ê phì-jū thôan tō-lí hō͘ in, chiàu in só͘ ōe thiaⁿ ê.

(BCL) 伊用多多親像此號的譬喻，傳道理互，照所會聽的。

34

(THR) . Nā bô ēng phì-jū chiū bô kā in kóng; kàu toaⁿ-toaⁿ ha̍k-seng kap I tī-teh ê sî, chiū lóng-chóng kā in kóe-bêng.

(BCL) 若無用譬喻，就無給講；到單單學生及伊佇的時，就攏總給解明。

35

(THR) . Hit jı̍t í-keng àm I kā ha̍k-seng kóng, Lán kè-lâi khì hit pêng hōaⁿ.

(BCL) 彼日已經暗，伊給學生講：「咱過來去彼旁岸。」

36

(THR) . In lī-khui chèng lâng, chhōa Iâ-so͘ chiū án-ni lo̍h chûn, kap in saⁿ-kap khì; iáu ū pa̍t chiah chûn kap I khì.

(BCL) 離開眾人，導耶穌就按呢落船，及相及去；猶有別隻船及伊去。

37

(THR) . Pò-thâu hong tōa khí, éng phoah jı̍p chûn, tì-kàu chûn teh-beh móa.

(BCL) 颶頭風大起，湧潑入船，致到船欲滿。

38

(THR) . Nā-sī I tī chûn-bé tó tī chím-thâu teh khùn; ha̍k-seng kiò I chhíⁿ, kā I kóng, Sian-siⁿ, góan beh bô miā, lí bô iàu-kín mah?

(BCL) 若是伊佇船尾，倒佇枕頭睏。學生叫伊醒，給伊講：「先生！阮欲無命，你無要緊嗎？」

39

(THR) . I chiū chhíⁿ, chek-pī hong, kā hái kóng, Tio̍h chēng-chēng. Hong chiū soah, iā tōa pîⁿ-tiāⁿ.

(BCL) 伊就醒，責備風，給海講：「著靜靜！」風就息，也大平定。

40

(THR) . I chiū kā in kóng, Lín siáⁿ-sū hiah kiaⁿ? lín iáu-bē ū sìn mah?

(BCL) 伊就給講：「恁啥事許驚？恁猶未有信嗎？」

41

(THR) . In chiū tōa kiaⁿ, saⁿ-kap kóng, Chit-ê sī sím-mı̍h lâng, liân hong kap hái lóng sūn I?

(BCL) 就大驚，相及講：「此個是甚麼人，連風及海攏順伊。」

Bible Color Mark

• 台語漢字羅馬本
• 巴克禮全羅