彌迦書 第 3 章

1

(THR) Góa kóng, Ngá-kok chiah ê siú-léng, Í-sek-lia̍t-ke chiah ê koaⁿ-tiúⁿ ah, lín tio̍h thiaⁿ; lín kiám-m̄-tio̍h chai-iáⁿ kong-pêng mah?

(BCL) 我講：雅各諸個首領，以色列家諸個官長啊，恁著聽！恁豈呣著知影公平嗎？

2

(THR) Lín òan-hūn hó ài pháiⁿ; pak lâng ê phê, tùi in ê kut thek-bah.

(BCL) 恁怨恨好愛歹，剝人的皮，對的骨剔肉。

3

(THR) Ia̍h chia̍h Góa ê peh-sìⁿ ê bah, pak in ê phê, at-chı̍h in ê kut-thâu, chhiat kui-tè, chhin-chhiūⁿ beh lo̍h e, koh chhin-chhiūⁿ tiáⁿ-lāi ê bah.

(BCL) 亦食我的百姓的肉，剝的皮，遏折的骨頭，切歸塊親像欲落鍋，閣親像鼎內的肉。

4

(THR) Hit-sî in beh kiû-kiò Iâ-hô-hoa, nā-sī I bô beh ìn in; hit-sî I beh chiàu in só͘ kiâⁿ ê pháiⁿ-tāi, tùi in ng-bīn.

(BCL) 彼時欲求叫耶和華，若是伊無欲應。彼時伊欲照所行的歹代對掩面。

5

(THR) Iâ-hô-hoa lūn-kàu hiah-ê hō͘ Góa ê peh-sìⁿ kiâⁿ chhò-lō͘ ê sian-ti án-ni kóng, in ê chhùi-khí nā ū mı̍h thang pō͘, chiū kiò kóng, Pêng-an ah; lâng nā bô ēng mı̍h that in ê chhùi, in chiū pī-pān kau-chiàn kong-kek i.

(BCL) 耶和華論到許個互我的百姓行錯路的先知按呢講，的嘴齒若有物通哺，就叫講：平安啊！人若無用物塞的嘴，就備辦交戰攻擊伊。

6

(THR) Só͘-í lín beh tú-tio̍h àm-mî, tì-kàu bōe khòaⁿ-kìⁿ īⁿ-siōng; koh beh tú-tio̍h o͘-àm, tì-kàu bōe chiam-pok; hiah ê sian-ti beh tú-tio̍h chhin-chhiūⁿ jı̍t-lo̍h, ia̍h tú-tio̍h jı̍t--sî piàn o͘-àm.

(BCL) 所以恁欲抵著暗暝，致到看見異像；閣欲抵著黑暗，致到占卜。許個先知欲抵著親像日落，亦抵著日時變黑暗。

7

(THR) Hit-sî sian-kiàn--ê kiàn-siàu, chiam-pok--ê làu-khùi; lóng beh ng in ê chhùi-tûn; in-ūi Siōng-tè bô thiaⁿ in.

(BCL) 彼時先見者見誚，占卜者漏氣，攏欲掩的嘴唇，因為上帝無聽。

8

(THR) Nā-sī góa, góa tùi Iâ-hô-hoa ê Sîn ū khùi-la̍t, ū kong-pêng, ū châi-lêng móa-móa, thang tùi Ngá-kok kóng-bêng i ê kè-sit, tùi Í-sek-lia̍t chí-chhut i ê chōe-ok.

(BCL) 若是我，我對耶和華的神，有氣力、有公平、有才能滿滿，通對雅各講明伊的過失，對以色列指出伊的罪惡。

9

(THR) Ngá-kok ê siú-léng, Í-sek-lia̍t-ke ê koaⁿ-tiúⁿ, òan-hūn kong-pêng, óng-khut chèng-tı̍t--ê ah, lín tio̍h thiaⁿ.

(BCL) 雅各的首領、以色列家的官長，怨恨公平，枉屈正直者啊；恁著聽！

10

(THR) In ēng huih kiàn-lı̍p Sek-an, ēng chōe-ok khí-chō Iâ-lō͘-sat-léng.

(BCL) 用血建立錫安，用罪惡起造耶路撒冷。

11

(THR) In ê siú-léng ūi-tio̍h pò͘-lō͘ lâi sím-phòaⁿ, in ê chè-si ūi-tio̍h kang-chîⁿ lâi kà-sī, in ê sian-ti ūi-tio̍h gûn lâi chiam-pok; in iáu-kú óa-khò Iâ-hô-hoa, kóng, Iâ-hô-hoa kiám-bô tī lán tiong-kan mah? chai-ē bô lîm-kàu lán.

(BCL) 的首領為著賄賂來審判；的祭司為著工錢來教示；的先知為著銀來占卜。猶久倚靠耶和華，講：耶和華豈無佇咱中間嗎？災禍無臨到咱。

12

(THR) Só͘-í in-ūi lín ê iân-kò͘, Sek-an beh hō͘ lâng lôe, chhin-chhiūⁿ chhân-hn̂g, Iâ-lō͘-sat-léng beh piàn-chòe thô͘-tui, chit ê tiān ê soaⁿ beh chhin-chhiūⁿ chhiū-nâ kôaiⁿ ê só͘-chāi.

(BCL) 所以因為恁的緣故，錫安欲互人犁親像田園，耶路撒冷欲變做土堆；此個殿的山欲親像樹林高的所在。

Bible Color Mark

• 台語漢字羅馬本
• 巴克禮全羅